U Maung Maung Oo (Parliamentary Secretary) tawh nitak hun manpha zangkha

U Maung Maung Oo (Parliamentary Secretary) tawh nitak hun manpha zangkha

Tu-nitak Singapore Myanmar Club vaihawmna tawh, Singapore ong zinpak Paliamentary Secretary, (Agriculture, Livestock and Rural Development Committee) Insein Township Pyithu Hluttaw MP, U Maung Maung Oo tawh kimuhna ah va kihel kha thei in, ka theihnop thu tampi va dong thei ing. Ka lungkim bilbel ei.

Thugenna, Thudot leh Kikupna kinei a, nai 3 sung sawt hi. Thu kigen leh dotna nampi 3 in kikhen thei hi.

1) Kawlgam tulian laitak nainganyii leh NLD dinmun

2) Kawlgam kikhelna khantohna leh kikhelna ii a-gah

3) NLD kumpi leh mipi in bang semkhawm thei ding? …esp. Singapore a om Kawlgam mite in bangmun ah pangthei ding?

Kei’ dotte bel, ka lung hihmawh phadiak…

a) 2nd Panglong leh Federal Union vai NLD leh Conference dinmun

b) Paliament sung thu kikupdan, dotna le dawnnate leh MPte’ proposal procedures

c) Kumpi thuneihna nam 3 lak ah khat ahi Executive power tawh kisai NLD’ thuneihna leh vaihawmna

Hih dotnate limtak ong gencian ban ah tu-laitak Kawlgam kumpi sung ah Legislature, Executive and Judiciary bangci ki practice cihte limtak ong gentel setset ahihman in ka lungkim mahmah.

Tuaban ah MP pa in vai khatpeuh tawh outstation ahih kei nak leh Sani ni sim in “meet the people session” a neihdenna leh ama’ constituency sung mipi tawh a kizopna ong gen pen thupi mahmah kasa a, a mipite zong hampha kasa hi.

More: Singapore ah akitawnggawp Myanmar 7 te kumkhattek thongkiading

Amah bel kum 53 phapan ing ci. Makai muanhuai picing mahmah khat hi in ngaihsun ing. Kei tawh kigual lian. Zomi papi ka theihngei pawlkhat in bel naupang lua sa ngel inteh. Pau Khat Suan