Zomite Ngeina le Lam DVD thak ki hawmkhiata

Zomite Ngeina le Lam DVD thak ki hawmkhiata

Zomite ngeina te, puansilh niktenzia te, taanglai inn sung vanzat te le Zogam mun hoihna tuamtuam te Documentary in hong kibawl khia ta hi.

“Zopaal” Fashion pan Syama Lam Lun in hih Documentary hong piankhiat zawh nading in kum 2 sung bang hunla in, Zongeina lapi, lam, tatdan te thei pi le pu te kaikhawm in hun, sum le pai tampi mah bei in Zomite ngeina le lam te kician tak in itheih ciatna ding ngimna tawh hong bawl khiat ahi hi.

Zomite ngeina le lam te a theician zaw nuam khempeuh, Zogam, Kawlgam le Leitung muntuamtuam a om Zomi innkuan khempeuh in, i naupang te in a ma i minam ngeina, nuntakzia, Zogam mun le mual te hoih tak in a theihcianna ding hih Documentary DVD in hong huh thei ding hi.

Zomite Ngeina le Lam DVD thak ki hawmkhiata

“Zomite Ngeina le Lam pawlkhat” Documentary DVD pen Yangon, Kawlpi, Tedim, Tonzang, Malaysia le US te ah kingah thei ta hi.

Hun tampi, sumlepai tampi sungkhia in akibawl ahih man in, hih DVD pen ki Copy sak lo, Youtube te ah khah lo a original mah lei in tha ikipiak nading in “Zopaal” Fashion pan in hong ki thum hi.