‌Nu Piang Ngaih Don’ luanghawm Kawlgam ki ciahpih tading

‌Zomi Innkuan Singapore te vaihawmna tawh sanggamnu Nu Piang Ngaih Don ii luanghawm pen zingciang Saturday (13 August) ni in Kawlgam ki ciahpihthei tading cih ihzakman in lung hongnoptuam zawdeuh hi. Agim atawl ZIS makai te leh hihvai tawh abuaikha khempeuh Pa Pasian in thupha hong piaksak tahen!

Hong thahlupsak te nuta zong Singapore kumpi in mawkkoihtuak hetlo hi. Amawhna uh ombang in sihdaan ki piatheiding cihpen News tuamtuam in pulakden uhhi. Tuate nutabek thamlo, atanu ii alawmpa zong Singapore Police khat hinapi in, hihbang innsung buaina te pholak khialo, imcip leh a innsung ah athuah CCTV na ngawn lakhia in, CCTV omlo ci’n thukhenmang te khem ahih manin, tuapa ii thuakdingzong apuakkhopmah omding hi.

Bangbang hileh sanggamnu Nu Piang Ngaih Don ii luanghawm pen ateenna innzang dong ki ciahpihthei photphotding suak ahih manin, innlam ah aom sanggam meltheih tanau tezong alung uh nuamzawdeuh tuamding in lamen hang. Zomi Innkuan Singapore te ii zaksakna lai anuai ah na simsuak unmaw. Lungdam! ZD Sawltak #zomidaily

Nu Piang Ngaih Don vai thu zaksakna (‌12 Aug 2016)

Tuni 12/8/16 (Fri) sun 11;00 hun in i lawm it PIANG NGAIH DON Luanghawm zato (Hospital) pan kila khiata dinghi.

Tua pan Yangon a puakding service provider te’n kemding uh aa, 13/08/16 (Saturday) ni sun 13:50hrs (1:50pm) hun in MAI tawh Yangon kipua in Yangon 15:20hrs 3:50pm) hun pawl in tung dinghi.

Tua pan “Kyaw Thu Geenvai” pawl in Kawlpi dong kisang toto in ong puaksak ding uhhi. Zomi akuamapeuh in thapiatekni

Zomi Khempeuh, Singapore, 12th. August 2016

Video: Nu Piang Ngaih Don aluang lakna leh thu pulakna

https://www.youtube.com/watch?v=Rj6ksz9jlhw

Nu Piang Ngaih Don vai thu zaksakna (‌9 Aug 2016)

‌1. 5 Aug 2016 Friday zingsang 9:30am embassy; Ministry of Manpower; Centre for Domestic Employers CDE a cih domestic employee huh (kumpi a mah hi) tuateng tawh kimu.

2. Employer thah ahihman in employer te insurance in cover theilo.

3. Embassy in, “Tua ahih leh Ministry of Manpower (MOM) pan vaihawmna bang a om thei hiam” a cihteh “ka hihtheih tawp un hanciam ding hi ung. Kei pen decision maker hilo ka hihteh dawnna ong pia lian thei keng” ong ci.

3. Sun nai 11:00 teh a Singapore agent pa tawh kimu. Aluang puakding vai; Dimpi khua dong tut ding vai khawng zong nasia tak kiphu. Ministry te ong lut peuhleh lem in um ung (Hih lai kigelh ciang lemta).

4. HOMEte huhna S$ 13,339 val ngah khin.

5. Zomi Innkuan Singapore in sanggamnu Dahpihna leh Tutpihna 8 Aug 2016 8:00-9:30pm kivaihawm a, mi biakinn dim in hong uap uh hi. Kawlgam Embassy pan Councellor Tin Lwin leh 2nd Secretary zong hong kihel in “A thu a man dong kisem suak ding a, mailam ah hibang a pian nawnlohna dingin hanciam ding hi ung,” ci hi.

Tua nitak in ZIS tungtawna galna zong SGD 4350 kingah.

6. Tun zum lam vaipi khat kimanta a, a luang puak theih dingin kikhentat khin hi. Puakna ding agent te in a vaihawm laitak hi a, a man phet uh ciang ‘pua theita ung ei’ ciin Embassy hilh ding uh a, Embassy in Zomi makaite hong hilh in tua ciang a luang a hankuang ah kisial dingin Pastoral Prayer tawh kikhakhia ding hi. Tua pan vanlengtual lam kizuatpih ding hi.

7. A luang kipuak ding pen upmawhna ah Tuesday maw Wednesday maw hikha inteh.

Hong zasak kik nung.

Zomi Khempeuh, Singapore 9 Aug 2016