ZCRC pan Zomi buptung Zogam sung COVID-19 vai thu pulakna

ZCRC pan Zomi buptung Zogam sung COVID-19 vai thu pulakna

2020 December (27) ni pan kipan COVID-19 hangin Tuithang khua ni (14) ki lockdown pen (14) kibehlap hi. Mi (3328) tengin, inn (550) val om hi. Tuithang khua ah COVID-19 positive mi (41) kimu ta a, mi (1) in hong nusia khin hi.

Tuithang khua a kilockdownna hangin Tuithang khua nawk a mundang tawh a kizom thei bek ahi Tungzang, Ngalbual, Suangsang, Lalta, Talek le Tuipi, Pangzang, Keltal khuate zong kizopna lampi hong kikhaktan hong suak hi. Hih khua (8) pan in Tuithang tawh a kizom in annek tuidawn, van le na a lei, a zong te in zong hamsatna tampitak kituak hi.

Tua hi a, hih khua (8) te ah nekledawn ding bei in meikuang paisuak thei ding dinmun hong tun khak ding thupi ngaihsun in i vaihawm ding hong kisam ta hi. Adiakdiak in nektawm zong khuamite sungah hamsatna lianpi hong tung khin hita hi.

Tua ahih manin gamsung gampua a om u le naute akua maciat in hih khua (8) ading i hih theih bangin i panpih kim ciat nading nakpi takin kihanthawn nuam hang.

Zomi COVID-19 Response Committee (ZCRC) in zong a kisam bangin tanu le palai sem dingin ka na kiging khol uh hi. I Zogam sungah hih bang hamsatna i tuak laitak in i minam bup in khut kilen a i dinkhop ding zong kong zawn uh hi.

More: ZYA le ZCRC zinna Report ~ Lian Tuang

(Tedim le Tonzang gam sungah COVID-19 positive ngah mi (100) val bang hong omta a, a sawtlo in Tedim khuapi zong ki lockdown thei ding dinmun hita ahih manin ZCRC in ahi thei bangin tanu sep dingin ka kigingkhol uh a, Zomi mimal kim in zong abeisa hunte mah bangin i dinpih lai ding kizawn phapha hang..) ZCRC – Zomi COVID-19 Response Committee