Yangon Airport sungah apuakkham theiding muanmawh kimu

Yangon Airport sungah apuakkham theiding muanmawh kimu

Zanni Tuesday ni zingsanglam in Rangoon International Airport sungah apuakkham theiding in aki ummawh thawl 4 kimu cih Irrawaddy News pan kiza hi. Hih apuakkham theiding in aki ummawh Plastic Bag khat zingsang in Airport Staff te’n amuh uhciang in kumpi thunei te zasak uh cihi.

Bomb ahemkhiathei “Bomb Disposal Team” tezong Airport Terminal 1 ah delhpah uh a, Airline Ticket Sales Counter khat ii agei aom tutphahsau nuai ah Plastic Bag khat hemkhia uh cih Commander-in-Chief of Defense Services panin Statement bawlkhiatna ah gen uhhi.

Tua Plastic Bag sung aom thawl te sung ah akikoih te Laboratory Tests akibawl ciangin apuakkhamthei hilo cihi. Ahi zongin asungah Painkiller tui, Khuainun ihcih Wax, leh sathau kikoih hi ci’n State Counselor’s Office Information Committee panin genkhia uhhi.

Kumpi thunei te in hih Plastic Bag aki muhna kuamsungteng ah midang paiding phallo uh a, adang apuakkhamthei van aomhiam cih Terminal sungah hoihtak zoncianna nei uh cihi. Ahi zongin Rangoon Police Office panin bangmah genkhiatna neinailo uhhi.

More: Brazil Football Team te tuanna vanleng kia, mi tampi si

Yangon khuasung ah abeisa kalnih sungin Bomb puakkham cih vive kiza pahpah ahih manin mipi tezong ki patau simsim hileh kilawm hi. ZD Sawltak #zomidaily