Yangon khuapi sungah “The Interview” Movie kileizon in kiman

Yangon khuapi sungah “The Interview” Movie kileizon in kiman

North Korea te makaai Pu Khawm Pau gendan hileh “Leikha Mang” Kim Jong-un kithak nading thu kizaihna “The Interview” movie azuak saiteng khempeuh kumpi thuneih/ thukan te’n zong tanghtangh in man kawikawi uh cih thu kiza ahi hi.

North Korea kumpi Kim Jong-un i taangthu (biography) laibu Kawlgam ah kithoh in akizuak hun lai-in zong tu a thupiang dan mah bangin, Kawlgam phualsat North Korean Embassy te in tua laibu azuak/ ahawm khiatlo nading leh laibu at pa inn ah hong pai-in aom laibu bu400 zong amawkna in hong laksak uh hi ci’n U Hein Latt (writer) in gen zong ahi hi.

Nung kum bei kuan Sony Pictures Entertainment te tawh abuai lai leitung cinema hall tengah lak theihlo nading ciang dong a kibuai ” The Interview” film azuak DVDs sai teng khempeuh mah Palik/ thukan te’n tu ni3-4 sung teng nasiatak zong uh ahih man, Yangon khuapi sung khui saiteng leh lamgei saite khat mahmah zong kihong ngamlo in kikhak cimit ahih nathu zong kigen ahi hi.

North Korean Embassy te’n akhak ma khui zuakna sai teng leh lamgei gamdang movies zuakna saite in Palikte (licence) man sum kipia theih ahih ciang’ suaktatah kizuak zihziak ngei ahih manin, hih ‘The Interview” movie kilei/ kizuak ki-en in mi tampitakte i lunglut na angah khia mahmah (comedy movie) khat zong ahi hi.

A Movie na-et theih nading anuai aa Link na mek in.

https://my.pcloud.com/publink/show?code=fMU

Sony Pictures Company te buai sak ci gen thamlo, a’amkhamsak thukhat zong ahi’ North Korea gam Kumpi haitatpa Kim Jong Un i agamtatnate ciamnuih bawl leh azahko ” THE INTERVIEW” Movie akipatna pan atawp dong ki-en theih ta hi. A film sung aa, American gam thukante ahi CIA (Central Intelligence Agency) te’n mi thak nih teel in, North Korea gam makaai Kumpi haitat Kim Jong Un that ding in akisawl simna ciamnuih (Comedian Movie) zahkona film khat zong ahi hi.

Hih movie kilah leh hiamgam ngongtatna omtheih ding cih kigalbawlna ding ciang dong’ piang theih ding leh patauhnate om ahih manin, America gam Cinema Company neih tampitak te’n lahlo ding ci-in nial uh ahih manin, hih movie pen nung nipi kaal sung aneih Sony Pictures Company te’n lahngamlo in lakik uh zong ahi hi.

North Korea computer siam mahmah Hacker te tungpan ci’a akiummawh internet sung kibuluhsakna (Cyber attack)Sony pictures te’n angah khit uh ciang’ tua movie pen cenima hall te ah lah nawnlo dingin angaihsut tei uh hang’ Kumpi Obama i hanthotna hangin, lau pipi alahsak kik uh zong ahi hi. Hih movie in upmawhlo in leitung gampi khat leh gamgilo gam khat kikaal kitot, kiko/ kimawhsakna tampi piangsak ahih man, tulai leitung buppi khat in lunglut huai sa in ki-en ,kimu nuam tek zong ahi hi.

Tua North Korea Kumpi pa thu kiciamnuih bawlna movie pen buaina tampitak aom kawmkaal pan America kumpipa thukim hanthotna tawh America gambup cinema hall khempeuh ah akilah khin ban’ah, Online tung nangawn dongah kikhak khia ziahziah ta ahih man. North Korea te heh lua uh kisa in North Korea Kumpi neihsa KCNA News te’n hih nasepna in America te i akalval aa thangtat/ gitlo gamtatna ci-in azahko kik uh banah, American Kumpi Barack Obama nangawn hivai ah zawng tawh kibang aa aholtuah pa khat hi, ci’n mawhpaih mahmah uh ahi hi.

Sony Pictures te i IT System teng Guardians of Peace akicih minneih Hacker group khat i suhsiatsak (Attack) zong hi in, North Korea te i khut khilhna hi teitei ding hi ci’n America Kumpi in thukkik dingin mawhpaih kik uh zong ahi hi. America Kumpi pa’n tua acih khit asawtlo in North Korea gam bup Internet Connection kisumit cip mangin, naikua sung sawt leuleu hi. Tua pen America gam simlo adang hipeuhmah lo ding hi’ ci’n angongtat den leh gam dangte atawng theih zel North Korea te’n lungkimlo in thukkik sawm leuleu zel uh hi.

A tua teng hang mah tawh hih movie pen kimunuam/ ki-en nuam ciat ahih manin, atung aa link pan alunglut teng in na-et theih nading un kong khak khia hi. Laisim mimal Topa’n thupha hongpia ta hen. Kham Khan Suan (Artist Kyaw Kyaw Oo)