USA, Kansas pan Pu Daniel Maungpi in hongnusia

Dahpihna lai (Condolence Letter) Zomi Innkuan USA, Inc.

Tedim Leilum aa suak ,Kansas USA gam ateng Pu Daniel Maung Pi in abeisa December 01,2019 in teknatna tawh ongnusia cihthu izaakmanin ZIUSA kipawlna min tawh dahpih na ipulak hi.

Pu Daniel pen Pasian lam hon sak na tawh March, 2014 in USA a tung ahihi. Pu Daniel Pen Zomi te kipawl khopna Zomi Innkuan Kansas City ah member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 01/31/2015 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pu Daniel tawh anunungpen hunzatkhop ding ong tungding Saturday December 07,2019 10:00am hun-in Highland Park Funeral Home ah Myanmar Christian Church (MCC) makaih na tawh hehnep hunbawlkhopna neihkhit ciangin leisung ah tuhna kineidinghi.

Pu Daniel ong nusiatna hanga adahakap sangam tanau meltheih khuapih beh leh phung akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Genvai tanupi) ZIUSA Genvai Tanupi