Zomite hong lamsang Pu Tual Cin Pau (Constitutional Tribunal Member)

Zomite hong lamsang Pu Tual Cin Pau (Constitutional Tribunal Member)

Dear Zomi u leh naute aw, Kawlgam kihel na ong ging ngaih mahmah in, tua lakah ei Zomite zong mun thupi tampi mah ih ngah hi. Tua lakpan Pu Tual Cin Pau’ thu leh ama panmun tawm, kei bat tantan hawmsawn ing.

Pu Tual Cin Pau pen , Pu Do Tual (Saizang Ukpi) tapa nihna Menzi Thawng Cin Thang tapa a u pen hi. A papi pen Pu Thawng Za Khup (Panlong Agreement ah makai), a pano Col. Dal Za Kam (Zomi sungah Col. Ngah masapen) hi.

Kawlgam ii Constitutional Tribunal (Thukhunpi tawh ki memat (kisai) thukhen pawl) ah mi 9 lakpan amah ong kihel thei ahih manin ih nak angtangh mahmah hi. A panmun pen lian mahmah in ih lamet ngam zawhloh phial hi. Tuni aa Paliament ah kiciamna pen President, Union Minister te leh Election Commission member tetawh nei khawm thei uh hi. A tom in gen leng Union Minister tawh a kikim phial panmun ahi hi.

Constituitional Tribunal bang hiam cih tawm en pak ni. Kawlgam ki-uk na ah Phungpi 3 in suakta takin amau mun pan nasem in a kikim in thunei ciat uh hi

1) Legislature (Thukhunte puah/a thak bawlpawl) (ih MP te)

2) Executive (Ki ukna lam) (Kumpi, Minister te)

3) Judiciary (Thukhenna lam) cihdan in a ki omto dimdiam hi in a vekun amau mun ciatah a thuneihna uh kikim ciat hi. A thumna ahi Thukhenna lam ah nam (3) in kikhen to beh lai aa,

1) Supreme Court, High court, etc… (Thukhenna phungpi, thukhenna zum tuamtam- State,District etc…)

2) Courts-Martial (Galkap lamtawh kizom thukhenna)

3) Constituitional Tribunal of the Union (Thukhunpi tawh kizom thukhenna) cih teng hi.

Pu Tual Cin Pau ii panmun neihna pen a thumna mun hi in, a mau ii nasep leh vaipuakte pen nampi (7) in kikhen hi.

1) Thukhunpi sunga akihel thute ii akhiatna/a deihna letkhiatna

2) Gambup innpi, State innpi te’ bawl Thukhunte a puahna/a bawl thakte pen ih Thukhunpi tawh ki tuak/tuaklo cih en cik ding

3) Uk na thunei Gambup kumpi te, State kumpi thunei te’ nasep nate pen ih Thukhunpi tawh ki tuak/tuaklo cih en cik ding

4) Gumbup and State kikal, State leh Region kikal, State leh Ukna tuamnei gamte (Self-Administered Area) kikal ah a om thei, Thukhunpi tawh ki memat (kisai) buainate ah Constitutional Tribunal in khensat sak ding

5) State/Region/Ukna tuamnei gamte in Gambup thukhun danin na asepna hangin ong om thei ding hamphatna leh vaipuakte hangin Gambup leh State/Region/Ukna tuamnei gamte kikal buaina ong omte ah Constituitional Tribunal in khensat sak ding

6) Gambup leitangh tawh kisai in President in a zaksak thute ah en dik in khensat sak

7) Gambup innpi in sepding in a vaihawmsak nasepte sepna cih danin a tomin ki en thei hi.

A huampi in ci leng, hih panmun pen thupi mahmah ahih manin a mi ding mahmah zong “ a pil leh amin nei” hi ding hi cih pen a Thukhun hingiat ahih manin angtang huai phadiak hi. Tu ciangciang NLD leh Parliament pan aki puak candidate lakpan in Galkap MP te’ nial pen VP Henry Van Thio, Pu Tual Cin Pau leh Daw Khin Htay Kywe hi in a kituak kha ahi phial zongin Zomite nih ahih pen a lamdang khat hi cih ding hi.

Biakna vai hangzong hikha maithei ding hi. Ahih hangin Pasian in ong lamsang peuh leh kua in ong khaktan zo ding hiam? 2016kum – Telcing makai khempeuh tungah ih biak Pasian thupha ong piaksak ta hen…. Khup Lian Thang Ref: Constitution of the Republic of the Unionof Myanmar (2008)