Washington D.C Lungphona ah nong kihel ciat nadinguh cialna

Washington D.C Lungphona ah nong kihel ciat nadinguh cialna

Zomi Innkuan USA (ZIUSA) makaihna tawh akinei ding Washington D.C Lungphona ah nong kihel ciat nadinguh cialna

India gam, Manipur aa om Zomi Laizom te’ Gam leh leitang aading lungphona a nuai aa hun gelna bangin kinei ding ahih manin D.C Area om Zomi akuamapeuh nong kihel ciat nangun kong zawn uh hi.

Tuipi galkai Zomi-te Gam leh Leitang Vai Lungphona:
A Ni : September 8, 2015 (Tuesday)
A Hun : Zingsang Nai 9:00AM~11:00AM
A Mun : Embassy of India, 2107 Massachusetts Ave NW, Washington, DC 20008

Kituah nang mun: 900/918 Hooper Ave. (Alan Dr. Apartment) mai teng ah
Kituah nang ahun: 8:00 am kiim in kituah ding
*** Transportation a kisam te aading zong kigeel ding hi..

Lungphona tawh kisai ATHU:
Manipur gamkee innpi in Singtangmite tawh kisai thute Singtangmite konlawhlo in akhunsim sawm uh thusunte (Bills) pen anuai a bangin kisang hi.

(a) Protection of Manipur Peoples Bill, 2015:
Hih thukhun in Meitei minamte a’ding deidantuam hamphatna hi a, Singtangmite thuneihna abeina in kisang ahih manin kithukimlo hi.

(b) Manipur Land Revenue & Land Reforms (Seventh Amendment) Bill, 2015:
Hih thukhun in Singtangmite pupa luahsa gam leh leitang hong kisuhkhiat theihna thukhun in kisang a, Zogam leitang khutpi khat cia zong kiphallo ahih manin kithukimlo hi.

(c) Manipur Shops & Establishments (Second Amendment) Bill, 2015:
Hih thukhun in Singtangmite neih leh lamteng, sum leh paai teng hong kinuaisiah theihna ding thu in kisang a, kithukimlo hi.
http://kanglaonline.com/2015/09/the-protection-of-manipur-people-bill-2015/

Zomi Sungah,

Zomi Innkuan D.C Area (Zomi D.C)