Zawlluipa’n nawngkaisak ahih main mopawi bawlma ni 10 kisap in guza dawnziau

Zawlluipa’n nawngkaisak ahih main mopawi bawlma ni 10 kisap in guza dawnziau

India gamsung ah pasal anei dektak mothaknu dingin guza dawnin, a guza dawnlaitak amahleh amah Video kizaih hi. Tua Video Clip pen alawmngaihlui “Ex-boyfriend” kiangah khak cih Dail Mail pan kiza hi.

Mothakding “Bride-to-be” nu ii aminpen Nisha Devidas kici hi. Amahpen Western India, Maharashtra State sung aom Rohini Village ah ateengkhat ahihi.

Video Clip sungah guza avom namkhat adawn laitak kimuthei a, tua Video pen amahleh amah akizaih ahihi. Pasal aneihding ni 10 bekbek akisamta hi a, ahi zongin alawmngaihlui “Ex-boyfriend” in lauthawng nawngkaisak “Blackmail” ahih manin, amanzong guza dawnin adawnlaitak Video Clip pen tuapa kiangah akhak ek cimawk hi.

Anaupa Ravi Kavle kici in agenna ah ka unu pen alawmngaihlui Ex-boyfriend ahi Nikhil Borkar in nawngkai sakden, Blackmail den ahih manin, thuakzolo in ama nuntakna khualzo nawnlo in aki sihbawl ahihi ci’n genkhia hi.

Video: Bride-to-be filmed herself fatally drinking poison and sent the clip to her ex-boyfriend after he ‘used her and blackmailed her’

https://www.youtube.com/watch?v=EFGV7okNBhQ

Hih numeinu in guza adawnkhit ciangin guzadawn cih atheikha khatin amanlang in Bhandara aom District General Hospital ah napuakpah a, ahi zongin zato atunphet in sipah hi.

Anaupa Ravi Kavle in agenbehna ah ka sanggamnu pen pasal aneihding nisawm bekbek akisam ahihi. February 04 ni ciangin mopawi bawlding ci’n akigeelsa hi a, ahi zongin mopawi bawlmanlo in hong sihsan ahihi ci’n genkhia hi.

More: A zawlluipa innsung ah Corridor panin alutsawm numei khat kiman

Ka sanggamnu sihna pen Ex-boyfriend Nikhil Borkar kicipa hanghi. Ka sanggamnu sihna vai ah tuapa in mawhmuak nei hi. Tua ahih manin, amahpen amanlangin matkhiat pahding ahihi ci’n anaupa in genkhia hi. Hihvai tawh kisai in Police te’n athu hoihtak kancianding uh cih kiza hi. Sawltak #zomidaily