US gamsung ah Comedian numeikhat ahi Kathy Griffin in President Donald Trump ii a ngawng akitansa bangdanin akibawltawm khat asampan lensa in Photo kizaihmawk hi.
President Trump in tua Photo amuh ciangin anuihza hetlo in “My children, especially my 11 year old son, Barron, are having a hard time with this. Sick!” ci’n ama Twitter tungah gelhkhia hi. Apa ngawng kitansak Photo amuhkhak ciangin atate’n thuak hamsa samahmah uh cihi. Adiakdiak in kum 11 bek aphapan ahi atapa Barron Trump pen naupanglai himawk ahih manin, thuaklah phadiak cihi.
Tua Photo azaihsak pen Photographer Tyler Shields ahihi. Kathy Griffin ciamnuihbawl lailai in, hih Photo kaki zaihkhitphet in US gampanin ka taikhiading, US gam ka nusiading ci’n ciamnuihgen sawnsawn hi.
ISIS te’n mi athah ciangin a ngawng atankhiatsak lianlian bangdan in US President Trump ii a ngawng pen akitankhia bangdan in bawltam sese in, Photo kizaihpih, Video kizaihpih mawk hi. Pawlkhat in hihnu pen IS te tha apia “IS Propaganda” khat hiding hi cihdong in ki mawhsakta hi.
Tyler Shields pen CNN tetawhzong kipawlkhawm in “CNN Host” asem khat ahihna tawh CNN te nangawng in ki mawhsakta hi.
Hihbang lawmlawm in President khat ciamnuihbawl pen dik kisa hetlo hi. President Trump amudah mahmahkhat in akigen ahi “Trump-hater” akiliang Chelsea Clinton nangawn in hih Photo muh ciangin “‘This is vile and wrong. It is never funny to joke about killing a president.” ci’n Twitter tungah gelhkhia hi.
Video etnopleh: CNN Host ‘Beheads’ Trump – Kathy Griffin
https://www.youtube.com/watch?v=D0VjWVUQ4Go
Chelsea Clinton pen nidang in President asemngei U.S. President Bill Clinton leh U.S. Secretary asemngei Hillary Clinton te tanu ahihi. Tuanu nangawn in Donald Trump amuhdah mahmah hangin, hihbangin President khat a ngawng kitansak, kithat cihbangin aki ciamnuihbawl pen diksa hetlo hi.
Kathy Griffin ii Photo kizaihpen dik salo in, haivai asa kitamzaw ahih manin, amahzong kisuangtak a, thumna neikik khinsam hi.
“I went way too far. The image is too disturbing. I understand how it offends people. It wasn’t funny. I get it,” she said. “I beg for your forgiveness. I went too far. I made a mistake and I was wrong.”
Related: USA, Indiana ah zukhamsa in atate 5 tawh mawtaw ahawl Bawi Lian kiman ~ ZD
Ahi zongin khatveivei kithum cihzongpen utbang in gamtat khitciangin kithumziau zongpen athuakte’n athuak dingteng thuakkhinmawk ahih manin, kimaisakpah saisaiding zong baihkhollo khathei hi.
US gamsung Politics zong uangluadeuh, cidamhuailo tawh akibat hun tammahmah hi. ZD Sawltak #zomidaily
Comment piaknop aomleh...