Vanleng sungah Headphones meikuang in numeikhat amai leh akhut meikang

Vanleng sungah Headphones meikuang in numeikhat amai leh akhut meikang

Australia gamlam zuanin aleng vanleng tungkhat ah numei khat bilngaihna Headphones tawh Music ngai in aom laitak meikuang in, tuanu amai leh akhut meikang cih AFP News pan kiza hi. Vanleng sungah Battery akithuah vankhatpeuh (Battery-operated Devices) zatlohding akikham hi a, alauhuai ziapen akigenden hi ci’n Australian Officials in genkhia hi.

Tua numeinu pen Battery-operated Headphones tawh Music ngaisa in Beijing City panin Melbourne City zuanin vanleng tawh khual azin ahihi. Hih thupiang pen February 19 ni in thupiang hi a, ahi zongin Australian Officials in tuni in pulak khiapan uhhi.

Numeinu pen Music ngaikawm in mengme kawmsa in nainih sungbang vanleng tungah atuan khitciangin apuakkham agin ngaihmahmah khat kiza cihi. Atuahsianu ii genna ah apuakkham agin ngaihmahmah khat kazak ciangin kalu kahei kawikawi leh kamai meikang ahihlam kaphawksan ci’n Australian Transport Safety Bureau (ATSB) te kiangah genkhia hi.

Headphones khauteng pen a ngawng ah kivial sawnsawn in, amai meikang cih atheih ciangin phialkhia saisai hi. Amai meikang asa tawh lauthawng in tha khatthu in sualtung kadensukna ci a, tua Headphones pen sualtung ah tawmvei meikuang lai cihi.

Vanleng tungah nasem Flight Attendants tezong manlangtak in lengpheipah in, meikuang Headphones pen tui phelkhai khattawh buaksukpah uhhi. Headphones panin Battery leh atuamna te asa tawh tuisuakin sualtungah belhcipgawp hi.

Hih atuahsia numeinu pen amin ki genkhialo in, ahi zongin Social Media tungah Photo aki khahkhiatna ah lauhuaituak mahmah hi. Numeinu ii amai, angawng leh akhut te maikang in vommilmel hi.

Vanleng tungah atuang Passsengers khempeuhzong Plastic meikanggim, Electronics meikanggim te dikkhagawp uh ahih manin, lamtawntung ah khuhthauhthauh thapaai uh cihi.

Transport Safety Bureau te’n hih numeinu tuankhakna vanleng bangvanleng cihleh Headphones pen bang Brands cihte genkhia nailo uhhi. Ahi zongin meikat kipatna pen Headphones sung aom Lithium-ion Batteries pan akipan hiding ci uhhi.

Vanleng sungah tua Headphones pen sauvei akizat semsem ciangin hihbangin apiang hiding kici hi.

Nungkumsung zong Airlines Company tampitak in vanleng sungah Samsung Galaxy Note 7 Smartphones te puakding khamcip uhhi. Samsung Galaxy Note 7 tepen Battery puakkhamthei ahih manin, ki patau mahmah hi.

More: Samsung Galaxy Note 7 Phone te vanleng sungah zat kiphallo

Samsung Galaxy Note 7 abawlkhia South Korea Electronics te’nzong Note 7 khempueh sapkikna “Recall” bawlkikpahsam uhhi. ZD Sawltak #zomidaily