ZAM Thupuak :: 27 Jan 19 (Lung himawh kei in)

ZAM Thupuak :: 27 Jan 19 (Lung himawh kei in)

LUNG HI MAWH KEI IN: Tulai tak UNHCR vai tawh kisai in tampitak hong lung hi mawh sak mahmah thu pen Option 1 leh Option 2 mah hi pen hi. Thu ging tuamtuam zong tam ahih manin I lungsim te hong nawngkai sak mahmah hi. Ahi zongin USA pipeline sungah a om khinsa peuhmah te maban pen vaidang tuamtuam a om kei a leh Option -1 na teel a Option- 2 na teel tawh kisailo in amau kiangah file a tung khinsa peuhmah a ngeina bangin kizomto ding hi cih RSC officer te’n hong gen uh hi. Tua ahih manin pipe line sunga tungsate in bangbang na teel zongin lung hi mawh luat ding hilo hi.

DHS (LAHWAHKAH) OFFICER TE JANUARY KHA BEI AH HONGPAI KIK TA DING

RSC/OPE man khin sa te USA gamah paitheih dingleh paitheih loh ding khentat na hongpia USCIS officer te January kha bei ah nasep nasia takin hong kipan kik ta ding uhhi. February kha sung tengin (buaina tuamtuam omlo) pongman tak in a UN vai a kizom to te sam pha diak ding a, March kha leh April kha sungin Fraud Case sung pan a kisam kik te hong zom to ding uh hi. A beisa hun te ah DHS te a kizom in kha 3 bang sem suak ngei khollo uh himah leh Pipe Line sung a lut sa te vai a manlang thei pen in sep ding ngelna aneihna uh tawh kizui in kha 3 sungbang a kizom in hong sem to suak ding ahihi.

Pipeline sungaa om khinsa peuhmah ih UN maban te Zumlam pan amanlang theipen in ong zoptoh sakding gelna nei uh ahih man’in ih phone te hoihtak kiging sa in omciat ni. Phone no. na laih khak leh amanlang in ZAM zum pan laikhak sak pah in.

Zumlam pan hong ki hopih kei aleh ei lampan in zumah lai khak tawh hopih a ih zum vai ih dawp tangtang ding thupi mahmah a, ZAM zum pan in I mipih te ading kalsimin UN vai dawpna lai a lomlom in kikhiat toh sak den hi. Nidang zah in hun hoih nawnlo ahih manin I ngah khak interview te vai khat peuh tawh a ki pelh loh na dingin ei lam pan in kiging khol ciat ni.

Interview na pai ma in a theisa te tawh kikum phot hamtang leng hoih pen hi.

ZAM – Zomi Zumpi pan’in Nang leh Zomi khempeuh ading UN vai leh vai-bangkim ah panpih theih zah mapang khawm dingin a kigingsa in omden hi.

2019 ZSM LAIBU KINGAH TA HI

Malaysia zomi Genvai Kipawlna (ZSM) 2019 a ding ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipih te a panpih, a dah akap hun ah a khitui anulsak na hi gige hi. Hih ZSM ah member na lutna in nang ading apia na hikei a, panpihna akisamte apanpihna hizaw hi. 2018 sungin zong tu ciang ciang Zomi pih te luang (20) val bang lei ah I tuh theih na in nang leh kei I pankhopna ahih bang mah in mailam ah zong mapang khawm lai dingin zong kong zawn phapha uhhi.

ZSM adingin mimal, Pawlpi leh Khua tek pan in zong panpihna I nget zel mah bangin kum simin zong hong kipia den a, tukum adingin zong ZSM panpihna hong ki piapia tahi.

• 1. MLPP pawlpi RM300
• 2. MBF Pawlpi RM300
• 3. Zomi Innkuan Rawang RM300
• 4. Saizang khua kipawlna RM200
• 5. Zomi Ebenezer Malaysia RM1000
• 6. Mualpi Innkuan Malaysia RM200
• 7. Malaysia Tedim Suangpi innkuan RM200
• 8. Phaiza Innkuan RM200
• 9. HCCF pawlpi RM200
• 10. MZCC pawlpi RM1000
• 11. ZCF-Bethany Pawlpi RM300
• 12. Buanli Khua Kipawlna RM200
• 13. Mualbeem Khua Kipawlna RM200
• 14. Tuithang Khua Kipawlna RM200
• 15. Tuilangh Khua Kipawlna RM200
• 16. Zonuamzang Khua Kipawlna RM200
• 17. Do Sian Pau (KL Cherry Store) RM100
• 18. Zion Christian Church (Songailong) RM150
• 19. ZBCM pawlpi RM100
• 20. ZCF-Kota Damansara RM300
• 21. Laaitui Khua Kipawlna RM200

ZOMI NAM NI MAPANKHOP DING ZOTNA LEH THEIH SAKNA

Malaysia a om Zomi ten kumsim a i bawl den i minam ni sawtloin hong tung ding hita hi. Abeisa kumte mah bang in tukum zong thupitak leh picing takin bawl theih na dingin 12 November 2018 in ZAM zumpi ah kimuh khop na kinei hi. 2019 zong nopcitak leh picingtak a i bawl zawh na’ng sum leh pai tampi hong kisamding a hih manin muanna leh lametna lianpi tawh Zomi Nam Ni Committee in anuai a bangin ma i pankhopding kong zawn uhhi. Zomi Nam Ni adingin sum leh paai tampi mah kisam a i pankhop ngeina bangmah in tutung zong

Khua kipawlnate panin RM 200 leh biakna Pawlpitepan in RM 300 tawh mapang khawm dingin I kizawn hi.

ZOMI NAM NI ADING PANPIH NA HONG PIA TE

• 1. Dal Sian Hung RM300
• 2. Lalta Khua Kipawlna RM200
• 3. Mualpi Innkuan Malaysia RM200
• 4. MLPP pawlpi RM300
• 5. Lezang Khua Kipawlna RM100
• 6. Malaysia Ngalzang Innkuan RM100
• 7. Phunom Khua Kipawlna RM200
• 8. Kansau Khua Kipawlna RM150
• 9. Anlangh Khua Kipawlna RM200
• 10. Mualzang Khua Kipawlna RM200
• 11. MBF Pawlpi RM300
• 12. Tg Thang Kap Sing (Tongsial) RM50
• 13. MZCC pawlpi RM300
• 14. Tuimui Khua Kipawlna RM200
• 18. Zion Christian Church (Songailong) RM150
• 19. ZBCM pawlpi RM100
• 20. ZCF-Kota Damansara RM300
• 21. Laaitui Khua Kipawlna RM200
• 15. Ngennung Khua Kipawlna RM100
• 16. Saizang Khua Kipawlna RM200
• 17. Sunway Emmanuel Pawlpi RM300
• 18. Zomi Ebenezer Malaysia RM350
• 19. Malaysia Tedim Suangpi innkuan RM200
• 20. Tuitum Khua Kipawlna RM200
• 21. Lingthuk Khua Kipawlna RM100
• 22. ZCF-Hatamas RM300
• 23. ZCCM pawlpi RM300
• 24. Suanghoih Khua Kipawlna RM100
• 25. Phaiza Innkuan RM200
• 26. Thang Suan Lamh (Mualnuam) RM50
• 27. Pangzang Khua Kipawlna RM100
• 28. Suangsang Khua Kipawlna RM200
• 29. Buanli Khua Kipawlna RM200
• 30. Mualbeem Khua Kipawlna RM200
• 31. ZBCM Pawlpi RM200
• 32. Tuithang Khua Kipawlna RM200
• 33. Lailui Khua Kipawlna RM200
• 34. Valvum Khua Kipawlna RM200
• 35. Zonuamzang Khua Kipawlna RM100
• 36. Tauleng Khua Kipawlna RM200
• 37. Lunmual Khua Kipawlna RM100
• 38. Zozang Khua Kipawlna RM100
• 39. Laaitui Khua Kipawlna RM200
• 40. ZCF- Kota Damansara RM300
• 41. Haupi Khua Kipawlna RM200
• 42. Zion Christian Church (Songailong) RM150
• 43. Pyidawtha Innkuan Malaysia RM100
• 44. Cikha Khua Kipawlna RM200
• 45. Zomi Innkuan -Rawang RM300
• 46. Tongsial Khua Kipawlna RM200

A (13) VEINA ZOMI BUP CIALPI AH SAPNA

• SPEAKER REV.PAU KHAN KHAI
• MOTTO PASIAN IN NANG ‘HONG PHAWK
• (1Sam. 1:19, Luke 23:42, Sawltak 12:6-10)
• A NI 4, 5 & 6. FEB. 2019 ( Mon – wed )
• A HUN 5:00PM – 10:00PM
• A MUN KUCHAI LAMA ( FGA )

Theihsakna: Hih Cialpi hun sungin Pawlpi tuamtuam pan leh aveng veng pan Bus ciah le kuan alem thei pen dingin kivai hawm ding hi. Bus Contact: Pa Dal Lam 018-3161792 Sia Hang Tuang 016-2823180

*Ih Cialpi bawlna mun FGA Hall nuai ah nek ding An lei tui lei theih dingin kizuak ding hi.

*Ih Cialpi Bawlna FGA Huangsung huangpua ah Security dingin Rela te leh Police te kikoih ding ahih manin om dan tat dan siama pilvang takin ih om kim ciat nadingin zong aki zasak leh na ki gen sawn cian un.

ZAM ZUM AH HONG HAWH

Full Life Mission Church, Yangon ah Pastor a sem Rev. Cin Sian Pau in Malaysia ah hong hawh sungin Zomi te a it avei na tawh kizui in ZAM zum ah hong hawhin thunget sakna hong nei ahih manin lungdamna I pulak hi. Topa’n siapa nuntakna hong zang semsem tahen.

ZAM ZUM AH HONG HAWH

Queensgate Baptist Church, USA ah Pastor asem Johnny You in Malaysia hong zin sungin ZAM zum ah hong hawhin Zomi te ading thu ngetsakna leh thapiakna hong nei ahih manin kilungdam mahmah hi. Topa’n siapa thupha hong piak sak semsem tahen.

TELNA (1) LEH (2) TAWH KISAI :Telna khat leh (2) tawh kisai in 2019 a kipan Telna (2) a tel khempeuh pen bangmah interview nailo in October, November 2019 ciang dong bang laidal piato in tua nung siah ah interview maban te zom to pan ding uh hi. Telna (1) atel te pen angeina mah bangin tukum bei dong card pia to suak ding hi. A zenzen in Telna (1) leh (2) tawh ki sai in na khel kik nop a leh ni (30) sungin lunghianglo takin UN zum ah paito kikin va khek in. A beisa ah Telna (1) a tel sa te (2) a kikhel saklo om a, ahi zongin 2019 a kipan kikhelsak ta dinghi.

KIDAWM NI :Malaysia gam sungah a hun zui-in khuahun luanzia te lungngai kawm-in ih om ih khawl dan te kidawm ciat ni. A diakdiakin tulaitakin Malaysia gamsungah buai cipcipna te hangin vai nawngkai tawh i kituak khak loh dingin ki dawm ciatni. Tua ban ah I omna Malaysia gam sungah I pelh theih loh kimat kihenna nisim mah in om den ahihmanin kidawm ciatni. Hih bangkimat kihen nateah ei mimal mahmah i kidawp loh leh i gamtatna aval luate hangin a kiman zong kitam mahmah den hi.

Tua ahih manin omdan khawldan leh vak dan i siam ding i kizasak pha pha hi. Tua danin mat leh hen khat na tuak ciangin na muan khat hoihtakin ko pah inla midang tampi contact kawikawi kei zaw in. Na card tawi tunga min pen na khua makaite, pawlpi siate ahih kei leh na lawmit te thei sak hamtangin. Mi pawlkhatin a card tunga min pen a tuampi khat in pia thei zelzel uh a, tua dan mite i kan nop ciangin muh ham mahmah thei hi. Ahih theih leh i min taktak mah tawh i card te bawl hamtang zaw leng kimat kihennate ah i kikandan, i kizondan hong lem tuam mahmah hi. Zuu leh sa nakhamkhit ciangin zong vak khia sese nawnloin inn ah tawldam takin om sawm zaw hamtangin.

ZAM ZUM AH KILEI THEI : ZAM zum ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puan dum, Zodial(Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zah zah kilei thei hi.

TUKAL SUNG THONG LAM BUAIPIH

• 1. Pau Cin Khai (Tungzang) Sunway pyramid pan kiman palik zum pan tankhia
• 2. Khen Suan Lian (Tungzang) Sunway pyramid pan kiman palik zum pan tankhia

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093 Sia Go Mang : 018 202 1216

NASEP LAM TAWH KISAI

ZOMI nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

ZATO LAM BUAIPIH TENG

• 1. Mana Lwon (kanpalet) HKL
• 2. Cing Sian Hoih (Suangphei) Selayang zato
• 3. Zam Khen Do (Pimpih) HKL
• 4. Steven Khai (Kapteel) HKL

Zato lam tawh kisai in vai khat peuh na neih leh Contact: Sia Mungpi 018 3122 957

LUNGDAM KOHNA :ZAM zum leh nasepna te adingin mapan khopna hong piate tungah lungdamna lianpi kong pulak khia uhhi. Zomite itna veina taktawh ih zumpi adingin hibangin mapang khawmin nong dinpihnate hang mah uh tawh tuni ciangdong a kikalsuan toto zo a hihi. Mailam ah zong apiakhiazo semsem dingin TOPA’N thupha hong pia tahen! Tung Khan Lang (Mualnuam) RM50