Yangon, Immigration Office ah apuakkham om

Yangon, Immigration Office ah apuakkham om

Yangon aom Immigration Office ah zanni Thursday (November 24) ni in apuakkham 4 vei om cih CNA News pan kizasawn hi. Hih puahkhapna ahangpen kitheician nailo a, asi aliam zong omsamlo cih kiza hi.

Local Police te genkhiatna ah hih puahkhapna munpen Yangon, South Dagon Township sungah hi a, sun 2pm hunpawl cihi.

Yangon aom Immigration Office ah puahkhapna pianghi ci’n “Myanmar Information Ministry” inzong amau ii Facebook tungah gelhkhia uhhi.

Zanni pen Kawlgam ah National Publich Holiday tawh kituak ahih manin, zumkah kuamah omlo, Immigration Office aki khaklaitak tawh kituak bilbel hi.

Police Officer khatin Myanmar Times te kiangah agenna ah apuakkham pen 5 vei ci a, apuakkham khatlehkhat Minute 3 ta kihal in puakkham cihi. Apuakkham pen ahuaisialuapi hilo ahih manin, mi asi aliam omlo a, akisia zong omlo cihi.

Nung Sunday inzong Yangon aom Capital Hypermarket khatah Bomb puakkham khinhi. Kumpi thunei te genna ah tua apuakkham Bomb pen “Handmade Devices” ci’n khuttawh aki bawltawm ci a, asi aliam omlo cihi.

Yangon khuasung ah tunai apuakkham hongki nawhsimpian hi. ZD Sawltak #zomidaily