US in Pakistan te Shaheen-III Missiles alung himawhpihna khangsemsem

US in Pakistan te Shaheen-III Missiles alung himawhpihna khangsemsem

Jan. 14, Obama’ President let ding a bei kuan tawh kituak in US in Pakistante missile ten a kap theihna ciang gamla veve hi ci-n adiakin Shaheen-III missiles lunghimawhpih mahmah ahih hangin Trump in India tungah Obama defence policy mah ka zui ding hi ci hi. US in Shaheen -III a lungmimawhpih na khang tektek ahih manin nung diakin Obama administration in kuamah tawh kizopna nei lo-a amau identity tawh a ding ”entities” kici Pakistan’ missile programme tawh kizopna nei Pakistan entities 7 tungah ah sum bawlna khalna “trade restrictions” koih khum a, tu-in zong US agencies ten Pakistani entities 47 khauh takin encik lai uh hi.

Shaheen-III hatna pen a range 2,750 km. hi a, Pakistan in missile a neihte lak-a hat pen hi a, 2015 in sitna na nei uh hi. Shahen- III in India gam nawl-a om Andaman and Nicobar Islands dong a kap khak banah Europe gam pawlkhat leh Israel zong kap kha zo ding hi. US in Pakistan entities 7 tungah khalna bawlte lakah Islamabad pansan National Engineering and Scientific Commission (NESCOM) leh a kahiang/kizoppihte (subsidiaries), Air Weapons Complex (AWC), Maritime Technology Complex (MTC) leh New Auto Engineering (NAE) kihel hi.

Nilaini in Obama in mangphakhakna thugenna a neihna ah US ah nautangte tunga pahtawina sang pen Medal of Freedom kici mittui kai pippiat Vice-President Joe Biden tungah pahtawina khi awksak hi. Hih hun ah Biden in nuclear security tawh kisai a thugenna ah, “North Korea bek hilo-in Russia, Pakistan leh gamdang pawl khatin a hoih loin mainainawt leh kalsuanna (counterproductive moves) nei uh ahih manin nuclear galvan hanga lauthawngna khangsak a, Europe, South Asia leh East Asia gamte gal a om theihna lauhuaina behlap hi. Nuclear galvan a kikhiamna dingin leitung bupah thukimmna a om theihna ding lametna ka nei hi,” ci hi.

Trump in Defence Secretary thak dingin a guan’ James Mattis in bel Trump administration in India, Pakistan leh Asia ah US policy a kizang ngei bangin kizang dinga, kilaih lo ding hi ci hi. Mattis in Obama in a kammal zat “rebalance” or “pivot” to Asia kici zat ding ka ut kei a, ahih hangin China’ gamtatna hangin Asia kiim-ah US in a makaihna hatzaw sem in a makaih kul ding hi ci hi.

Obama policy in US tawh hun sawtpi tak galkap lamsangah a kitanauna “long-term strategic relationship with India” pen US leh India in a thubutlet democracy leh gam hihte meetna leh phattuam tuakna dingin a zat bangin India pen US in defense lamsangah lawm hoih leh pi pen (Major Defence Partner) dingin a kibawl theihna ding ka hanciam ding a, defence relationship lamsang ah bang sep ding om lai hiam cih ka enpha lai ding hi ci hi. Pakistan tawh kitanauna kiat lam leh a sangna lam a manawh hun a om den hangin Afghan ah US galkap omte khualna tawh Pakistan tawh nasep khawm ding zong ka hanciam ding hi ci-in Senate Committee ah gen hi. Source: The Hindu/ Thang Khan Lian