US White House sungah aguk lutsawm mikhat kiman

US White House sungah aguk lutsawm mikhat kiman

Friday nitaklam in White House sungah aguk lutsawm Intruder pasal khat kiman cih CNN pan kiza hi. Tuapa pen anungah Backpack thungkuah khat pua in, White House Complex sungah alutsawm laitak Secret Service Officer te’n mukhia uh ci’n Officials te’n genkhia hi.

Tuapa minpen Jonathan T. Tran kici a, kum 26 aphakhin California aom khat ahihi. Zankim madeuh in White House sungah alutsawm hi a, tuahun laitak in President Donald Trump zong tualaitak in White House sungah omlai cihi.

Washington Metropolitan Police Department te genna ah tua akimanpa in President tawh lawmta kahi uh, kimuh khopding Appointment kanei uh ci’n Officer khatin amat ciangin genkhia cihi. Asungah bangci honglut nahiam cih akidot ciangin dai kantan in asungah honglut hi ing ci’n genkhia hi.

White House Security CCTV Footage panin aki etkik ciangin White House tawh akizom in aom Treasury Building Courtyard lampan in dai kantan in lut cih kimukhia hi. Dai akantanlian laitak ki theilo himahleh Secret Service Officer khatin adenciang mukhia cihi.

White House pen ki lunghimawh mahmah ahih manin Security Condition pen “Orange” ah akikoih ci a, tuapen patuahhuai mahmah Level khat ahihi ci’n Secret Service te’n genkhia uhhi.

Friday zanmah in buaina apiankhit ciangin President Trump zong ki zasakpah cihi. Saturday ni in President Trump in Virginia aom Trump National Golf Club ah Reporters tetung agenkhiatna ah Secret Service te ii naseppen kician mahmah hi ci’n pahtawina kammal genkhia hi.

White House sung alutsawmpa Jonathan Tran ii thungkuah Backpack zong hoihtakin X-ray Scan kibawlphot a, tuakhit ciangin Bomb Technicians te’n hemkhia uhhi. Backpack sungah bangmah lauhuai, apuakkhamthei cihte bangmah omlo cihi.

Secret Service Emergency Response Team te’n hih buaina apiankhit ciangin First Lady’s Garden akipan White House huangsung khempeuh hoihtakin K-9 Dogs kici ui tawh namsak kawikawi in, sitcianna neipah uhhi.

More: President Trump in “Travel Ban” athak letmat thuhna neikik leuleu

East Executive Avenue leh East Wing Roadway tezong hoihtak in Extensive Search bawlkawikawi uh a, lunghimawh nading bangmah kimulo hi ci’n Secret Service te’n Statement ah genkhia uhhi. ZD Sawltak #zomidaily