US gamsung ah Christmas huihpi in nawk, mi 14 si

US gamsung ah Christmas huihpi in nawk, mi 14 si

US gamsung ah huihpi guahpi in Christmas kipatding lianin nanawk sese ahih manin mi 14 in sihlawh a, adang tampi zong innsia losia in omhi cih AFP News pan kiza ahih manin lungnop om hetlo hi.

US gamsung aom States 6 bangah Tornado huihpi in nawk cih aki pulak hangin Mississippi State sung anawkpen huaisia phadeuh hi. Tua State sungah mi 7 si cihzong State’s Emergency Management Agency (MEMA) te’n tangko khia uhhi.

Mississippi State sungah asi mi 7 lakpan naupang kum 7 aphapan khatzong kihel a, mawtaw tawh khualzin in apai laitak huihin alemkhawm hithei dinghi. Leitung gamtuamtuam ah Christmas pawinuam te nopcitak in aki dawnziahziahding laitak in, hih mun ah Electricity omlo in khuazing lakah cimawh dongtuak in aom mi honkhat na om citciat hi.

US Officials te’n bangci bangin cimawh dongtuak te panpih theiding cih avaihawm laitak uh hi a, huhna Donation apianuam tezong bangci bangin piaktheih in koihding cih agel laitak uh ahihi. Ahi zongin athuak mipi te ahihleh khitui naptui tawh kidimlai uhhi.

Hih Tornado nawkkhakna ah ei Zomi te aki helkha khawng ih omhiam, athei aomleh ki zasaksawn in thubek gal ngetsakleng hoihloding ahiam? ZD Sawltak #zomidaily