Vondeih Kep Ding – 148 (Dimno’ Pa)

Vondeih Kep Ding – 148 (Dimno’ Pa)

Dear Tawngno, Lai khak hong gelh kik thei pan ing. Pasian thupha tawh cidamin nasep maban zom thei ing. Innlam zong hoih tek laitak dingin hong lam en ing!

Ray Dalio in a laibu gelh ‘Principles’ cih sungah SpaceX Funder leh CEO Elon Musk tawh a kihona tawm khat gelh hi. “Mars ah pai zawh nading ngimna nei na hih leh, tua leh nang na background ah Rocket tawh kisai lam siamna na nei hia leh,” acih leh, Elon Musk in, “Nei keng! Tuin laibu sim ka kipan ta,” ci-in, ci hi.

SpaceX pen 2002 kum in a piang pan hi-a tuin $22 billion manta hi. Kum 2022 ciangin Mars tungah pai dingin gelna neikhin ta hi.

SpaceX thu hong gen nuam hi keng. Elon Musk vision leh a diakdiak in Rocket tawh kisai ah background nei lo napi-in laibu sim in a kanna thu, thupi leh ettehhuai sa ing.

Khangno lai na hih manin cim ing, cici lo-in na hun ngah sunsun in na theihnop thute a kigelhna laibute kan in, na sim ding hong deih ing.

Hong it, Na Pa (August 10, 2018)