ZAM Thupuak :: 14 Oct 18 (Khuado sapna)

Zomi Khuado Committee pan sapna :: Zomi Khuado Malaysia-2018 pen 15 October 2018 (Monday), ni-in Chin Woo Stadium ah Zomite tui banggawm nangin Khuado pawi nasiatak abawl dingin Zomi Khuado Committee pan kong kho, zawn, theisak uhhi. Tuaban ah Malaysia gamsung a om Zomite khua kipawlna leh biakinn kipawlna makaite, veng kipawlna te leh kipawlna tuamtuam tepan makai ten na hilhsawn sak nang un khuado Committee min tawh mawhpuakna I kiguan hi.

Khuado pawi ah Malaysia gamsung a om zomi te leh gam tuamtuam pan hong sim te Sia/Siamah te tawh nuamtak ih bawl theih nang nasepna munciat pan off day, phalna te I lakkhol,kiginkholh theih nading I ki theisak hi.

Tutung kumkhen khuado pawi ah Zinmangpi ding Kawlgam pan ih minam Makai te ahi Pu Gin Kam Lian leh Pu Kham Khan Thang te hong kihel thei ding ahih manin kilungdam mahmah hi. Kawlgam pan lasa siam JK Sang zong hong kihel thei lai ding hi. Tuabanah Malaysia a om Pawlpi leh khua makai te khempeuh zong nasia takin hong kimuak nuam ahih manin a kuamapeuh kong theikhol sak uhhi.

Pawipi ah ngeinalaam a tuamtuam, Zomi Idol kidemna, Zomi Khangthak Gym kimawl group te in body builder show cihte zong om ding hi. Zomi League pan gualtungtuang Football team 3 te, kungpang, nungthup, maikah, bawllung hawmsiam, kimawlsiampen te pahtawi piakna zong om ding hi.

Kum 1 Khatvei i neih Zomi Khuado Malaysia ah na taksa mahmah, na innkuan, na Sangbup, na pawlpibup a pawi nongsim na dingun itna lianpi tawh Khuado Committee ten kong zawn phapha uhhi. Hunsia, mat leh hen tuamtuam tawh kipelh nang thungen ciat ni.

MANGNGILH LOH DING: ***Khuado pawisim khempeuh minam puan silh ding.*** Zu kamnam sa in pailo ding, ***kun zacil thangsiat loding. Nin thangpaihlo ding. *** Zomi khangno te kipan ta ni, Tuni a khangno te zingciang makai ding ki thawithawi ta ni.

Zu a zuak a om leh kumpi thunei te in hong kempah ding hi. Tukum pen CID te in zong hong en cik ding a, buaina I pian sak kei leh lung himawh na ding a om loh hangin buaina I pian sak leh amau hong ciah pih pah ding uhhi. Tua ahih manin pilvang tak in om ciat ni.

Kumsim in ih pawipi ah zu zuak ki om den ahih manin tukum ih Khuado ah kua mah in zu nong zuak loh nading uh zong hipan kizasak hang. Adiakdiak in tunai a thupiang ahi zu dawnna hang tawh mi tampi asihna hangin zu tawh kisai Malaysia kumpi lam pan in khuahtakin a zon laitak ahih manin zu zuak ih om leh thuneite in a thukhun om bangin hong sem ding cih zong ih kiphawksak hi. Hih zu zuakna hangtawh hong kiman leh a tawm pen thong kum 3 leh sum hon khat ki liau thei cih zong thei khol ciat ni. Ih minam pawi ah ei mahmah in ih minam a pahtawi siam ih hihna dingin mimal kim mawh puak ahihi.

ZOMI KHUADO PROMOTION

Khuado pawi ah Khuado puan leh nik te kizuak ding ahihman in mimanpuan nei nailo ten hong manawh un. Nik tenkhat ciang RM a tawmpen tampitak hong kikhiam ding a hihmanin deihsakna tawh kong tangko uh hi. Tuaban ah I ngeina van leh nate lahna leh genna zong om ding hi.

ZOMI IDOL MALAYSIA -2018 TOP 5 TE

Kumsim ih neihngei om mah bangin Zomi Khuado pawi muakna in ih bawl zel Zomi Idol Malaysia-2018 pen 01 October 2018 (Monday) ni ciangin Top 5 kitelna om leuleu a, tua Top 5 teng pen Khuado ni ciangin Khuado hallpi sungah kidemna hong nei leuleu ding uh hi.

Hih kidemna ah a kihel ding Top 5 teng in

• Idol No. 1 Khawm Pau (Anlangh)
• Idol No. 4 Pau Khan Mung (Sawbuayesen)
• Idol No. 6 Khai Tup Za Lian (Laaitui)
• Idol No. 9 Hen Lam Thang (Anlangh)
• Idol No. 10 Cing Hawm Siam (Tuimui)

MAPANG KHAWM NI ZOMI KHUADO 2018

Zomi Khuado pawi bawl ding tawh kisai in 08 August 2018 (Wednesday)ni-in ZAM zumah thudotpite tawh ki kup khopna kinei in, Zomi Ngeina Khuado Pawi limtakbawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi.

Khuado pawi nasiatak ih bawl zawh na dingin sum leh pai tampi hong kisam ahihmanin muanna leh lametna lianpi tawh Khuado Committee in anuai a bangin ma ih pan khop nangin kong zawn uh hi.

• 1. Khua kipawlna pan RM200 pan a tungsiah,
• 2. Biakna pawlpi khat ciang RM300 pan a tungsiah leh
• 3. Khua kipawlna leh Pawlpi panbek hilo in, mimal in zong ma ih pankhop ding ih kizawn beh lai hi.

Khuado pawi pen 15 October 2018 (Monday) ni dingin kikip sak hi.

Zomite kumkhen Khuadopawi ah Malaysia leitang tung a om Zomite khempeuh khatzong pelemlo a, ih kihel kim theih nading lunggulhna tawh ih kitheikhol sak uh hi. Tuasung ah Zomite maban ding thugenna, Zomi Idol Malaysia 2018, Laam tuamtuam, lasaknate a kipan kivakna/talent show tuamtuam zong omding ahihman in khuahun sia leh thusia tuamtuamte tawh kipelh nadingin thungen ciatni.By: Khuado Committee 2018

ZOMI KHUADO PAWI ADING PANPIHNA HONG PIA SA TENG

• 1. ZCF -Kota Damansara -RM300
• 2. MZCC Pawlpi -RM300
• 3. Harvest Church -RM200
• 4. ICA -Songai Long -RM150
• 5. Rawang Zomi Innkuan -RM300
• 6. ZAC Pawlpi -RM300
• 7. ZCCM Pawlpi -RM500
• 8. MLPP Pawlpi -RM350
• 9. IZCC Pawlpi -RM300
• 10. Dal Sian Hung Ministries -RM100
• 11. Saizang Khua Kipawlna -RM200
• 12. Mualpi Khua Kipawlna -RM200
• 13. Lunmual Khua Kipawlna -RM100
• 14. Buanli Khua Kipawlna -RM200
• 15. Bapi Khua Kipawlna -RM100
• 16. ZEM Pawlpi -RM300
• 17. Laaitui Khua Kipawlna -RM200
• 18. ZCF-Bethany Pawlpi -RM100
• 19. Kansau Khua Kipawlna -RM200
• 20. ZCA Pawlpi -RM300
• 21. ZBCM Pawlpi -RM100
• 22. Darkhai Unau-Malaysia -RM100
• 23. Teeltui Vontawi Innkuan (TIM) -RM200
• 24. MBF Pawlpi -RM300
• 25. MMC Pawlpi -RM300
• 26. Kawl Zozang Innkuan -RM100
• 27. Mualbeem Innkuan Malaysia -RM200
• 28. Mualnuam Innkuan Malaysia -RM200
• 29. ZCC Songai Long Pawlpi -RM150
• 30. Pimpih Innkuan Malaysia (PIM) -RM100
• 31. Zomi MU Fans -RM200
• 32. Ngalbual Innpi -Malaysia -RM200
• 33. Teeklui Khua Kipawlna -RM100
• 34. Saipimual Khua Kipawlna -RM200
• 35. Pyidawtha Innkuan – Malaysia -RM100
• 36. EBC-KL Pawlpi -RM300
• 37. Phaiza Innkuan-Malaysia (PIM) -RM200
• 38. Adonai Zomi Christian Fellowship -RM300
• 39. GGA Pawlpi -RM100
• 40. Suangsang Khua Kipawlna -RM200
• 41. Haiciin Khua Kipawlna -RM100
• 42. Haupi Innkuan – Malaysia -RM200
• 43. Cikha Innkuan – Malaysia -RM200
• 44. Ngennung Khua Kipawlna -RM100
• 45. Lailo Khua Kipawlna -RM300
• 46. SNO Malaysia -RM100
• 47. Anlangh Khua Kipawlna -Malaysia -RM200
• 48. Lailui Khua Kipawlna -RM200
• 49. ZCF-Kajang Pawlpi -RM300
• 50. Zonuamzang Khua Kipawlna -RM100
• 51. Tuimui Khua Kipawlna -RM200
• 52. Tuithang Khua Kipawlna -RM200
• 53. Taaklam Khua Kipawlna -RM100
• 54. ZCF-Bukit Tinggi -RM100
• 55. Suangzang Khua Kipawlna -RM200
• 56. Heilei Khua Kipawlna -RM200
• 57. Lezang Khua Kipawlna -RM100
• 58. Tungzang Khua Kipawlna -RM200
• 59. Ngalzang Khua Kipawlna -RM100
• 60. Sentosa Zomi Innkuan Pawlpi -RM150
• 61. Vangteh Innkuan Malaysia -RM200
• 62. Paangzang Khua Kipawlna -RM100
• 63. ZCF-Hatamas pawlpi -RM200
• 64. Tuilangh Khua kipawlna -RM300
• 65. Selbung Khua Kipawlna -RM200
• 66. Thangnuai Khua Kipawlna -RM100
• 67. Zion UPC pawlpi -RM300
• 68. Tuicinlui Innkuan Malaysia -RM200
• 69. Thangkai Suangpi Khua Kipawlna -RM100
• 70. ZCF-Canaan pawlpi -RM300
• 71. Sunway Emmanuel Pawlpi -RM300
• 72. Lingthuk Khua Kipawlna -RM100
• 73. Dimlo Khua -RM100
• 74. Tauleng Khua -RM100

NASEP LAM TAWH KISAI : ZOMI nasep neilote in nasep tawh kisai dotnop na neiuh leh Sia Khuppi— 016 3838 014, 011 3563 2059

ZAKSAKNA : UNHCR zum pan in Option (1) leh (2) hang in lungsim gimsak lua in ih om khak loh ding leh nang tel ding na khentatsa thukhat pen hong kitelsak hun hong tun taktak ciangin bangbang thu hong kigen zongin nang khen tatna omsa bangin/na kizawhna sa bangin telsuak sawm in. Interview na phi dingciangin hoihtak kiging khol in. A zenzenin na UN hong kilak sak leh zong lunggim khakun in omcip pah kei inla na card number te hoihtak ciamteh in kemcingin. Khua hun cih pen kikhel thei a, na khempeuh Pasian in lumlet thei hi cih phawk gige zaw in.

UNHCR pan appeal hong at sak ciangin zong at in va puakkik hamtang zaw ni. Hih ih puakkik hamtangna tung tawn in ei ading sup zawkna zong omlo zaw a, ih puakkik loh ciangin ei leh ei mahmah in UN tawh kizopna a khawl sak kisuak hi.

PILVANG NI

1. 06-10-2018 ni-in Setia Alam pan Sunway ah Grab motor tawh a pai Thang Suan Muan (Tuithang) pen a tun na kitheilo ahihmanin a tuanna Grab tungtawn in kikan a, tua bek thamloin ama paina tawh kinai Palik zum te ah zong report kipia in kikan kawikawi mah taleh tuni ciang dong kimu zo nailo hi. Akua ma ciatin thungetna ah phawk ciat ni. Ih hawh ih ciah na ah zong Grab car hi cih lungmuang lua loin pilvang takin ih om theih ding zong kitheisak phapha hang.

2. Sanggampa Khen Deih Mung (Zonuamzang) pen Kepong Maluri kawlsai ah a tut laitak palik zu tuhsit te lutin, zu tuh nam 3 man uhhi. Akawlsai neipan palik te golhguk piasimin hih sanggampa pen kawlsai nei, Zu tuh zuakin, nabawl uh hi. A thu hong kikohphet in kikanpah a, Palik thuneipa kiang ah hih kamipihpa in, zuutuh zuaklo hi, Customer hi. Tua ahihmanin hih a case hong laihsak in cih va kithumsak in, apalik thunei pa’n kosong case tawh kha khat leh alang degree hong piaksak hi. A zenzenin akimatna zutuhzuak case tawh thongkiasuak leh kum 3 pan kum 7 kikal kiathei ding hi cih zong palik thuneipa’n hong gen hi. Kimat kihen ih tuak ciang amanlang theithei in hong ko un. Zomipihte ding hih theih zahzah in ma kipang den hi.

TUKAL SUNG THONG LAM BUAIPIH

• Thang Lam Mung (Ngente) Bentong lockup ah ki buaipih
• Van Lal Thuam Bentong lockup ah kibuaipih
• Go Khat Suan (Tauleng) Sungai Buloh thong ah kiveh
• Thang Kin Lo (Singzung) Bukit Jalil Camp ah kiveh
• Pau Sian Tuang (Fartlang) Balentik Camp pan 10-10-2018 kawlgam ciah kik thei.
• Dal Sian Mung (Fartlang) Balentik Camp pan 10-10-2018 ni in kawlgam ciah thei.
• Simon (Leidawh) Kajang thong ah kiveh
• Tuan Suan Mung (Tonzang) Kajang thong ah kiveh
• Khen Deih Mung (Zonuamzang) pusat Koreksianal Puncak Alam thong ah kiveh.

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kibaih sa in om den ding uh hi. Sia Tuang Pu : 016 254 4093, Sia Go Mang : 018 202 1216

ZATO LAM TAWH KISAI :Zato lam tawh kisai-in vai khat naneih leh Contact :Sia Mungpi 018 3122 957

LUNGDAM KOHNA : ZAM zum leh nasepna te adingin mapan khopna hong piate tungah lungdamna lianpi kong pulak khia uhhi. Zomite itna veina taktawh ih zumpi a dingin hibangin mapang khawmin nong dinpihnate hang mah uh tawh tuni ciangdong a kikalsuan toto zo ahihi. Mailam ah zong apiakhiazo semsem dingin TOPA’N thupha hong pia henla, a zahtampi in hong thuk kik tahen. 1. Thang Suan Piang (Tuithang) RM50