ZAM Thupuak :: 21 Jul 2019 (UN kalsuanzia azom)

ZAM Thupuak :: 21 Jul 2019 (UN kalsuanzia azom)

UNHCR ZUM KALSUAN ZIA TAWH KISAI THUTE :: Si sitna mankhin napi in International Organization for Migration (IOM) te in si sitkik ding in hong sawl uh hi. Bang hang ahi tam?

Gam thumna te in na cidamna vai tawh kisai in a nunungpen cidamna lamsang thei nuam uhhi. Gambeel mite pen cidamna tawh kisai velphatna khatvei sanga tamzaw a lenkhiatma sung uh a omthei mah hi. Tua pen na gamteelna/paina ding gamte deihna bang hizaw hi.

Bang hangin ka gam thumna ding tawh kisai zekai pha diak a hihiam?

Gam thumna vai tawh kisai pen hun la phadiak mah hi. A diakdiakin na tunna ding gam tawh zong kisai hi. Gam khat leh gamkhat paizia leh dan te kibanglo a, a gamte i paizia tawh kikal suan ahi hi. Tuabang mahin, bang tanvei hun sawtding a hi-hiam cih UNHCR pan in zong genkholh theih omlo hi. A zenzen in nauneite, pasal/zineite, naupaite, nupa kikhente, min khumthakte, sihna tuakte cih bang a tuamtuam in vai omte kisiangsak phawt in, tua vai neng nengte a kimansiang zawh ciangin gam thumna ding vai kihawm thei pan hi.

Ka innkuanpihte in Durable Solution ngak lai uh hi. Tua bangpi mah in ka gam thumna vai ding uhtawh kisai, UNHCR in ka innkuanpihte tawh ka kigawm kik theihna ding in vai hong hawmpih theiding hiam? Ahih kei leh ka innkuanpih te bangci ding hiam?

UNHCR in innkuan kim a om theih ding hong deihsak tawntung hi. Tua bang mah in innkuan kithehthangte khem peuh gawmkhawm in munkhat ah a om khoptheih ding uh hong deihsakin hong hanthawn tawntung a, a zenzen in tuabang innkuan lutpih theilo a ngaklaite UNHCR pan in thuneite in na thu uh kam kuppihna hong kineihpih ding uh a, na tuah ding haksatna khempeuh zong limtak hong kigenpih ding hi.

Gambeel ahilo ka zi/pasal nei hi leng, ka zi/pasal leh tate in gambeel hihna card a ngah thei ding uh hiam? Kei tawh a kibangin gamthumna hong paikhawm thei ding uh hiam?

Gambeel mi khatpeuh zi/pasal gambeel ahilo tawh kitengte pen amasa in kikoihlo hi. Gam beel ahilo zi/pasal na neih leh nang pen na zi/pasal hang in gammi hihna a ngah thei ding na hi hi. Tua ahihmanin UNHCR in tua bangte limtakin sitcian na nei pha a, tua gambeel nu/pa dinmun leh a innkuanpihte ki sitcian phapha in tua zawh ciangin a kisam bangin gam thumna ding ahi zongin kivaihawmpih pan hi. Na zi Malaysia gammi ahih leh Durable Solution Unite te in na vai tawh kisai gambeel kepbitna tawh kisaite kiangah hong kisawl ding a, nang leh na zi na tate in bangci bangin gammi hihna ngahthei in bang hamphatna om thei ding a hihiam cih hong vaansak ding uh hi.

Kei pen zi khat sanga tamzaw nei ka hih manin ka zite kei tawh gam kibang ah hong pai thei ding uh hiam?

Zi khat sanga tamzaw neite pen a sangzo ding gam hamasa ahih manin gam thumna vai ding hamsa mahmah hi. Ahi zongin UNHCR in na zite leh na tate a innkuan-kuan in limtak hopih ding a, a hoih thei pen ding leh alem thei pen ding geelna na-zi leh na tate tungah hong kineihsak ding hi.

Ka gamteelna gamthum nate in keihong sangzo kei leh ka mabaan bangcih ding ka hi hiam?

Na UN vai tawh kisai in gamdangah ngetna hong kineihsak kikpah theilo ding hi. Ahi zongin UNHCR in limtak sitphat/etphatna hong kinei kikkik ding-in, na innkuan kitangsapna hong kivanpih ding hi. Gam khat leh khat ki banglo ahihmah bangin, munkhatah na lemloh hangin adang Gam khatpeuh ngahding paithei pah dingin kingaih sun pah kei in.

Gamsung kivaipuakzia khuahun hoihlo in, muanna leh bitna om theilo ahih manin kong kipatna gamah ciahkik theilo ka hih manin tua tawh a kinaizaw gam khatpeuh ah UNHCR in hong puak thei ding hiam?

Mimal khensatna leh kizawhna tawh nong kipatna gamah ciahkik cih pen muanna leh bitna tawh ciahkik cihna ahi hi. Ahi zongin UNHCR in tuabang in a kinaizaw gam ah puak ahih kei leh omsak ding cih bang huhna leh panpih na pialo hi.

Gamdang pan huhna cih bang hi a, bangci bangin tua huhna ngen thei ding, UNHCR in ka file khempeuh tua gam tanzong/(embassy) ah hong puaksak theimah ding hiam, UNHCR in hong panpih thei ding hiam?

UNHCR in tuabang huhna tawh kisai panpih ngeilo hi. Banghanghiam cih leh tuate pen UNHCR nasepna in huam khalo ahih man hi. A kisam bangin nang mahmah vapai in tua gamte embassy ah akisam bang na vaihawm thei ding hi. (Maikal ah zop lai ding)

MALAYSIA OM GAMBEL TE DINMUN KIPULAK THEI

July 16, 2019 ni-in Kawlgam Human Rights tawh kisai a encik dingin UN zumpi pan in tavuan a kipia (Special Rapporteur on Myanmar) Ms Yang Hee Lee leh Malaysia ah galtai in a om Community makai pawl khat kimuh khop na kinei thei hi. Tua sungah ah Malaysia gam om Gambel mite in tuakkhak leh phut khak thu te leh Kawlgam pan I phuh khak thu te tawh kisai gen cian na kinei thei hi. Amah pen Kawl kumpi in gamsung lut ding phallo a, tutung Malaysia leh Thailand a om kawlgam mi gambelte vai tawh hong zin ahihi.

AMERICAN BAPTIST CHURCH MAKAI TE TAWH KI MUH KHOPNA KINEI

American Baptist Church pan thuvanpi leh a pawlte tawh kimuh khopna 19 July 2019 ni-in kinei thei hi. Amau pen Malaysia a om kawlgam mi gambel te hong vei phadiak te hi uh a, tutung zong hih gambel te vai mah tawh hong zin uh ahihi. Amau tawh kimuh khopna ah zong Malaysia om gambel te vai te mah nasia takin pulakna kinei thei hi.

ZSM LAIBU HONG AP UN

Zomi Genvai Kipawlna (ZSM) laibu ih hawmkhait zawh sawtta a, March bei ah ap kik hamtang ding cih zong ih kigensa ahihi. Tua tawh kizui in hong ap kik kha nailo te in amanlangin ZAM zum ah nong ap nading uh ih ki zasak pahpah hi. Hong ki-ap nailote tawh kisai in vai khat peuhpeuh a om leh ZAM/ZSM in tavuan kila zolo ding hi cih zong I ki phawksak hi. I sep khop na hanginthahatna leh lawhcin na I ngah sa mah bangin mapang khawm in sem khawm ding in I ki zawn phapha a, laibu khut sungah a kemlai peuh mah in zong July kha bei ma peuh mah in nong ap kim nading uh I kizasak kik hi.

ZAM/ZSM PAN NASEPNA PAWL KHAT

ZSM Thukhun ah akihelkhalo, mimal deihsakna leh ZAM/ZSM Zum mintawh anasepna Boss te tungah huh na hong piakzawh zahzah ngetsak, Hite sungah ZSM lut zong om a, a lutlo zong om hi.

• 1. 2014 Kum in,Pa Do Khan Vai (SingUnau) Johorbaru ah inntungpan kia, ZSM Lut. RM-4,800
• 2. 2015 Kum in,Pa Sut Muan Piang (Vaivet) Ansai ah kuangsawp ihmusuak. ZSM Lutlo RM-2,000
• 3. 2015 Kum in,Lia Ciin Khawl Nuam (Munlai,Saipimual)Inntung pan kia, ZSM Lutlo RM-4,800
• 4. 2015 Kum in, Tg.Thang Khan Khai (Sakhanyee) Inn tung pan tuaklum. ZSM Lut RM-1,500
• 5. 2016 Kum in, Tg.Thawng Lun Lal (Sialsih) Anasepna ah amahleh amah kidawt. ZSM Lut RM-500
• 6. 2016 Kum Tg.Hau Langh Khual (Pyidawtha) mawtaw in taih lum. ZSM Lutlo RM-1,000
• 7. 2017 Tg. Thang Do Mang (Mualzang) anasepna ah kawlten that ZSM Lutlo RM-5,000
• 8. 2017 Pa Nang Lam Khual (Haupi) Anasepna mawtaw sawpna ah ihmusuak. ZSM Lut RM-2,400
• 9. 2018 Tg. Ning Eng Lian (Chanthagyi) Anasepna mawtaw tung pan cina in sisuak. ZSM Lutlo. RM- 500
• 10. 2018 Tg.Thawng Suan Tuang (Lingthuk) Anasepna inn ah cina a si. ZSM Lut. RM-2,000
• 11. 2019 Tg. Thang Hat Khai (Lingthuk) Ansepna pan ki gui-awk. ZSM Lutlo. RM-5,000
• 12. 2019 Tg.Vungh Sian Thang (Voklak) Boss te roompiakna ah ih musuak. ZSM Lutlo. RM-5,000
• 13. 2019 Nu Cing Lam Lian ( Tauleng) A nasepna ah lungam atuk in sisuak. ZSM Lutlo.RM-1,000
• 14. 2019 Pa Lian Deih (Tuithang) anasepna ah set in gawi. ZSM Lutlo.RM-8,000
• 15. 2019 Tg. Pau Khan Khual (Tuitawh) Lori kibung. ZSM Lut. RM-3000
• 16. 2019 Tg. Nang Muan Piang (Tedim, Lawibual) Boss te room ah Ih musuak. CDK lut. RM-5300
• 17. Pa Khai Khan Mung (Tuitum) nasepna saiah lungam a tuk. ZSM Lutlo. RM-5600

A nasepna Boss te tungpan Sumngetsak ngahpih zah vekpi pen RM-57,400 bang kingah pih a, tua sum te a innkuanpih te kiang kikhak sak hi.

2014 kum pawl in Ngalbual te khat mawtawin taih in, Universiti zato kipuak a, kalkhatkhit ciang hong nusia in, a zato ah a kibawlman a Sumbat RM-16,000 lakah RM-2000 bek muzo ung ci in vathum pih in a cian lai khempeuh hong maisak uh hi.

BIBLE CAMP AH SAPNA

Pasian hehpihna le hong gelsakna om bangin hong tungding July 25-28,2019 Myanmar Believers Fellowship Pawlpi in Bible Camp & Pasian Thu Nungta Tangkona kinei ding ahih manin, Zomi a kua maciat nong pai nadingun itna tawh kong sam uh hi.

• Speaker : Rev.Dr Pau Suan Kam (Th.D) (Principal- TTC, Tedim)
• Amun : Myanmar Believers Fellowship (Or) Jalan PJS 8/13 (Grab/Mycar)
• Ahun : 8:30am-9:30 am ( Devotion )
• 9:45am-10:30am ( kial lap )
• Thusin hun : 11:00am-1:00pm ( masa)
• Sun an (Lunch Time) 1:00pm-1:45pm
• Thusin hun : 2:00pm-4:00pm
• Nitak Biakpiakna : 8:00pm-10:30pm
• Contact phone : Pa Thangpu 018-3991296
• SyaThangbawk 011-23345951

ZATO LAM BUAIPIH TENG

• 1. Mang Zo Mung (Tungzang) ACTS ah buaipih
• 2. Thang Sawm Mung (Pyidawtha) Damai Service Hospital ah kibuaipih

ZATO LAM TAWH KISAI : Zato lam tawh kisaiin vai khat peuh na neih leh Contact :Sia Mungpi 018 3122 957

THONG LAM BUAIPIH TENG

• 1. Vungh Za Do (Saizang) Mutiara palik zum pan hong suakta
• 2. Cin Lian Thang (Paakzang) Serdang IPD ah buaipih laitak
• 3. Dal Lian Thang (Paakzang) Serdang IPD ah buaipih laitak
• 4. Thang Khaw Khai (Tungzang) Bukit Jalil Camp ah kimuh pih
• 5. Khual Pu (Tamu) Bukit Jalil Camp ah kimuh pih thei

Tulaitak khuahun hoihlo kimat kihen tam mahmah ahih manin vaksuk vaktohnate ah kidopsiam ni. Deih loh pen hong kimat khak zenzen leh amanlang theithei in ZAM palai te hong kopah un.

KIMAT KIHEN NA TUAK LEH

Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 913 2587

NASEP TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Mungpi : 018 3122 957

WELCOME TO ZAM

Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.