ZAM Thupuak
ZAM :: Zomi Association of Malaysia
USRAP khutletbu sungpan June 8, 15 ni a hong kisuah sak khinsate ih azom…
KHEN THUMNA
International Organization for Migration (IOM) US tung dingte IOM zumpi ah asawtlo in sisit (Medical Check) dingin kizasak pah hi. Tua banah IOM ten a lenna ding uh vanleng zong vaihawmsak pah uh hi. Hih hun sungin IOM te’n nangma thu leh na innkuanpih teng thu khempeuh US a Resettlement Agency te na puaksawn pah lian uh hi.
(US a Resettlement Agencies te sep ding teng bel ih gelh khitsa ahihman in na simpha kik mai ve)
Medical Exams na man khit ciangin na omna innah ciahkik inla IOM te hong sap ding bek ngak ding hi ta hi. Hong sap petpet uh ciangin thudang peuhmah hong gen lo ding uh a “Na vanleng ding tuani zingsang/nitaak nai tuazah hun in leng ding hi. Hunlap in hong pai in” hong cikiau ziau ding uh hi. A hunlap sawm hamtang lecin maw!
Na tunna ding US gam sunga vanlengtual ah Resettlement pai theihloh kikna khat or vai nawngkai khat peuh a o om khak zenzen leh IOM te nawh takin zasak kik pah in. Hih numbat tawh IOM kiho thei hi. (+66) 2343 9300, 03-9235 5451, 9235 5430)
Aleng dingte haksatna tuakte:
Dah mah si’ng e, cikmah a vanleng tung tuang ngei lah hi peuhmah lo ing a, Lau lua ingh! Gunkuang tawh US kitung thei lel lo maw leh?
Refugee te gunkuang tawh US pai lo, vanleng bek tawh leng. Vanleng tawh len pen lauhna ding bangmah omlo hi. Nuam penpen zaw hi. Cultural Orientation na neih hun sunga tentan hong pia na siate in US a nuntak khuasakzia kician takin hong genkhit banah 
vanleng tung tuandan zong hong hilh gai khin hi. Lau kei in.
Ka zi zanni nausuak mawk! Ka len hun ding uh lah tuzawh kaal thum khit ciang ci ta lailai. Ka lungkham tak ei maw tazen! Bangcih peuhmah ding ka hia?
Tua bang ahileh IOM asem Medical Teamte na gen pah kul cihna hi. Naungek kha khat tungsiahte bek vanleng tung kituangsak ngam hi. Amanlang thei bang penin na naungek uh UNHCR ah Registration na bawlsak pah un maw. Naungek leh anu hong damsiang khit uh ciangin na lenni ding uh hong kizasak pah ding hi.
KHEN LINA
Cultural Orientation (CO) Training with the Resettlement Support Center (RSC)
Tentan nakah theih kei leh hih Ph. nambat tawh RSC CO zumpi zasak pah in. 03 9222 0041
Hih tintan hun sungah hong kihilh ding teng pen a thupilo khat zong om lo hi. Migam milei ah ava khuasa suak ding na hihman in mi nuntak khuasakzia nasin kul a, na theih kisam mahmah hi. Tarzan banga na va om ding hong deih lo cihna ahih manin pello pai hamtang in.
KHENNA NGANA
Resettlement Agencies
Ih gensa mah bangin US gambelmi peuh Resettlemet Agency khat tawh akithuah lo uh phamawh hi. US na va tun ciangin Resettlement Agencyte palai khat in vanlengtual ah nong na dawntuah ding uh hi. A thak nuntakna akipan ding himawk na hihman in huh theih bangin hong huh ding uh a, panpih theihna peuhah hong panpih ding uh hi. Amau aa dingin a thupi pen khat bek hi: “Nuam tak a na khuasak a, na nuntaak theih ding” tua bek hi.
Man ngen lo in hong kihuh hi cih mangngilh ngei kei in.
IOMten vanlengtual ah hong khak uh ciangin IOM bag kaang (White) khat hong pia ding uh hi. Tua bag (Ipkaangneu) sungah nang thu nang la akigelhna lai thupi teng om hi. US na tun ciangin thuneite’n vanlengtual ah na IOM ipkaangneu sung alai thupite hong etsak ding uh hi. Tua khit ciangin Seal hong tupsak ding uh hi. Tua Seal lo tawh nang pen hong kipom lo ding hi.
Legal Right Status: Refugee dinmun tawh nang pen US ah suakta takin a teeng thei ta na hi a, kuamah in hong nawngkaisak thei nawn lo hi. Gam dang zinnopna na neih leh nang hong kem Resettlement Agency te tungpan Travel document nanget masak kul ding hi.
Permanent Residence Card: US ah tensuak theihna card pen na tunzawh kum khat khit ciangin kisiau thei pah hi. Hihpen US Citizenship ngah theihna dinga kahlei khatna hipah hi.
US Citizenship: US na tunzawh kum 5 khit ciangin U.S. Citizenship na siau thei hi. Hih ngah thei lecin American te ngah hamphatna khempeuh nang zong a ngah thei ding hita cihna hi. Ahizongin mangkam na siam kul, a gelh zong na siam kul, America te khang tangthu leh a ngeina te uhzong na tel mahmah hong kul phot phot ding hi. Tua hileh ngah thei pan hi teh. Akisam khempeuh na Resettlement Agency ten hong hilh thei ding uh hi.
Theihding:Hih atung a thu teng pen USRAP Handbook pan hi a ZAM zumpi pan a kilet khia hi. Azom tampi omlai hi.
A (1) Veina ZAM-ECM Meeting kibawl
July 2, 2014 sun 12pm-2pm 2014 kum ai a (1) veina ZAM-ECM meeting ZAM hall kibawl in pawlpi leh khua kipawlna panin mimal 60 val hong kihel thei uh hi. Hong kihel pawlpi sia, khua makai khempeuh tungah lungdam mahmah hi.
Hun masa in, UNHCR-IAD panin REMEDI Insurance vai tawh kisai gencianna leh dotna leh dawnna hong nei hi.
Note: Hih Insurance vai tawh kisai alei nuamte in ZAM zumpi ah min kipia thei hi. Zomi khempeuh neihkim dingin tha kongpia uh hi.
Azomah, P3, Visa 93 (I-730), Fraud case vai mipi tung genkhiatna kinei hi.
ZWO min tawh vanzuakna kinei thei
Malaysia ading pawlpi gol lakah khat ahi SIBKL vaihawm siamna tawh June 28, 29 sungin Sunway SMCC ah Zo ngeina silh le ten zuakna kinei thei hi.
ZAM-ECM (President) teng ZAM Card manhngetlohin kibawlsak ding
ZAM in pawlpi te leh khua kipawlna te tawh khut kilen a nasem khawm den ahihna tawh kizui-in, tu kum term sung adingin ZAM-ECM (pawlpi leh khua kipawlna lutangpi) teng khempeuh ZAM Card mannget lohin kibawl sak ding hi. Mannget loh a kibawl sak ding hun pen July kha bup sung hi ding a, tua khit zawh ciangin kingah nawnlo ding hi. Makai card nei nailo khempeuh a hunbeima in nong bawlna dingun kong zasak uh hi.
World Refugee Day 2014 kihel siamsin naupangte pahtawina laipi hong piaksak
World Refugee Day 2014 kihel ZEC siamsin naupang 28 te UNHCR zumpi panin World Refugee Day akihel lungdam kohna leh pahtawina in laidalpi hong piaksak uh ahih manin ki angtanpih mahmah hi.
Health Equity Initiatives (HEI) ah tentan
June 3, 2014 ni HEI te makaihna tawh amau zumah sinnatna (Hepatitis) tentan zingsang nai 9:30am pan 4:00pm ciang kinei-in ZAM cidamna lam panin zong kikah thei hi. Hih tentan pen ahun zui-in thulu tuamtuam tawh a kinei den hi a, mai lamah zong ki zomtoto lai ding hi.
ZEC ah Multi Media University (MMU) Engineer sang naupangte hong hawh
June 4, 2014 ni zingsang nai 8:30am pan 12pm ciang Malaysia gamsung a University minthang khat ahi Multi Media University (MMU) panin Engineer sang naupang 8 ZEC-Maharajalela ah hong hawh in Zomi sang naupangte siamna tuam hong hilh sak khit uh ciangin interview na zong hong nei pah uh hi. Hih bang hunhoih ngah theihna ding hong geel sak Sia Francis Khampi tungah lungdam ihko hi.
US Embassy pan zaksakna
US gam atungsa te’n Malaysia aom innkuanpih te Visa 93 (I-730) tawh asap uh honkhat om a, a Case uh Malaysia Embassy hong tungkhinta hi. Ahi zongin Malaysia lampan akikanlo leh avai sianglian nailo Backlog honkhat om ahih manin, tuate July 23 nibup siansuahna neiding cih US Embassy pan ZAM Palai te hong zasak uhhi. Tua ahih manin US Embassy pan Phone tawh ahi zongin Email tawh ahi zongin July 23 ni hongpai un cih zaksakna hongneih uhleh amanlang in ZAM zumpiah hong zasaksawn theile uhcin ahithei bangin hongki vanpih ding hi.
Tukal ZAM Palaai te buaipih diak teng
Cing Ta (Tungzang) June 26 ni-in Serdang zato ah appointment paipih.
Kap Sian Sang (Tuimang) June 26 ni-in Ampang zato ah buai pih.
Thawng Sian Sum (Laaitui) June 30 ni-in GHKL ah buai pih.
Gin Lian Mang (Tuitangzang) June 21,22 ni-in, puaisa te kiangpan a paina ding theilo in ZAM huhna hong ngetna tawh ZAM a kila thei.
Go Suan Mung (Bumzang) June 30 ni-in Bukit Jalil ah buaipih.
Suan Kap Thang (Laaitui) June 30 ni-in Bukit Jalil ah buaipih.
Langh Sian Thang (Laaitui) July 2 ni-in Dangwangi ah buaipih.
Biak Van Thang (Sawbua) July 3 ni-in Dangwangi ah buaipih.
Gin Suan Khup (Mualnuam) Klang Lama palik zumah buaipih.
Lian Za Kheng (Zozaang) June 28 ni-in Dangwangi ah buaipih.
Nang Za Thawn (Zozaang) June 28 ni-in Dangwangi ah buaipih.
Tuan Khai (Zozaang) June 28 ni-in Dangwangi ah buaipih.
Hoih Nem Lun (Lamzang) June 28 ni-in Pudu ah ki buaipih.
Lian Lun Mang July 2 ni-in Bukit Tinggi palik ten namanin phone tawh hopihin suakta thei.
Pau Khan Khai (Sekpi) July 2 ni-in Serdang zato ah ki buaipih.
Thawng Pian Khup (Laaitui), Gin Sian Tuang (Keizang) July 4 ni-in UN ah ki buaipih.
Ning Sian Sung (Thangzang) te innkuan mi 7 ki buaipih in UN laidalpi hong ngah thei.
Vung Nem Pau (Taakkhawl) Bukit Tinggi palik ten namanin phone tawh hopihin suakta thei.
Pa Sawm Piang (Kawlpi) JPN ah Birth Certificate kilak pih.
Nu Sian leh Cingbawi (Yangon) Visa vai ki buaipih.
Pa Khup Mang (Tungzang) Setapak Balai Polis ah ki buaipih.
Khawl Vung (Anlangh) Setapak Balai Polis ah ki buaipih in tan khia thei.
UNHCR-EST vaihawm sakna tawh June 30 ni-in Giants mun tuamtuam ah Zomi 60 sitset nasep kiguan thei hi.
Zomi Khawmpi USA: Khawmpi Ni July 3-6, 2014
Zomi Khawmpi USA pen July 3, 2014 (Thursday) ni Nitak nai 6:00PM a kipan, July 6, 2014 (Sunday) ni Sun nai 1:00PM ciang kibawl ding hi. Hun-geel dan anuai a bangin ahaampi (Draft) in kigual hi.
Zin Tun’ Ni July 3, 2014 (Thursday) Zingsang nai 6:00AM pan Nitak Nai 5:00PM Welcome Center leh Zinbuukte ah vai kidawn ding hi.
Khawmpi Kipa’t Ni (Nitak) July 3, 2014 (Thursday) Nitak Nai 6:00PM hun in Khawmpi hon’na kibawl ding hi. Zomi Concert USA pawipi tawh kipanpah ding hi.
Khawmpi Ni Nihna (Sun & Nitak) July 4, 2014 (Friday) Zingsang nai 7:00AM pan Nitak Nai 10:00PM ZIUSA Cup Bawlung kidemna hon’na kibawl ding hi. ZIUSA Cup Group Level kidemna kibawl ding hi.
Zomi Idol USA Lasak kidemna Cial Khatna kibawl ding hi. ZoLia ZoTaang kiteelna kibawl ding hi. Zomi Concert USA Nihna kibawl ding hi. Zomi Siamsin/Youth Forum kibawl ding hi. Khawmpi Ni Thumna (Sun & Nitak) July 5, 2014 (Saturday) Zingsang nai 7:00AM pan Nitak Nai 10:00PM ZIUSA Cup Final Level kidemna kibawl ding hi. ZIUSA Cup Bawlung kidemna khakna kibawl ding hi. Zomi Idol USA Lasak kidemna Cial Nihna kibawl ding hi.
Zomi Idol USA Lasak kidemna Cial Thumna (Final) kibawl ding hi. Zomi Forum (Gam leh Minam thugenna) kibawl ding hi.
Khawmpi Ni Lina (Sun) July 6, 2014 (Sunday)
Zingsang nai 9:00AM pan Nitak Nai 1:00PM
Zomi Forum (Gam leh Minam Thu Holimna) kibawl ding hi. Zinmangpite tawh Holimna, Thudotna kibawl ding hi.
LIVE a ennuamte adingin hih anuai a link ah kien thei hi.
http://www.ustream.tv/channel/zomiinnkuanmedia
Executive Committee
Zomi Innkuan USA, Inc., Tulsa, OK
Khuado Pawi ading Tukpeng (Football) tawh kilawmtatna om ding
2014 Khuado pawi adingin Malaysia gamsung a om Zomi pawlpi tuamtuam te khat le khat ki meltheih semsem na dingin kilawmtat na Tukpeng (football) suihna kibawl ding hi.
Khuado ading Tukpeng kimawlna pen biakna pawlpi te bek pan hi ding hi. Pawlpi min tawh a kihel nuam khempeuh in ZAM zumpi ah July 31 a nunung pen sazian hong pia un. Kizopna ding: Mangpu 019 510 6413
ZAM Card tawi Zomi te ading nasep
UNHCR-EST nasep zonsakna Giants a sem ding Zomi citak 27 kideih leuleu hi. Cheras Leisure Mall ah pasal 3, Metro Plaza Complex Kajang ah pasal 1, Wisma Thrifty Petaling Jaya ah pasal 1, Taman Kajang Mewah ah pasal 3, Ampang point shopping centre ah numei 2, Wang Plaza Jalan Sultan Isamail ah numei 4, Pandan Indah ah pasal 2 leh numei 1, Jalan SS 16/1 Subang ah pasal 2 leh Great Eastern Mall, Jalan Ampang ah pasal 8. Alunglut khempeuh July 9, zingsang nai 9am honglap un.
Theihding: Abeisa a Giants te banglo in tutung a pen omna pialo ahih manin atung a mun nai/kim a om te ading lempen ding hi.
UNHCR-EST pan mahin Johor Bahru KFC sai a sem dingin Zomi citak mi 100 kideih hi. A lunglut khempeuh ZAM zumpi ah na min sazian uh hong pia un.
Port Klang setzung sem ding pasal citak 10 kideih hi. Omna pia, an pialo. Nipi nisim off. Nasep lam tawh kisai kizopna ding: Mangpu 019 510 6413
ZAM Hall ki kawmthei
ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter etc…
Note: Guihtheih khamtheih zat ki phallo hi.
ZAM ah Ngeina puan leh vante kingah
ZAM zumpi ah ih ngeina Zopuan leh vante ki leithei hi. Aki ngahthei van te:Zopuan: a bantong leh a bansau (pasal), Zoniik nam tuamtuam (numei), Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial, etc. Kizopna ding: Ngaih Hau 010-823 0571
Lungdam kohna
Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351.
Pum Lam Thang (Pyidawtha) USA pan a zi leh ta kiangah hawh a hongpai hi-in Thupuak ading RM50 tawh ma hongpang ahih manin lungdam ihko hi.
ZAM Thupuak zum pan lalo a Pawlpi tuamtuam leh ZEC sang tuamtuam pan hong print khiat sakte tungah lungdam mahmah hi.
ZAM Palai sungpan kua tawh kizomding
Kimat kihen natuahkhakleh:
Sia Tuangpu : 016-254 4093
Sia Thaa Mung : 016-646 5375
Tanzung (Embassy vai)
Sia Joseph Mangsen : 016-374 9423
Zato vai kisapna aomleh:
Sia Kep Lian : 014-369 4897
Sia Kam Mung : 016-995 6231
Sianu Ngaih Hau : 010-823 0571
Nasep vai:
Sia Mangpu : 019-510 6413
ZEC Sangvai:
Sia Khoi Tuang : 010-286 6189
Laigelh sakvai:
Sia Francis Lamthang : 014-225 9458
ZAM Card bawlna
Sianu Cii Cing : 011-1282 8482
ZSM/Genvai
Sia Kam Mung : 016-995 6231
UN Sisitna mun
IOM MHD Malaysia
2nd Floor/Level 3 KPJ Healthcare
No 1, Jalan Pahang, 53000
Kuala Lumpur, Malaysia,
General Line : 03-9235 5400
USA lengding te tentan kahna
F&B Business Park
18 Jalan Metro Pudu 2, Fraser Business Park
Jalan Pudu, 55100 KL, (Near LRT Chan Sow Lin)
Australia lengding te tentan kahna
A 14-6, Menara Atlas Plaza Pantai
Jalan Pantai, Rharu 59200 KL
Phone: 03 9235 5431
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website 
tungpan kongsuaksak zelzel uhhi.
Note :: PDF tawh na simnop leh
Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...