Tulaai Leitung Thuthang Tuamtuam Updates November 8, 2014

Tulaai Leitung Thuthang Tuamtuam Updates November 8, 2014

· USA gam Tennessee state sung Springfield khua a teeng Joseph Parker kici Papi khat in November 6 ni in azi thautawh alu kaap in akapkhitciang Tuikhalhsakna sikbungpi sung ah koih hi nai 24 acin November 7 ni in aet kikleh nasilo mawk a honkhiading acih hang azi konggawcip ta ahihman lakhia zolo in 911 sam in athu aman bang in gen hi.911 asap khitciang amah innpan taaikhia in Bowling Green,Kentucky state lam zuatna I-65 tung ah amawtaw tawh ongtaaito hi. Tennessee palik ten Kentucky state palik te zasakpah uha, palik ten anung ah delhpah uhhi. Palikten delhcih atheiciang Joseph in lamkiang neh in amah le amah kikaplum leuleu hi. Thulaaksawnna-DailyNews.com mit in zong vamu

· Iraq gamsung a misok IS gawltan te amuibun zawdiak a zialzawh nading ngimnatawh US Paltan 1,500 Iraq gam puakbehding in President Obama in phalna piata ci in Pentagon ten November 8 ni in taangkokhia uhhi. Tu iN Iraq gamsung ah US gaalkaap kipuak 3,100 phata hiteng in Iraq paltan te leh thautawi pawlkhat te gaaldo dan kisinsak ding ci uhhi. Hih gamkuan Paltan te sumzatding in $5 billion vaaldeuh zattheina President Obama in Congress ah angetlaaitak zong ahihi. Thulaaksawnna-www.voanews.com

· UN General Secretary Mr Ban Ki Moon ongtungding Monday November 10 niciang kawlgam onghawhdinga Daw Suu,U Thein Sein tawh kimukhawmding ASEAN gamte thukikupna zong kahkawmding ci hi. Kawlgam pan aciah khitciang Australia gam sung akibawlding G-20 Gamlian/hau 20 te thukikupna ah zong vakah laaiding hi. Thulaaksawnna-burmese.voa.com

· Nungdeuh khat a apanun akhawlsan ahi US Attorney General Mr Eric Holder dinmun ah naseemding in President Obama adeih leh hih hileh acih khat November 8 taankokhia a tua in Ma Loretta Lynch ahihi. Hih pinu peen Law lam thukhui siam mahmah khat hi a mivom ahihban ah numei hisawnsawn ahihman in ongngah taktak leh Pivom thakkhat akinei leuleu ding ahihi. Thulaaksawnna-Foxnews.com

· Sen gam Beijing khuapi ah November 9-10 sung kibawlding Asia gampawl sum le paai vaai kikupna ah akahding in Kawlgam President U Thein Sein November 8 ni in Beijing khuapi tungta a Sengam President Xi Jinping tawh kimukhawm uhhi. Akimuh phet un Mr Ping in Thein Sein kiang ah Senpautawh nadam acihna Ni Hauma? Acihleh Thein Sein in Hau kisa kawlgammi 6million tengzong kei a hi cin nadawng hi. ( hihbel keiphuahsak hi.) Kawgam sung ah daihna aom theihna ding in Sen gam lampan panpihtheih bang in panpihding in Mr Ping in kamciam muanhuai pia hi. Thuthak laaksawnna-Burmese.voanews.com

· North Korea gamte in amat uh USA gammi Matthew Todd Miller leh Kenneth Bae te November 7, 2014 ni in alamdangtak in suahtaakna pia uha, tu in USA gamlam ongzuanta uhhi. US thusimkan makaaipi James Clapper avazin nahang in ongsuakta uh zong ahihi. Thulaaksawnna-BBC.com

· US leh apawlte in Iraq gam saklam Mosul khuakiang a IS migilo te phualpi vanlamtawh November 8 ni in sualngeekngeek uha, Thaupi pua Mawtaw 10 suksiatsak uhhi. IS makaaipi Abu Bakr al-Baghdadi zong sikha ding in lam en uha, ahizong in telcianlian omnaailo phot hi. November 8 ni mah in Baghdad khuapi ah mawtaw bomb puahkhapsakna om in mi 33 si a, Sadr khuapi ah zong puahkhapna khat mah om in mi 10 si uhhi. Thuthaklaakna-bbc.com

· IS migilo gawltan te in November 8 ni in Video tomno khat Online tungtawn in khah khia leuleu uha, Numei zan ann ding aleiziahziah nathu uhleh atha haat acidam ameel a ut aomleh kideihlaailaai cihthu taangko khia giap uhhi. CNN ten numei akilei second hand khat athudot na uha pawlkhat in ongman in khansung khat ah ongkoih uha, naupang kum 7 dingkhat in ongveel in OK cih leh onglei uh ci hi. Aveeldan I utkei a leh aliante ongpai in ongsaatgawp uh cin gen hi. Anasep uhpeen Thallupsa a khituiluan na vive ahihman zankhua sawt mahmah ci hi. Thuthak laakna-CNN.com Lungdam ei kimu kik ni!, Khialna aom leh ngaihdam bawm ah maw. Thang Khawm Pauzomi