USA ah khangno khatin anu a ngawng tansak in innmai ah alu vakkhiatpih

USA ah khangno khatin anu a ngawng tansak in innmai ah alu vakkhiatpih

USA, North Carolina State sungah pasalno kum 18 khatin anu ngawng tankhiatsak in, alu khailanglang in innmai ah pusuah khiatpih cih AF News pan kiza hi. Anu ngawngpen innsung ah Butcher Knife kici sasemna temtawngpi tetawh atankhiatsak hi a, atankhiat khitciangin akhutlangkhat ah temtawng tawi in, alangah anu lu tawikawmsa in innmai ah vakkhia cita lawmlawm hi.

Franklin County Sheriff’s Office te genkhiatna ah anu ngawng atansak khitciangin tuapa mahin 911 Phone sam a, kanu kathatlum ci’n zasak cihi. Palik te’nzong aphual ah delhpah uh a, mithatpa pen bangmah thuhkiksawm seselo in kimansakpahlel hi. Anu luanghawm apumpilam pen innsung ah silehnai tawh kidiah pikpek cihi.

Tua mithatpa minpen Yesenia Funes hi a, kum 18 bek hipan hi. Anupen kum 35 aphakhin khat ahihi. District Attorney Mike Waters in agenna ah mithatpa pen alungsim manlo hidinghiam ci’n Mental Evaluation kibawl ci a, mithatpa pen Mental Health Issue omding kici hi.

Alungsim manlo Mental Health Problem himawk ahih manin, hihvai tawh kisai in mithatpa kiangpan in banghang that ahiam cih dotciantheih nadingin hun sauveipi lading hi ci’n Mike Waters in genkhia hi.

Tulaitak pen First-degree Murder tawh thu kibawl a, mithatpa pen Raleigh aom Central Prison ah kipuakding cihi. Thukhenzum Court ah March 14 ni ciangin ki paipih kikding cihzong kiza hi.

Hih mithatpa in anu ngawng atansak laitak in a innsungah asanggam numeino nihzong om uh ci a, tuate pen bangmah cihlo hi. Adang sanggam khatzong neilai a, tuapen sanginn ah aom laitak ahihi.

Avengte khatin agenna ah hihte innkuan pen June kha khawngin hihmun ah hongkituah uh cihi. Ami ki theicianlo uh, ki maingap lualo uh, ahih hangin hih mithatpa leh anu pen maitailel uh a, kimuleng khut hongvansanthei cihi.

More: USA, Tennessee Tyson Foods ah zuakding ak aki khawina ah Bird flu kimu

Avengdang khatin mithatpa anauneu numeino nihte tukhawm in akahna aw kazak pen ka lungtang hong sukhalua mahmah hi ci’n genkhia hi. Mithatpa ahihleh tumilmel in dahzong dahtuak selo, lauzong lautuak selo om milmel kici hi. ZD Sawltak #zomidaily