ZOSIAM Gospel Team te kuan huding zaksakna

ZOSIAM Gospel Team te kuan huding zaksakna

Dear Zomi ulehnau teng,

Pasian itna tungtawn pana hongpiang khia Zosiam Gospel Ministry pen
tu in kum 5 sung Pasian hehpihna tawh Zogam leh Zomi te sungah kikal
suan khin ta hi. Tun zong asawtlua lo in anuai ahun geelna bangin
kikuan kik ding ahih manin akua mapeuh tungah itna leh zahtakna tawh
hong zasak kawm in thungetna kongcial uh hi.

Zogam leh Zomi te kha leh taksa damding Zosiam :

II Khang 7:14 – Kong cidam sak ding hi. ( I will heal your land).

Khahkhiatna ding hunleh mun:

Jan 11,2014 ni in Kalaymyo Bethel Zomi Baptist Church biakinn pi
sungah thungetna tawh khahkhiatna om ding hi.

Center Khatna :

Jan 12-14,2015 – Sung Heilei khua bulphuh in akim a khua om thei
zahzah kisam dinga kha leh taksa damna thupha kibawl ding hi.
Heilei khuami gamdang atung teng in zatui zaha man teng hongsik ding
uh hi.

Center Nihna:

Jan 15-16 ,2015 – Sung Suangzang khua bulphuh in akim a om thei
zahzah kisam dinga kha leh taksa damna thupha kibawl ding hi.
Suangzang khuami gamdang a omteng in zatui zaha man teng hongsik ding
uhhi.

Akuan dingin mi 15-20 kim kipha dinga, Siavuan siamah te zong Zomi
vive hi dinga, kician takin natna te genthei sensen ding hi. Siavuan
siamah leh Pasian nasem ,lasa siamte akipan akuan mi te Pasian leh
Zomi Zogam adingin kipumpiakna tawh akuan den hi a tutunga pen a kum
6 na hi ta hi.Abeisa in cina mi 11689 sitset tungah thupha kibawl
khin ta hi. Tutung in cina mi 2000 peuhmah tungah itna tawh damna
thupha puakdingin thu akingen ahihi.

Zosiam nasepna hangin Zogam leh Zomi te hamphatna te:

1. Kha damna kingah hi.
2. Taksa damna kingah hi.
3. Khuazang bup in kipumkhatna om hi.
4. Sangnau pangte vision sang pi pi nei tuam uh hi.
5.Siavuan siamah ten khuata khua neu te itna tawh sik in thupha bawl uh hi.
6.Gamdang aom ten innlam nulehpa te tungah itna tawh damna thupha
lahna zong hi.
7.Siavuan siamah ten siangtho na ding thu gen uha , zakna leh telna
kibeh lap hi.

Zosiam Gospel nasepna ah ma hongpan pih sa khempeuh te tungah
lungdamna kongko uh a, tu mahmah akipan ma hongpan pih nuam lai te
adingin itna tawh na hoihsep theihna kongpi honsa in kikoih den hi cih
zong kongpulaak nuam hi.

Topa in Zogam leh Zomi te sungah damna bukim hongpia tahen.

Itna leh lainatna tawh Zosiam team bup aitangin,

Rev.Pau Khan Khai
Zosiam Gospel Ministry