Urgent Need for Chin State Disaster Emergency Relief Fund (Chin State Dongtuak Huhna Ngetna)

Urgent Need for Chin State Disaster Emergency Relief Fund (Chin State Dongtuak Huhna Ngetna – ခ်င္းျပည္နယ္ ေရေဘး ကယ္ဆယ္ေရးရံပံုေငြ အလ်ဴခံျခင္း)

Chin state kumpi in tu laitak Dongtuakte huhna dingin Kalaymyo Chin State Guest House ah Chin state Revenue Minister Pu Nang Za Mung in ama zum nasemte tawh Kalaymyo tutphahin August 1 ni panin Chin state gamsung Kialhuhna Zum hong hi. Adiakin Chin state saklam gam – Hakha, Falam, Tedim, Rih, Tonzang leh Cikha gamsung leh khanglam Chin state gamsung ah Paletwa siatna tam mahmah hi cih kiza hi.

Chin state sung ah Chin kumpi omna Hakha khua ah haksatna atuak tampen hi. Falam – Hakha leh Gangaw – Hakha kikal lampi naksiat mahmah a, antang lei ding nangawn om nawnlo hi. Jeep pai theihnading kibawlpak a, antang kipua to sak ta hi ciin Mangpi Pu Nang Za Mung in gen hi.

Falam leh Tedim leh adangte ah Kawlpi leh India panin antang tawmtawh kipua thei panpan a, hin gimnam panpan hi. I zaksa mah bangin Chin state siatna nasia lua ahih manin Chin state kumpi in Kawlgam leh gamdang panin huhna ngen uhi.

Zomite in zong hih kumpi huhna phual ah pia zo lehang Chin state kumpi ahuh suak ding hang a, Chin state sung ah ei Tedim Tonzang Cikha lamte huhna zong akihel khawm ahi hi. Chin state huhna sum leh vante Chin state Donghu tavuannei Sia Nang Za Mung Budget Mangpi, Kalaymyo Chin Guest House zum ah kipia thei hi. Kipawlnate ah ipaisak bangin kumpi tawnin paisak leng huhna pia veve, kumpi tawnin pia leng kumpi theihpih ban ah eimite mah in ngah kha veve ding hi. Gamdang huhna tawmtawm atungpan hi a, huhna tampi kisam lai hi.

Huhna piakna ding address pen attach tawh kong puak hi. Zomi akua mapeuh in Chin state Kialhuna pia ciat ni ciin kong hanthawn hi.

Gamdang huhna tawh kisaiin :-

1. India kumpi huhna antang ip 300 pen August 6 niin vanleng in 2vei puak a, tua India huhna antang khempeuh Chin state buaina nasiapen Hakha khuapi ah jeeo 6 tawh kipuak to ta hi.

2. Yangon panin
စိမ္းေရာင္စိုအဖဲြ႕ leh Mother Construction company panin antang ip 500 apiakna lak ah Hakha antang ip 300, Tedim ip 80, Tonzang ip 80, Falam ip 40 kihawmsak hi.

3. China – Sengam huhna: Tuipuanbuuk 202 August 8 niin tung ta hi.

Huhna tawh kisaiin thu kigen tuamtuam leh thuleng atam hangin Pu Hung Ngai mawhsakna ding omlo a, Chin state kumpi thukimna leh apiate deihna tawh Kialna ahaksa deuh keh aphadawm zuiin kihawm a, Hakha mah Kialthuak tampen ahih manin atamzaw apai hi ciin Mangpi Pu Nang Za Mung in gen hi.

Chin State Kialhuhna puakna ding mun:

Phone:-
1 Pu Nang Za Mung(Mangpi) – Ph: 092450293, 0933346222
2 U Soe Linn Thein (AD) – ph: 09449252169, 09255994739
3 Myo Min Oo(ဒုဦးစီးမွႈဳး) – ph: 0931773777

Zum:
Chin State Government Sub- Office
Chin State Guest House
Anawratha Rd. Tat Oo Veng
Bus Station, Kalaymyo

Information by:
Sia Lang Khai