Zomi : Pasian Nasemte Pahtawina

RC Topa Kam Hau in,
“Ko pen PASIAN THUGEN kahi uha,
note PASIAN NASEM na hi uh hi” ci hi. Pasian Thugen le Pasian Nasem kilamdangsak hi.

Pulpit tungah thugen ciangbeka PASIAN NASEM tampi in sa kha hi hang.

October kha, Minister Appreciation ahih mah bangin,
Full Time PASIAN THUGEN/NASEMTE i pahtawi khit, PASIAN NASEMte Oct kha beima in pahtawi man kei kha leng ci-in, hih lai hong gelh ing.

• LST bulphuh: 1 Corinth-te 12:12-26 (pumpi na tampi om a, ahi hangin pumpi khat ahi hi.)
• Pawlpi/Saptuam lu le kamte i pahtawi khit. mit, bil, khut le khe-te ahi;
• Music tumna tawh Pasian nasemte
• Lasakna tawh Pasian nasemte
• Powerpoint le projector, media letna tawh Pasian nasemte
• Sound system hong letsak Pasian nasemte
• Program Sheet gel a, print a, hong hawmsak Pasian nasemte
• Mawtaw lah hawl, gas man lah sikna tawh, homecell le lawmbawm talent kaihkhopnate ah Pasian nasemte
• Biakinn tutna gualh, hepna, siangthosakna tawh Pasian nasemte
• Paksuanna tawh Pasian nasemte
• Nek khawm hun ah nek khawm ding a bawl den Pasian nasemte
• Usher sepna tawh Pasian nasemte
• A kisap hunhun banner/signs bawlna le siamna tawh Pasian nasemte
• Antan thungetna tawh hun a pia den Pasian nasemte
• Man lahpipi meeting kahna, ngaihsut piakna tawh Pasian nasemte
• Mipi annek ding sago a paina, an huanna tawh Pasian nasemte
• Nipi pulpit paaksuanna tawh Pasian nasemte
• Siazinte annekpihna, zindo na tawh Pasian nasemte
• Khangthakte Pasian thu hilhna(Sunday School) tawh Pasian nasemte, a dang tampi om lai ding….
• Pawlpi khat khat ah siate/upate sang a sem zaw, a pahtawi huai zaw bang om kha ding hi hang.
• Siate Upate in pahtawina le lungdamkohna zong hong nei lo, phawkha lo mai ding hi.

Van a om a nungta PASIAN in hong mu gige a, Pahtakman pia lo in om lo ding hi.

Phawk ding: Ei upa le siate in nek ding hamphatna ding om ciang khuaphawk khol lo na pi hang, sep ding, gim na ding tawlna ding om leh i khut i khe i mit i thaguite

1 Corinth-te 12:12-26 bulphuh a hun i zat zong ngaihsuthuai sa ing.

Pil Mung
Upa khat, Chicago ZCC