TUNE Insurance leinuamte’n August 30 ni ZAM Hall ah ki leithei

TUNE Insurance leinuamte’n August 30 ni ZAM Hall ah ki leithei

UNHCR tetawh aki vaihawmkhawm TUNE Insurance aleinuam te’n hong tung ding August 30 (Saturday) ni ciangin ZAM zumtungdawl aom ZAM Hall ah zingsang nai 9am pan 5pm ciang kilei thei ding hi.

Min piasa khempeuh leh apia nailo a lunglut khempeuhin nong pai uh ciangin na UN card uh hong keng hamtang un. Innkuante ahih leh a pa pen leh innkuan pihte UN card or copy hong keng hamtang un. Na innkuanpih, nalawm nagual te ading na bawlsakdingleh UN Card pen Copy sangn Original hongtawi lecin manlang zawding hi.

Banghanghiam cihleh UN Card Copy bek nongtawileh Officer te’n UN zumte tawh sitcianna (Verify) bawlphot masading ahih manin, ziakai zawding hi. UN Card Original hileh tuatung ah akigelh Information banglian in Tune Insurance te’n Register hongbawlsak theiding uh ahih manin, manlang zawding cihzong hong vaikhak uhhi.

Saturday niciang in ZAM Hall ah atung masasa Token ki piading a, atung masate UNHCR leh Tune Insurance Officer te’n bawlsak masapahding uh ahih manin, na manbaih nopleh tunbaihsawm in. Atung masasa leh alei masasa ahampha hong hipah ding hi. ZAM iNFO