ZAM Thupuak :: 25 June 2017 (A lungdamhuai RSC/ UNHCR lampan thuthak)

A lungdamhuai RSC/ UNHCR lampan thuthak :: ‎21-06-2017 (Wednesday) 11:00 am – 12:30 pm dong UNHCR conference Room ah Resettlement Support Center (RSC) pan Mrs. Briane leh Racheal te in meeting hong makaih in nidang a meeting dangte sangin thuneite mahmah zong lungdam mahmah sain thu honggen uhhi.2014 a kipan a min kitaih vai a awk,khawlcip te tu in US lampan sapkik ding vai thupulakna hong nei in, tua sungah, mipi lam pan dotna tuamtuam a kibawl hang “Na thu uh a hi bangin gen un, thuman gen un” cih dotna khempeuh a dawnna hi sak ziau hi.

Nathu uh na khelkhel uh leh hong ki reject/nolh thei ding hi. Tua hong kinolh khak leh RST gamtelna vaipen a tawpna hiding UN card te bel hong ki laksak loding bek gen hi. Tuaban ah hong ki reject/nolh a leh appeal,hehpih ngetna cihte om non selo in RST tawh kisai kha nonlo cihna hipah hi.

Fraud a cih uh pen Eimi ten min kitaih ci in kithei ziau a, tuasungah min, suahkum, nu leh pa min, innkuan phazah, tangthu a manlo khempeuh huam hi. Hihte sung pan khat peuhpeuh tawh na kisawh khak uh leh Fraud in a huam hipah hi. A ma genna ah a manlo nahih lam na kitheih leh pulak pah zaw in la, FMT pan nasian mengmeng nadingin interview hong kisap nang laikhak pah in.

Tuaban ah Fraud case a tul a sim om sung pan na tangthu tawh kizui a kisem ding a hihman in a masa le nunung ding pen UN tawh kisai peuhmah lo hi. Na min man uh tawh hong kikhawlsak kha a hih leh hong ki kinsak mahmah ding cilai hi. Tua ahihman in na Phone No. te a thak in sitpha in.

NAUSUAK TE A DING ZATO :: Poliklinik Ikhwan ah RM1500 tawh nau kisuakthei cih ACTS Clinic pan kiza hi. UN Card aneite bekthamlo, UN Card aneilo tezong kisuakthei cihi. Nausuak bekthamlo, nausuaklai Birth Certificate zong hong lakpihpah dinguh cisawnsawn ahih manin lungdamhuai hi.

Poliklinik Ikhwan cihpen Clinic hi a, amau kiangah pongman in asuakte buaina omlo cihi. Azenzen in at kul, Surgery bawlkul ahihleh Hospital Sungai Buloh ah hong puaksakding “Refer” ding uh a, RM500 khawng beithuah theiding cihi.

POLIKLINIK IKHWAN :: No.21-G, Jln Desa 9/4,Bandar Country Homes48000 Rawang, Selangor Darul EhsanTel: 019-378 4337

UNHCR ZUM KIKHAK DING :: Malaysia te kum thak Hari Raya zum khak ni ahi June 26 (Monday) leh 27(Tuesday) ni te ah UNHCR zum kikhak ding hi. Tua ni te ah UNHCR Card Renew ding te in tua ni ma in zum pai khol zaw ni.

ACTS KIKHAK DING :: ACTS Clinic pen Malaysia te kumthak Hari Raya sung June 25(Sunday) leh 26(Monday) ni te ah kikhak ding hi.

CLU TE ZAM ZUM AH HONG HAWH :: ZAM zum ah 21-06– 217(Thursday) ni-in CLU pan Ms Joanne hong pai in UNHCR vai tawh kisai dot nop bangbang dotna kinei in tua sungah mimal (55) in a zum vai te uh dotna nei thei hi. Zingsang nai 10 pan sun nai 2 kikal sung in mimal kim ciatin zum vaite nuamtak ki dong thei hi.

INSURANCE CARD BAWL HAMTANG IN :: UNHCR Cidamna lampan apulakna ah RHB insurance company tawh Operation tampi ki bawlkhin ahihmanin insurance bawl nailote limtak hanthawn a bawlsak ding hi, tua hikeileh gal taite kibawl zolo in mi tampi’n sih lawh khin ding cihi. Tua ahih manin sum namawk beisak sangin ih muh kholh theih loh Ih mailam ding kikhual kawm sa in RHB Insurance lei sawm hamtang ni. Kuamah kiang leitawi lo/Pawlpi, khua leh tui buaisak loin, ei leh ei I hih theih nang ahun omlai in ki khual ciat ni. RHB Insurance card a leisa te in zong na card uh tettan a bei leh ZAM zum ah kibawl thei hi.

UN ZUM PAN PHONE HONG KI SAP CIANG :: UN zum pan phone hong kisap ciangin koi department pan hong sam, bang vai in hong sam cih hoihtak dong cian phot tangtangin. Bang mah kitel cian lopi in zum ah ih pai ciangin ih hun mawk bei thei hi.

UNHCR AH KAMLET DING ZOMI MAH NA TEL UN :: Interview na pai ciangin Kawlpau, Mizo pau cih te sang in na pianpih kampau mah telzaw in. Zomi kamlet hong zonsakun nacihnak leh pello in hong zonsak pah ding uhhi.

WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai  te’n Zomi zumpi ahi Zomi Association of Malaysia(ZAM) ah nong hawh/phak ham tang na ding un itna lianpi tawh kong zawn uh hi.

Na UN Vai Nakan Nuam hiam? :: Na UN vai lung hi mawh in kannop dotnop khat peuhpeuh nanei hiam? UN Department tuamtuam ah laigelhsak nop na neih leh ZAM Member te ading mangenlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi loin UN card a neih khit hang in a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in.

redONE SIM CARD KILEI THEI DING :: RHB Insurance te vai hawmna tawh UN card a tawi khem peuh in redONE sim card 19-06-2017(Monday) ni pan kipan in kilei thei ding hi. Sim Card khat ciang in RM 10 hi ding a, redONE leh redONE ahih leh free call kingah ding hi. A dang sim card te na call leh minute 1 ciang in 0.16 sen hong nek sak ding hi.

ZAM ZUM AH KILEI THEI TENG :: ZAM zumpi ah I ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek tham loin
1. Thuciamthak Laisiangtho (ZSV) RM302. Galhiam Phatna labu RM303. Kawl Laisiangtho(Bu neu) RM304. Zolai Simbu (Zolai bulpi) RM305. Dictionary (English to Zomi) RM50 6. Tutmun Mikang pau sinna RM207. Eden ah ciah kik ni RM208. Tedim Labu (Hymn) RM259. Nisim Tongdam RM3010. A lamdang hehpihna RM2011. ZYA Magazine RM5012. Cope Centenary Jubilee RM1013. Zomi Bible Dictionary RM50Cih te zong kilei thei hi.

KIDAWM KIDAWM :: THEIH HUAI THU TUAMTUAM

• 1. Na om na laihsa (address) hoihtakin lotngah in, Na Lotngah kei phial leh zong laidal no khat ah gelh sa in pua den in.
• 2. UN tawh kisai vai naneih limlim leh  Zato lam tawh kisai na hih leh Siavuan lai leh appointment laidal no na puakding mangngilh kha het  kei in.
• 3. RSC/OPE interview na man khit ciangin nau neithak a hih uh leh UN card na lak ni mah in RSC/OPE ah nau nei thak ung ci’n tua ni mahin nausuah lai tawh kipulak hamtang in. Banghang hiam cih leh interview hong sap ciang in nau neithak ung na cih pan leh na vai hong kaituam pah ding hi.
• 4. Tu laitak RSC/OPE leh DHS/Lah Wah Kah kisap lai tak  ahih manin interview napai main hoihtak in kiging khol masa hamtangin. Adiak in DHS/Lah Wah Kah pen tulai tak interview nei te khauh dot uh ahih manin ih UN interview pen khat vei ih khialh leh khat vei interview ih ngah kik ding  lametna tamlo hi.
• 5. Tu laitak RSC/OPE leh DHS/Lah Wah Kah interview  neite sungah Ei mi atamzaw pen min kitaih ih cihte hi a, Na min aman bang tawh nonglak thei ding nahi hiam? Laidal (document) nonglakthei ding hiam? Ci-in hong dong kha thei ding uh a,  hong lakthei  mah ning cikha peuhmah kei in konglah theih Laidal (document) pen kei hi pah ing na cih ding mangngilh kha kei in.
• 6. Khuazin khua zan in zuu kham sa khawng in lampi tungah vakvak kei inla na card tawi peuhpeuh a nungta lai hisak hamtang in. Na card a nungta lai a hih leh a hih loh in zong thu pawl khat te ah tampi tak kilamdang sak cih phawk gige ni.

Kimat kihen na tuahkhak leh :: ZAM member te kimat kihen na tuahkhak uh leh Contact Sia Tuangpu: 016 254 4093, Sia Go Mang: 018 202 1216

ZAM ZUM AH HONG HAWH :: Qualitas Clinic pan Mr. Faiz ZAM hong hawh in mailam ah Qualitas te  tawh nasep khop theih nading kikhup na hong neihpih hi. Mailam ah ZAM tawh khut kilen in gambel Zomi pih te a ding sep khop theih ding tampi ki kupna kinei thei hi.

THONGLAM BUAI PIH TENG :: 1. Thang Kap Sian (Gamngai) Cheras Oparasi pan kiman Jinjang lockup ah buai pih laitak.2. Do Thuam Cin (Tuivial) Cheras Oparasi pan kiman Jinjang lockup ah buai pih laitak.3. Tuang Vungh Vungh (Buanli) Cheras Oparasi pan kiman Jinjang lockup ah buai pih laitak.

ZATO VAI BUAIPIH TENG :: 1. No Thang (Nahnuai) IPR2. Saan Lek (Tungzang) GHKL 3. Niang Ngaih Nuam(Lungtak) Sungai Buloh 4. Kam Gin Tuang(Saizang) UKM5. Thang Suan Kap(Vanglai) GHKL6. Kap En(Tuizang) Ampang Hospital7. Huai Ngaih Lun(Pimpih) NGOs ah paipih8. Pau Do Mung(Saizang) HUKM9. Do Mang(Mualbeem) Ampang

ZAM MEMBER TE A DING NASEP

• HONG KONG RESTAURANT Khasum 1100++,  An leh omna piaNasep hun :10AM to 10pm (Sun nai 2 sung khawl) Kal khat khat vei off. Amun：sunway pyramid(Pasal 5 kideih)
  Restaurants zok noodle house
• Khasum : rm1200, UN Card nei mi (2) kideih hi.Nasep hun : 10 hours. Kal khat khat vei off Omna pia, Ann pia, Amun: kota kemuning, Shah Alam
• ‭Factory-AKsa sat ding/Aksa deliver ding‬
• ‭Mi-3 kideih‬‭Nasep hun :8am-5pm OT omlai‬‭Offday- Sunday nisim  ‬‭Khasum-Rm-1100 -OT om‬‭Omna pia- An pialo, Amun -Puchong
• Pitek Putek Kep na
• Numei-3Pasal1 kideih. Khasum-Rm1200-OT omNasep hun-Nai10Omna pia Anvak. A mun-PJ Section 6
  Zato vai leh nasep vai ah kizop na ding Contact : Sia Khuppi 016 3838 014, Sm Cii Cing 011  1282 8482

LUNGDAM KOHNA :: Dal Sian Mung(Tuithang)  RM50ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uh hi.