Vasa maw Sava? ~ Hau Za Cin

I minphuah dan ah Sa min ah ‘sa’ masa a, Va min ah ‘va’, Ai min ah ‘ai’ masa tawh kibang hi. A nuai ah tawm enpak leng.

Sa = Sazuk, Sakhi, Sacia, Sangak, Sahang, Sakol, etc.
Va = Vaphual, Vagik, Valah, Vanungak, etc.
Ai = Aisa, Aikam, Ainip, etc.

A tunga te in hong etsak pen Sa ahihleh a sa hihna hong gen masa a, Va ahih leh va ahihna gen masa in Ai ahih leh a ai hihna gen masa hi. Tua mah bangin leitungbup pemkhawmna gam USA ah Africa pan pemte bangci kisam hiam, Latin gam pan a pemte bangci kisam hiam, Europe pan a pemte, Asia pan a pemte…

1. African American
2. Mexican American
3. European American
4. Asian American

kici a, American African kicilo hi. American European, American Asian kicilo hi. Amaute hong paina gam leh minam gen masa, amau hihna gen masa in tua zawh ciang a tenna gammi ahihna uh gen pan uh hi. Hibang rule zuih teitei ding cih a omloh hang a kilawmzaw khat bel om hipeuhmah ding hi. Tua pen ei adingin bang ahi tam?

Ei pawl globalization name bang hong hitam? Bang ici tam? Bang ikici tam? Kuan bang hong ci tam uh? Eima utdan tek mah i ci kiaukiau diam? Nakpi in ngaihsuthuai ahihpah loh hang kithutuak in lawng khat in i gin utleh ahoihzaw ding ngaihsutkhop theih zong a sia hetlo khat hikha ngel ding hi. Gentehna in: Indian Zomi i kici diam, Zomi Indian i kici zaw diam cih dante pawl e…

Hau Za Cin
Phuitong Liim