ZAM Thupuak :: 22 June 2014

ZAM Thupuak
ZAM :: Zomi Association of Malaysia

UNHCR Representative tawh holim khopna

Chin State sungpan kipawlna lian 5 tengin a beisa kha khat lai UNHCR Malaysia tangmi Richard J. Towle tawh holim khop ding ngetna tawh kizui-in June 18, 2014 ni sun nai 2:45pm pan 4:00pm ciang amah leh a sepihte 5 in hun hongpia thei ahih manin ki nuam mahmah hi. Hih kimuh khopna ah ACR panin Amos T. Haukim, CRC panin David Hniang Cung Thawng, ZAM panin Hau Suan Khai, FRO panin John Bawi Luai Thanga leh DAI panin Dominique Thet Saw te kihel thei hi. UN kalsuan zia leh sep zia tampi hong genkhia thei hi.

UNHCR-CDU tawh khasim kimuh khopna

June 19, 2014 ni-in UNHCR-CDU makaihna tawh UNHCR conference hall ah Malaysia Anti-Corruption Commission (MACC) makai te kipawlna makaite kimuh khopna kinei hi.

Neeksimna (Corruption) beisak ni!

Kilawmlopi a neeksimna azang theite na theih a om leh hih phone numbat tawh kumpi thuneite tungah kizasak thei hi.MACC Reporting Hotline1 800 88 6000.

Nang ngiat in pai a na gen nop zawk leh hih Address ah gen thei hi teh.
MALAYSIAN ANTI-CORRUPTION COMMISSION (MACC)
Block D6, Complex D,
Federal Government Administrative Centre
P.O. Box 6000, 62007 Putrajaya, Malaysia.

Neeksimna (Corruption) in ahuam pen anuai a teng hi: (a diakdiak in kimat kihen lamah)

•     Nasep khopna thupi te ah golhguuk a ngente leh a sangte.Section 16(a) and 17(a) , MACC Act 2009.
•     Nasep khopna thupite ah sumgolh a kamciamte leh a piate,Section 16(b) and 17 (b), MACC Act 2009.
•     Nasep khopna zumpi a minsia sakte or a bawlsiate. Section 23, MACC Act 2009.
•     Hamphatna khat peuh ngah theihna dinga lampi maan lo a zuite.Section 18. MACC Act 2009.

A tunga ih gen bang a gamta te kum 20 sung thong sungah kikem dinga, tua banah sum RM 10,000 ahikei leh sumgolh alaak zah uh sangin a zah nga aa tamzaw kigaam ding hi.

Hibang mite kumpi tungah puak nop na neih leh anuai a teng zong na gen theih ding kisam pah hi:

•     Tua na genpa in bang sem khial cih kicing takin na theih kul.
•     Thu pianni, a hun leh amun.
•     Bang hangin sum-golh kipia/kisang.
•     Nang bek ahi lo hong theih pih dang a om leh tua te zong kisam hi.
•     A sepkhialh tawh kisai lai thupi te leh muh theih vante.

Sumgolh sang theite leh kilawmlopi a neeksimna a zang theite kumpi tungah gen nop na neih leh lau lo takin gen in, bang hang hiam cileh MACC Act 2009, Section 65 in na min leh na hihna pulaak lo dinga, na innkuanpihte, na tanau kinaipihte leh na kithuahpih na lawm it te hong hung hong kemcing den ding hi.

Left to Right: David Hniang Cung Thawng (CRC), John Bawi Luai Thanga (FRO), Dominique Thet Saw (DAI), Amos T. Haukim (ACR), Hau Suan Khai (ZAM)

REMEDIHealth Insurance Vai
REMEDI: Health Insurancedeihna bang hiam?
UNHCRte Group Hospitalization Scheme (GHS)tawh kipawl agaltaai (Refugee/ Asylum Seekers) khat peuh natna hangin zato atun ciang sumlehpai tawh huh leh panpih theihna ding a vaihawmna uh penREMEDI: Health Insurancekici hi. Hih Insurance na lei khit nak leh Zato na lup ding ciangin na UNHCR Card/Asylum Seekers Card lah ding hiziau lel a, zato pan na tuah ciangin sumbei zah pen nang lungkham kul lo hi, bang hang hiam cileh Insurance Company leh Zato te na kipia lel ding uh hi. Hih Insurance pen December 31st 2014 beima in UNHCR Card/Asylum Seekers Card tawi teng khempeuh in nei kim ciat uleh hoih pen ding hi. man lo hi. Mimal in a lei nop leh kum khat ai RM 120 bek a piak kul a, innkuan a hileh kum khat ai RM 140 bek a piak uh kul hi. Innkuan khat sungah mi 5 val a om leh mi khat ciang RM 20 a behlap uh kul ding hi. Tua banah kum 18 tungsiah peuh mah in mimal in alei uh kul hi. HihHealth InsuranceUNHCR CardAsylum Seekersteng bek in lei thei uh a, Card tawi khin napi mangsak a Zumpi pan laidal a kitawi sakte in zong lei thei uh hi. Ahizongin Card piak nailoh laidal bek a tawi lai tengin bel lei thei lo leuleu uh hi.

• HihHealth Insurance/GHSin a nuai a ih pulaak teng abei zah piak sak hi:
• Zato sunga Room saap man/ om man ni 25 ciang dong,
• Agim phadiak kepna(Intensive Care)om te ni 12 ciang dong.
• Van kisam nengneng leh Services sumbei teng zong.
• Ki aatna sum bei zah (pumpi sunga vante kheekna cihte bel huam lo).
• Cina khua phawk lo kep man.
• Cina pua motor (Ambulance car) zat man leh zatui zaha man bei zah.

GHS Policykizuiin mimal khat ai atampen RM 10,000 ciang tawh kihuh dinga, innkuan ahih a miphazah 5 tungsiah ahileh RM 12,000 ciang kipiak sak ding hi. Sum beizah tel loh na neih lehPRAah kidong thei hi:.011 330 19019, 011 3301 9020 (Monday – Friday, English or Malay). Ahizongin“60 days waiting period”khat omsak uh a, a deihna pen mikhat in hihInsurancea lei ni a kipan ni 60 acin dong natna satna tawh kisai sum beizah bangmah piak sak nai lo phot ding hi. Ahih hangin tua hun sung mah in member khat in Accident hong tuakin zato tung leh kihuh veve ding hi. Tua ciangin ih Insurance pen kumsim thaksuah sak kul a, kum khat pen Calendar kum khat a hihi. (June kha in hih Insurance na lei leh December kha ciang kum khat bei ding cihna hi.)

Ih theih ding thukhat om hi:Insurance na lei khit hangin Insurance in a huam loh natna pawlkhat om a, tuate pen a zato lup man uh amau leh amau kisik ding hi. Insurance in a huam loh natna te pen a nuaia teng hi pha deuh hi:Nupi naupaai,nausuak, nausia. Amah leh amah kithah asawmte(Suicide),lungsim poi thei leh mihaite, mitlimlangh, pumpi sungah siik ahih kei leh bangle khat thuah a kulte, pumpi sunga van khek cihte.. etc…GHS Policyzato lum lo te huam lo hi cih zong mangngilh kei ni. N.B. July kha kipan kipawlna te ah vak hong kipan ding hi.

Lei theihna mun:Asawt lo inUNHCRTUNE’n Selangor kuam tengah hawhna hunpi hong bawl ding uh hi. Tua laiahUNHCR Cardtawite lehAsylum Seekers Card’n lei thei pah in min khumna zong bawl thei pah ding hi. Tua hunpi hong man khit cianginOffice omna veng tuamtuamte ah hih Insurance lei thei lai veve uh hi. Kum 16 leh 64 kikaal te hih Insurance tawh kizom thei hi.

Group Personal Accident (PA) cih khat om leuleu a, hih pen mi khat in kum khat ai RM 11.50 bek a piak kul a, kum 18 pan 64 kikaalte bek in lei thei hi. AhizonginGHSna lei loh inPAkilei thei lo leuleu hi. PAAccident hang tawh liamna thuakte a kipan sihna ciang dong huam hi. Setzung nasemte leh Construction nasemte ading in deih huai diak hi. Huhna leh panpihna sum pen zatui zaha man RM 2,000 banah RM 23,000 ciang ngah thei uh a, sihna tuakte’ innkuanpihte zong RM 2,000 ki pia lai hi. Ahihangin khamtheih guihtheih zatna hanga Accident tuakte, tualthahna, lungsim gitnat loh mana thuakna, thauvui thautang hanga liamna, naupaaina etc te PApanpihna sumlehpaai pia lo hi cih phawk den ding kisam hi.

ZSM pan Dahpihna
Anlun Khua mi, Pi Mang Aih Cing (Kum 66), Taithul Beh (ZSM No. 5288)in sunglam damloh na hangin 6.6.2014 ni in hong nusia aa, 7.6.2014 ni in Subang hanmual ah lungkim huai takin kivui thei hi. Pi Mang Aih Cing in ama nuntak sungin Itna nei in, thukhual in muhna zaaipi nei a, Zomi dongtuak te ahuhnuam tawntung ahih manin ZSM tawh khut kilen in mapang khawm tawntung khat ahih manin ZSM zumpi panin ih dah na pulak inih khak hi. Tua hi aa ama hun nunung ni-in ZSM in ama Pawlpi ahi Myanmar Christian Assembly tawh mapang khawmin dahpihna hun leh hanmual ah khakna kinei thei hi. Nu Cing hangin adah akap, lungzuang khua ngai khempeuh tungah Topa’n hong hehnem ciat tahen.

Pimpih Khua mi, Pa Zam Cin Lian (Kum 28), Haunung Behpen Kawlgam pan Leilam tawnin Malaysia hong pai hi a, 8.6.2014 ni in Ipoh khua, Pelak State hong tung hi. Lamkal hamsatna leh damloh na tuam tuam hangin 10.06.2014 ni in Ipoh khua Kumpi zato pi panin a leitung nuntakna hong beisan a,lungtup na mun Kuala Lumpur hong lut manlo in hong nusiat na thu akizak ciangin ZSM pan makai te 4 leh Pimpih Innkuan Malaysia (PIM) tawh kithuah in Ipoh Khua ah kidelh pah a, Zomi Catholic Community Malaysia (ZCCM) Lutangpi vaihawm pihna mah tawh Ipoh RC hanmual ah lungkim huai takin kivui thei hi. Pa Zam Cin Lian ii nusiat zi leh tate, nu leh pa sanggam te leh PIM tawh a kibangin ZSM panin ih dah khawm hi.

Phaiza khuami, Pa Sut Sian Lal leh Nu Don Za Lun te tanuLia Cing Zuan17.06.2014 ni in, Ampang zatopi ah suakin piangsak pa Pasian kiangah ciahkik pah aa, Phaiza khua kipawlna leh ZSM in mapang khawmin vai kipua khawm thei hi. Adah akap tha neem nu leh pa, Phaiza khua kipawl na tawh akibangin ZSM in ih dah khawm hi.

Tahan-Kawlpi ateng, Keltal khuami, Pa Zam Pau leh Nu Thang Do Cing te’ tapaTg. Thang Kap Lian Thang(Kum 20) Buansing Beh,pen Kawlgam pan leilam tawnin Malaysia hong pai hi a, kamsiatna lianpi tawh lamkaal ah hong tuahsia cih thu ih za hi. Zomi 3 leh namdang te 7 Mawtaw khat ah a tuangkhawm hi a, Kuala Lumpur hong lutkuan ciangin mawtaw kibung in,4 a sipah te lak ah amah hong kihel kha hi. Adang Zomi 2 te zato ah kipuak hi. Hih thu ZAM-ZSM ah hong kikoh ciangin zumpi pan Sia Kep Lian makai in kidelh pah aa, aliam teng leh siluang te kikan khiazo hi. Lamkaal tuahsiatna mun pan hong nusia Tg. Thang Kap Lian Thangaa adah akap khempeuh tawh akibangin ZAM-ZSM zumpi panin ih dah khawm hi.

DHS pan Contact ngahlo sungah na nambat aom leh ZAM zumpi ah hong paipah in hong kipanpih ding hi. Anuai a te pen MY Number leh UN Number ahihi.

211439 354-10C13392
211803 354-13C09110
212331 791-09C05678
214045 354-10C10436
200599 791-09C02091
209682 512-03C01965
209703 512-04C00031
209703 512-04C00286
210623 791-10C05036
212015 354-08C04402
212108 354-03C05860
213796 791-10C05860
126708 791-09C09274
208251 791-10C04400
209659 512-03C01790
211010 512-03C01064
212613 354-13C04221
212883 354-03C14047
103723 791-05C81055
123422 791-09C06986
212859 354-04C01587
213047 512-03C01132
213188 354-03C13312
213392 354-09C06228
213860 354-13C02179
213970 354-12C02900
124854 791-09C05833
208194 791-09C04433
116043 354-09C02218
210079 791-10C03093
210319 512-03C00162
210372 512-03C00142
210956 354-13C06220
211026 354-13C09317
211906 791-09C10803
210743 791-10C04463
211553 354-10C12704
212111 512-04C02203
212168 512-05C00373
119301 791-09C02764
129476 791-09C17231
200379 791-09C03413
204521 791-10C01144
210548 354-10C11285
212835 512-04C01026
212896 354-10C03844
213825 354-11C05373
127455 791-09C12657
202677 512-04C01036
204727 512-04C00999
211034 512-03C01213
213289 354-10C03809
213491 512-03C01007
213973 354-12C04415
203112 512-04C01322
207526 512-03C00938
209688 512-04C00852
210938 791-10C05376
211281 791-10C03170
117774 512-04C01937
129947 354-07C07869
213917 354-08C00973
122479 791-09C12732
122897 354-08C04790
203809 791-10C00946
210360 512-03C01508
128013 354-10C01333
212946 512-04C00846
213983 354-07C01833
207114 354-10C04103
212389 791-10C04869
212845 512-04C00816
213074 791-09C08937
211797 512-04C02109
212794 354-10C10021
212966 791-09C04826
213298 791-09C11693
213995 512-04C00861
213996 512-05C01107
208069 791-10C02125
212322 791-09C10342
214173 354-10C00701
113370 354-09C02206
211912 354-09C01458
212105 354-13C10354
213089 354-11C03430
213938 791-10C06382
121902 791-09C05259
124844 791-09C07876
202682 512-05C01481
208518 512-03C01010
121986 791-09C05620
126883 791-09C10371
210468 791-10C05007

ZAM Card tawi Zomi te ading nasep

UNHCR-EST panin Giants ah sem ding Zomi ciktak mahmah pasal 42 leh numei 18 ki deih hi.
Setzungah packing bawl ding Zomi pasal citak mi 18 kideih lai. Khasum kipatna RM900, OT tawh RM1100 ngah thei. Alunglutte kizopna ding: Mangpu 019 510 6413.

Tukal sung Palaaite buaipih deuh teng

Cing Khan Niang (Bapi), Ngo Ngaih Ciang (Heilei), Eng Sawm Thang le Dong Sian Lian (Buan), Kam Lian Khup (Khuadai), Cing Za Dim le Ning Tawi Piang (Thalmual, Thang Biak Lian (Zampi), Kham Lam Thang, Hau Khan Thang, Thang Ngaih Suan (Kaptel), Kam Suan Lun Mang le Kam Lun Lal (Vanglai), Thang Thawn Khai (Bukphil), Tun Khan Kim (Singunau), Khen Deih Piang (Tuipi), Thang Kap Lian Thang (Keltal) Khup Cin Mang (Haupi), Thang Sian Mang (Haupi), Sian Lam Muang (Tuimang), Lian Sian Piang, Pau Muan Khai, Lalpu le Muih Langh (Zozaang).

Faisal Cup leh ZEC

ZEC Kota Damansara panin U16 Girls Football a 3 na hong ngah in, ZEC Talalla panin U12 Girls Football a 3 na leh U12 Girls Netball Champion hong ngah thei uh ahih manin ki angtanpih mahmah hi.

Lungdam kohna

• Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351.
• New Life 4U Ministry panin Sia Kamtawng in Thupuak bawlna ding RM50 tawh ma hongpang ahih manin lungdam ihko hi.

New Life 4U Ministry

Malaysia a om Zomi khamang thang, mimang thangte ading nasepna ministry na lunglut leh kizopna ding Sia Kamtawng 017 361 0125

Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…