Zomi sung ah Thu-um mi hihna leh Pilna

Zomi sung ah Thu-um mi hihna leh Pilna

(Christianity and Wisdom among the Zomi)
Hih thulu tawh kisai thembek hong gelh pak ning. I Pastor te leh sia te in Laisiangtho thu zuih ding ong lim gen mahmah uh aa, gam 2na gam 3na ciang dong ah Pasian thu kihilh in iki delh kawikawi hi. Diktatna leh thumaan na cih tepawl Lai Siangtho’ deihna ahih mah bang in, Pilna zonding zong Lai Siangtho deihna ahihi.

Paunak sung ah, na neih nalam na beilawh zong in Pilna zong in ci ahihman in Pilna zonna pen Pasian thu zuihna khat hi aa, Thu-um mi hihna bucinna khat zong ahihi. Pasian thu iki deihsak aa iki hilh mah bang in Pilna zong kihilh in ki deihsak leng cih lunggulh na zong ahihi.

Aniam pen aa zat theihpah ding khat genleng. Khawmpi/Crusade ineih zah in Seminar leh Training cih tepawl, Surviving Skills (Nuntak zawhna ding siamna) ahih keileh Personal Development (Mimal Khantohna) cihdan in gam 2na phadiak ah nei theileng bang acitam? Pilna kipatna zong hipah. Lai taan sangpipi bel cingam naikhang.

Pasian thugen lo ding ka cihna hikei. Aniam penpen gampan akhangkhia Zomi te themcik beek phattuamna ding lunggulh na hizaw.

Lungdam,
Lian Zomi