ZAM Thupuak :: 11 Aug 19 (Zomi League)

MAPANG KHAWM NI ZOMI KHUADO 2019

Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.

• 1. Khua kipawlna pan RM200 pan a tungsiah,
• 2. Biakna pawlpi khat ciang RM300 pan a tungsiah leh
• 3. Khua kipawlna leh Pawlpi panbek hilo in, mimal in zong ma ih pan khop na dingin kong ngen uh hi. Khuado ni dingin 15 October 2019 (Tuesday) ni dingin kikip sak hi.

Zomi te kumkhen Khuado pawi ah Malaysia leitang tung a om Zomite khempeuh khatzong pelemlo a, ih kihel kim theih nading deihna tawh kong theikhol sak uh hi. Tuasung ah Zomite maban ding thugenna, Zomi Idol Malaysia 2018, Laam tuamtuam, lasaknate a kipan kivakna/talent show tuamtuam zong om ding a hihmanin khuahun sia leh thusia tuamtuam te tawh kipelh nadingin thungen ciatni.

Zomi Khuado pawipi muakna in ih neihngei sa mah bangin in Zomi League kimawlna zong om ding hi. Tua ban ah tukum in Gym kimawl te in Body Building Competition kidemna zong om ding hi. By: Khuado Committee 2019

ZOMI KHUADO 2019 COMMITTEE TENG

• 1. President : Rev. Dai Sim Mang
• 2. Vice President 1 : Sia Hau Thang
• 3. Vice-President 2 : Rev. Thang Do Khen
• 4. Vice President 3 : Rev. Peter Dal Khan Lian
• 5. Secretary : Sia Kap Za Khup
• 1. Joint-Secretary : Rev. Gin Khan En
• 2. Treasurer : Sia Joseph Tuan Sawm Tuang
• 3. Accountant : Sia Simon Pau Khua Muan Lal
• 4. Accountant 1 : Pa Thang Suan Piang
• 5. Auditor : Rev. Thang Za Cin
• 6. Auditor 1 : Rev. En Cin Pau

MEMBERS

• 1. Rev. Khen Za Dal 6. Sia Thang Zo Mung
• 2. Pa Thang Za Khai 7. Sia Kam Sian Mung
• 3. Rev. Thawng Khan Sut 8. Sia Mamang
• 4. Rev. Pau Sian Piang 9. Sm Cing San Huai
• 5. Rev. Ngin Khat Thang

ZOMI IDOL

Kumsim ih neih ngeisa om mah bangin Zomi Idol zong tukum kinei dinga, hih Zomi Idol tawh kisai in hong makaih sak dingin

• (1) Rev. Thawng Khan Sut – 016 6443 011
• (2) Rev. Gin Khan En – 017 3342 760
• (3) Pa Thapiang – 016 2543 352
• (4) Sia Kam Sian Mung – 018 312 2957

te muanna tak tawh kiseh hi. Zomi Idol a lut nuam te in min sazian zong kipia pah thei ding hi. Kidem ding ni leh a thu akicing zaw in atel nuamtein a tungaa siate kiang ah kidong thei ding hi.

ZOMI LEAGUE

Ih bawl ngei a om mah bangin Zomi League 2019 zong nopci tak in kibawl ding hi. Tukum Zomi League pen kuanpi kimawl loin Futsal kimawl ding in kikip sak hi. Zomi League leh Body Building Competitions te hong makaih dingin Sport Committee zong vai hawm pah a, a nuai a bang ahi hi.

SPORT COMMITTEE TENG

• 1. Rev. Pau Sian Piang – 016 3185 296
• 2. Rev. Thang Za Cin – 012 661 0046
• 3. Sia Kap Za Khup – 016 383 8014
• 4. Sia Thang Zo Mung – 017 663 6087
• 5. Sia Joseph Tuan Sawm Tuang – 016 254 4093
• 6. Sia Kam Sian Mung – 018 312 2957
• 7. Sia Mamang – 018 231 1365
• 8. Sm Cing San Huai – 017 282 4801

Zomi League Futsal tawh kisai min sazian pia nuamte in kipia thei ta a, a nunung pen September 08, 2019 ni ciang kisang ding hi. Lutman pen team khat ciangin RM 500 hi ding a, Deposit RM 200 hi ding hi. Kimawl ni ding pen September 16, 23, 30, 2019 nite hi ding hi. Dotnop tuam tuam te zong kidong thei ding hi.

BODY BUILDING COMPETITIONS ZONG OM DING

Zomi khangno te sungah Gym kimawl te adingin zong Body Building Competitions om dinga, tua sungah a kihel nuam ih om leh zong min sazian kipia thei pah ding hi. Khuado ni ma in kidem khol ding a, pahtawina te pen Khuado ni in mipi mai ah kipia ding hi. Hih Body Building Competitions vai a lunglut te in a tunga Sport Committee te tungah min sazian kipia thei ding hi.

TABLE TENNIS KIDEMNA OM DING

Zomi Khuado pawi muakna in Table Tennis kimawlna zong om ding a, a lunglut te in Sport Committee te tung ah sazian kipia thei ding hi. Lutman pen mi khat ciangin RM100 ta hi ding a, mimal kidemna hi ding hi. A kidem nuam te in August 31, 2019 ni a nunung pen in min sazian kipia thei ding hi. Kimawlni ding pen September 02, 2019 ni hi ding hi.

ZAM FREE CARD KINGAH TA

ZAM in kumsim a man ngenloin Malaysia Zomi khua ki pawlna makaipite, ZEC sangah sia asem sangsia te leh pawlpi kem Pastor te’n ZAM zum ah August 1st-31st sungteng nisim 9:00AM-6:00PM kikal hunngah ni khatpeuh ah ZAM Free Card nong bawlna dingun ZAM zum pan zahtakna lianpi tawh kong zasak uhhi. A thei kha nailo a om leh MZCA, ZCMC leh kipawl na tuamtuam te pan nahilh sawnsak un.

UNHCR ZUM KIKHAK DING

12 August 2019 (Monday) ni pen Hari Raya Qurban ni ahih na tawh kizui in UNHCR zumpi kikhak ding hi. 13 August 2019 (Tuesday) ni pan in a ngeina om bangin ki hong kik ding hi.

ZSM LAIBU HONG AP UN

Zomi Genvai Kipawlna (ZSM) laibu ih hawmkhiat zawh sawtta a, March kha bei ah ap kik hamtang ding cih zong ih kigensa ahihi. Tua tawh kizui in hong ap kik kha nailo te in amanlangin ZAM zum ah nong ap nading uh ih ki zasak phapha hi. Hong ki-ap nailote tawh kisai in vai khat peuhpeuh a om leh ZAM/ZSM in tavuan kila zolo ding hi cih zong I kiphawksak hi. I sep khopna hangin thahatna leh lawhcinna I ngahsa mah bangin mapang khawmin semkhawm dingin I kizawn phapha a, laibu khut sungah a kemlai peuhmahin amanlangin nong ap kim nading uh I kizasak kik hi.

DAHPIHNA PULAKNA

Keizang khuami Nu Theresa Cing Lam Nem in 03 August 2019 ni-in damlohna hangin hong nusia a, 06 August 2019 ni-in Kuala Selangor han ah kivui hi. ZAM/ZSM member khat ahih na tawh kizui in vaipuak khempeuh kivan sak hi.

Maria Cing Lam Nuam zong damlohna tawh hong nusia ahih manin 06 August 2019 ni mah in Kuala Selangor han ah kivui thei hi.

Hih hong nusia ih sanggam te hangin ZAM/ZSM panin dahpihna ih pulak khia hi. Topa’n a dah a kap khem peuh hong hehnem tahen.

ZAM ZUM AH THUNGETNA OM DING

Hongtungding Saturday 17 August 2019 ni 11AM a kipan ZOMI’ TANGMI THUNGET PAWL te makaihna tawh Zomibup ading thungetna om ding ahihmanin, a gamla a nai cih omlo thungetna ah hong kihel kimciat na ding un zahtakna lianpi tawh kong zawn uh hi. A diakdiakin tulaitak Malaysia gambelte dinmun adingin nakpi takin thungetna kinei ding hi. Lungsim kipumkhatin i thu ngetkhopna in nalianpi hong piangsak ding cih i lamen hi. Contact person: Siamah Ciin Ph. No.: +60182688752

ZAM ZUM AH HONG HAWH

Lalta Baptist Church ah Pasian nasem ahi Sm Suan Ngaih Khual in Malaysia gam ah hong hawh sungin Zomite a it aveina tawh kizui in ZAM zum ah hong hawh in thapiakna leh thungetsakna hong nei ahih man in kilungdam mahmah hi. Topa’n Sianu a nuntakna hong zang semsem tahen.

WELCOME TO ZAM : Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.

ZATO LAM BUAIPIH TENG

• 1. Vungh Go Lian (Pyidawtha) PPUM zato ah
• 2. Khai Sian (Kapteel) ACTS ah
• 3. Zam Suan Thang (Haupi) ACTS ah
• 4. Ngo Lam Vung (Mualbeem) Serdang Hospital ah
• 5. Suan Khan Khup (Kapteel) IPR leh ACTS ah
• 6. Cing Sian Kim anau Birth Certificate Jalan Duta ah laksak

ZATO LAM TAWH KISAI : Zato lam tawh kisaiin vai khat peuh na neih leh ZAM zum ah hong ko in. Nang a dingin ZAM palai te kiging sa in om den uh hi. Contact :Sia Mungpi 018 3122 957

THONG LAM BUAIPIH TENG

1. Am Suan Khai (Tonzang) Kepong Manjalara pan Operasi tawh kiman in JinJang lockup pan hong suakta thei.

2. Thang Khan Khup (Haiciin) Klang Lama pan Operasi tawh kiman in Jinjing lockup pan hong suakta thei.

3. Suan Khan Khual (Tuikhal) Sentul pan CID te in man in Sungai Buloh thongah kikan pih

4. Thang Sawm Tung (Tauleng) Pekanana Camp pan kawlgam a ciah nading sum Kawlgam Embassy ah ki thunsak thei.

Tulaitak khuahun hoihlo kimat kihen tam mahmah ahih manin vaksuk vaktohnate ah kidopsiam ni. Deihloh pen in kimatna khat na tuak leh ZAM palai te hong ko pah in.

KIMAT KIHEN NA TUAK LEH :Zomite sungah kimat ki hen natuak zenzen leh hih phone no. te ah na hopih pah in. Nang adingin atawntung in kigingsain om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

NASEP TAWH KISAI :Zomi nasep neilote in nasep tuamtuam om hi. A lunglut leh dot nop aneite in Sia Maa Mang : 018 231 1365

LUNGDAM KOHNA

• 1. Ning Lian Vung (Tauleng) RM50
• 2. Cing En Niang (TeekLui) RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.