Zomi te leh i lawi lungsim

Zomi te leh i lawi lungsim

A beisa in Zomite leh i ui lungsim cih kong post ngei a, a zadah leh sung tawh kituak lo a hun khop a om hangin i biakna makaite leh siate lah a gen ngam om lo, kam keek ngam om lo uh ahih manin ong hai pau kik dih ning ei.

Lawi pen bual sungah a a kibual hun sung teng mah nuam sa-in thangah mahmah uh a, bual panin a pusuak khit uh teh a sawt loin buante nisa in hang gam ahih manin, nisa, thosi leh thovai thuaklah in bual sung mah tung kik thithe uh hi.

Lawite bangin ei Zomite zong piangthak leh gupna kitel kici a tamzawte pen biakinn sung leh kikhop hun sung bek in kha gim kinam in, tha kingah thei mahmah in, kipeek in, I kikhuk ngeingai hi. Ahih hangin biakinn sangkil kan khia leng i leitung lungsim mah kipua pah, kha gim i namna theng mang pah, zuaugen ding kihta lah ki-om mel lo… Biakinn kikhop bang lawp latlat, diang latlat zawzen, Pusuak khia leng lah i lawi lungsim mah pua pah…. (Mizo pau leh “A ngei bok”).

I Khristian thu-up zia leh i san zia pen i pua tham bek kizepna in zang kha kei ni. Biakinn sung bekah thu-ummi hi kha kei ni. I thu-up zia leh i thusan zia tawh tawh kituak in, kalsuan in, i nuntakna leh i kampauna ah zong i lah khiat hun ta hi.

Kikhop sung bek leh biakinn sung bekah Khristian suak laklak den kei ni.I Khristian hihna pen kizepna ding bek leh biakinn sung bek a zang loin nisim in i nuntakna ah i zat khiat ding pen thupi zaw hi. I lawi lungsim paaikhia in, Khristian lungsim leh ngeina vom in paai ta ni. Thang Khan Lian