Zomi sung ah ZYA le ZCD vai hilhcianna

Zomi sung ah ZYA le ZCD vai hilhcianna

Tusung thuthang ah YMA kalsuan zia kilim gen in tuatawh kisai Kawlgam a om Zomi sungah pawlkhat lung hiang na aneih khak ding lungnop lohna tawh a nuaia bangin ZYA dinmun pulakna hong nei ing.

1. ZYA mintawh Party Politics ah kihel thei loding mimal bel ama suahtak na dandan hi. YMA mahtawh kibang in na kisem hi. Party Politics ah bel ZYA makai sung ah USDP om, NLD om, ZCD om amau mimal suahtak dandan hi. Ahih hang ZYA mintawh tua party gumni cih om theilo ding hi.

2. Minam kideidan lo in na kisem hi. Cimawh dongtuak ahih nakle Kawlte, Falam, Hakha, Mizo cimawh dongtuak khempeuh kihuh kipanpih hi. Kuamah kideidan lo hi.

3. Biakna Pawlpi ah zong SDA, EBC, AG, Baptist, RC etc kuamah kideidan lo hi Committee sungah zong pawlpi a kim in kihel hi.

4. Party Politics vai ah bangzah ta in a hoih zong ZYA kipawlna mintawh guptuam theih omlo hi, NLD sung a om Zomite, USDP sung a om Zomite, CNLD sung a om Zomite vekpi in ZYA in huam kul hi. ZYA dinmun in Party bangbang ah a om zong Zomi khat ahih nakle i huam kul hi.

5. Satan Pawlpi aizong, Zeisu Pawlpi aizong, NLD aizong, Bang party bang party ah a om Zomite khempeuh ZYA in ih huam ih van kul hi. Tuapen ZYA By Law hi

6. Mimal bel kuamah kikham lo hi, NLD gum om ve, ZCD gum om ve, CNLD gum om ve, UNDP gum zong om ve tuapen suahtakna kipia hi.

Tua hi in ZYA makaite khat peuh in a laisuah na ah guptuam aneih le ZYA min hilo ding hi Ama mimal suahtakna hi

ZYA in ZCD gum cih ahih lohna theih tel ding hilhcian na hi. Makai sung pan apaupau te kipawlna min hipahpah lo hi. Mimal idea ahi hi.

Kei mimal in ZCD kagup pen ZYA gambup gup cihna ahih lohna hilhcian na hi.

Kei bel gamvai, politics vai tel gailo kahih manin minam Zomi kahih teh Zomi mintawh ading ZCD Party a pum gup cih hilel hi.

ZYA gambup kipawlna i gup cihna hilo hi. Kam Suan Mung (President, ZYA HQ, Kalaymyo)