ZAM Thupuak :: 23 August 2015

Resettlement Support Center (RSC) uliante ZAM zumah hong hawhna
Geelnasa om mah bangin 18 August 2015 nai 9:30am-01:30pm ciang RSC zumpi panin ulian te 2 hong paithei uh hi. RSC in nasep zia teng hong gen khit ciangin mimal in thudotna kipan to pah hi. Thu dong mimal 107 lungduai takin mimal dotnate hoihtak in ciapteh sak uh hi. RSC te sep le bawl bulpi pen ahih leh gambeelte USA ah manngetloh a puak ahi hi. Adang gamte tawh kisailo hi.

RSC thudotna aDHS thudotna
IOM pan sisitna aCO pan thusinna
IOM pan vanleng ticket cih bangin a dawldawl in USA tun theihna na kisem to khawm ahi hi.

RSC thudotna
Kha khat in mi 1200-1500 RSC thudotna ki neiden hi. RSC pan hong kisap ciangin na phone tawh hong kisam ahih mah bangin na phone na laih leh RSC leh UN ah hong zasak pah un. Akawmkal ah zi/pasal/ta nei, zato lum cih bang thu tuamtuam a om leh hong zasak hamtang un.

Fraud Case
Min kitaih na hang a UN tungsuk kikte pen UN panin na daan uh a bei khit ciangin pawlkhat RSC hong puakto kik a ahi zongin kisam thei nailo hi. USA ten khat vei hong sitpha kikin aman siang ciangin sawtlo in hong kisam kik thei pan ding hi. Lungduai takin nangak lai un.

Address piakna
USA a om na sanggam, tanau leh lawmte omna kipia thei na lenna ding thusinna hong kisap mateng kipia thei hi. Ahoih pen ah bel RSC na phi ni piapah le teh hoih pen hi. USA a om na meltheih te’n sum le pai bangmah piak kullo hi.

Casi
RSC na phi ciangin <https://casi.rescue.org> tung tawnin na dinmun ettheihna ding password hong kipia ding a tua pan ki enthei den hi.

Priority (P3)
P3 vai tawh kisai in USA ah atungsa innkuanpih nei ten nu le pa sanggam zi/pasal nei nailo kum 21 nuaisiah sapna ahi hi. Kum 21 aval khit leh kisam thei nawnlo a, ahih zongin P3 na siauh cillai in kum 21 a phak nai kei leh kingah lai ci uh hi. Zi/pasal neikhinsa ahih leh kisam thei nawnlo hi.

P3 pai zia pen form fill up khit ciangin DNA kisit in tua panin DHS ah cih bangin abanban in paitoto hi. P3 tawh siau dingte pen UN card neihkul seselo ci leuleu hi.

Inquiries (Thukannate)
Atawmpen kha khat teh khat vei dawpden ding hoih ci uh hi. Email or lai nong khak uh ciangin na Min, na Card No. leh na Phone No. hong kitel sak mahmah un. Na khak zawh kal 3 sungin thu hong ki zasak kik ding hi.

Laikhakna ding Email : <[email protected]>
Phone hona ding : 03 2141 5846
Zuau gente ki pulakna : [email protected]

Zogam Dongtuakte ading huhna nungkal azom
16-21 August kikal apia teng

Restoran Mun Wah Hokken Mee (ZAM zum nuai) 50
Nang Khan Gin 50
Ngalzang Khua Kipawlna 200
Malaysia Laipian Pasian Pawlpi 700
Tuimang Innkuan Malayisa 200
Cingpikot @ Keeizang Khua Kipawlna 200
Mega Chinese Methodist Church 5,000
Shalom Christian Fellowship 2,642
Khual Lian Kap (Bapi) 80
Pau Thawn Lal (Haupi) 100
Sungai Long Bethel Christian Fellowship 1,262
Mawi Nu (Mal Suangzang) 100
Sing Khan Suan (Thangsan) 60
Khai Khan (Kapteel) 20
Lailui Khua Kipawlna 300
Kansau Innkuan Malaysia 350
Kai Khen Dongh te nupa (Lailo) 100
Ro Lawm Thang (Darkhai) 10
Zomi Singunau Kipawlna 200
Cing Lam Mang (Mualnuam) 200
Nang Sian Khual 50
Zion UPC Kepong 200
Zomi Ebenezer Malaysia 1,607
International Zomi Christian Church 1,000
Nang Sian Hau (Tungtuang) 100
Manna Zomi Christian Church (MZCC) 3,725
Selbung Khua Kipawlna 100
Khai Lian Tuang (Saizang) 250
Mang Sawm Dal (Lailo) 30
Pau Ngaih Lian (Lailo) 30
Cin Khan Sum (Lailo) 30
Go Khan Lal (Cikha) 200
Lian Khan Pau te innkuan (Cikha) 100
Kam Min Thang te innkuan (Cikha) 100
Tuan Khan Khup (Cikha) 100
Pau Thawn Siam (Cikha) 50
Dim Zam Niang ((Cikha) 50
Tuan Sawm Tuang te innkuan (Cikha) 100
Cikha Khua Kipawlna 200
Vung Khan Cin (Thalmual) 50
Zomi Christian Fellowship (Bukit Tinggi) 1,462
Thalmual Innkuan Malaysia 200
Zomi Christian Fellowship (Kajang) 500
Mualnuam Khua Kipawlna 100
Bandar Bahru Permas Jaya, Jahor Bahru 505
Zion UPC Mission Home cell 100
Cingnu + Haupi (Suangzang) 200
Tuni ciangciang hunna RM35,378 kingah khinta hi.

Tukaal sung ZAM palaai te buaipih diak teng
Innlam ciah ding buaipih teng:

Thang Kap Khai (Buanman), Deih Cin Thang (Kansauzang), Pau Lawh Nuam (Zozaang), Khan Za Vang (Sezang), Thang Za Cin (Sezang), Pau Sian Khan (Sezang), Thang Tul Khai (Sezang) leh Thawng Khen Thang (Sezang) te Kawlgam ciah thei uh.

Mat le hen lam buaipih teng:
Lian Sian Thang (Tungzang), Gin Khan Mung (Tuipi), Thang Thian Mung (Theizang), Kham Khan Mung (Suangzang), leh Cing Boih (Tungzang) te hong suakta thei uh.

Damlo vai buaipih teng:
Thang Hen Kap (Lailo) Sungai Buloh zato ah,
Man Za Niang (Tedim) Pudu Clinic ah,
No No (Singunau) Sungai Buloh zato ah,
Thang Sawm Tuang (Phaiza) GHKL Zato ah,
Zam Pum Mang (Ngalzang) GHKL zato ah,
Cin Kap Mang (Mualpi) IPR ah,
Ngai Sian Zo (Thalmual) HUKM ah,
Nang Biak Lian (Zozaang) HUKM ah,
Suan Cin Lian (Sezang) Selayang zato ah ki buaipih.

Buaipih laitak teng:
Cin Kap Thang (Tuikhing), Thang Neih Pau (Phaiza),Hau Thawn Khai (Tuithang), Do Za Khai (Laaitui), Zam Sian Kai (Tuivial), Tuan Ngaih Thang (Tuimang), Pau Lam Khual (Buanli) leh Gin Lam Lian (Buanli) te ki buaipih laitak.

Khasim UNHCR-CDU tawh kimuhkhopna
UNHCR-CDU vaihawmna tawh 20 August ni in kipawlna makaite leh NGO tuamtuamte kimuhkhopna UNHCR Hall ah ki nei thei hi. Hih kimuhkhopna sungah
1. Dignity for Children Foundation
2. Buddhist Tzu Chi
3. Health Equity Initiatives
4. International Catholic Migration Commission
5. Women Aid Organization
6. Good Shepherd
7. Suka Society teng tawh kimukhawm in amau nasep ziate hong hawmsawn thei uh hi.

Zomi Idol 2015 kihel dingte theihding

Zolia & Zotaang 2015 kihel dingte theihding

Rehearsal hun khempeuh pelh sawm ken/hunman sawm hamtang in.
Rehearsal hun khempeuh ah meeting tomna omden ding hi.

KL Methodist College
Off Jalan Tun Sambanthan 4,
Brickfields, 50470 Kuala Lumpur
(Monorail, Tun Sambanthan Station)
⦁ Ani leh ahun thei khin na hih ciang hun lapsawm hamtang in.
⦁ Zomi Idol vai tawh kisai phone ong kiset kik zolo ding hi.
⦁ Na lasak ding la dawng (2) kul hamtang ahih manin Sound Track bawlsa in nei khol in.
⦁ A masa pen kimuh khopni ciang na la music pen ahih theih leh hong pua/hong tawizo le cin nang ading nidang khat hun la a pai kul nawnlo pah ding hi.
⦁ A masa pen kimuhkhop ni ciang paisawm hamtang in, tua ni ciang la mat (Score) bangci ki piakding cih leh a thupi mahmah thu pawlkhat ki gen ding hi.

Palik te’n sum zonna’n hong nei
Malaysia gamsung mun tuamtuam ah operasi leh lamkhakna om kawikawi hi. Adiakdiak in Kota Raya, Pasar Seni, Pudu, Pudu Plaza, Bangsa, Kota Damansara, China Town, Genting Klang, Setapak, Mid Valley, SS2 cih tengah palikte tam mahmah hi. Vak ding leh zong tua munte pelh sawm ni. Sum na piakpiak zawh kei ding a leh vak kei zaw in banghang hiam cih leh palik te’n sum zon na’n hong nei uh hi.

Lungdamkohna
⦁ Siama Niang Deih Lun (Tuimui) in ZAM adingin RM50 hong pia ahih manin ki lungdam mahmah hi.
⦁ Khai Lian Tuang (Saizang) in ZAM adingin RM50 hong pia ahih manin ki lungdam mahmah hi.

Zomi League Result te PDF File sungah kiciantak in ki enthei dinghi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.