Tulaai Leitung Thuthang Tuamtuam Updates December 11, 2015

Tulaai Leitung Thuthang Tuamtuam Updates December 11, 2015

· IS migilo te in sum ngahna bulpi 5 aneihna lak pan atampeen angahna uh Namgimtui zuakna pan hi a kumkhat in $500 million ngah in Khakhat $80 million kiim zeek uh ci in US ten December 11, 2015 ni in genkhia uhhi. Hih bang a sum tampi azeekkhia thei amakaipi pa uh tun kigokhin ahihman in IS vaisah mahmahding cih genbeh uhhi.Tua ban ah IS ten Passport atuh bawltheihna set nei uh ahihman in kuamapeuh kidawm ding in thupia uhhi. BBC

· Malaysia gam KLIA Vanleeng tualpi a kinusia cip Boeing 747 Vanleeng 3 te ko a hi ongtannung ci in Swift Air Cargo ci in December 11, 2015 ni in taangkokhia uhhi.Kalak sawm uh sawt mahmahta a Malaysia Vanleeng lam thunei ten kalaai uh ong awlmawhlo cin gen uhhi. CNN

· Pakistan gamte leh India gam te gamnih kikaal holimna aneihzawh uh ninih ni December 11, 2015 ni in Pakistan gamten Nuclear apua velvel thei Thaupi asin uhleh buaina omhetloh in adeihna lian uh khathei a , koi mun koi mun kaaptheih ta ci in taangkokhia uhhi. VOA

· India gam sung ninih taampak ding in Japan Prime Minister Shinzo Abe India gam December 11, 2015 ni in tungta hi. Mr Be leh India kumpi thunei te peen India gam sung ah Thautang zah a haat Meileeng taaisakding tawh kisai kikumding uh ahihi. India kumpi te in hih Thautang Meileeng tawh kisai a zatding in $14.7b December 10,2015 ni in khensat uha Japan te seemsakding uhhi. CNN

· South Korea gam ah Pop Lasa siam a minthang mahmah K-Pop group Oh My Girl pawlte mi 8 US gam ah Khui zepnading Video kizaihpak a ongpai Avangtuamtuam te na meetbawl kha ahitam maw LA vanleeng tual ah avek un nai 15 sung kiman a December 11, 2015 ni in kikhah kik in Korea gamlam zuan kik ta uhhi. BBC

· Russia President Mr Valdimir Putin in Syria gamsung ah agaalkaap te galdona azatampi in khanto in I ngimna mun khat peuhpeuh kuakau cilo ongnawngkaai sak ding peupeuh viksuk kapzan pahpah ding in December 11, 2015 ni in thupiakna order nei ta hi. CNN

· Kawlgam Makaai thak ding thuneihna ki ap na ah buaina aomloh n ading in Vaaihawm pawlpi NLD tawh kikop in kiphut khinta hi ci in Kawlgam President zumpi te in December 11, 2015 ni in taangkokhia uhhi. Tuaban ah Daw Aung San Suu Kyi President suak kha theiding cih thuhoih omhi ci in NLD tanu bulpi U Tin Oo in December 11, 2015 ni in VOA tekaing ah genkhia hi. VOA

· US leh gam pawlkhat ten adeihvetloh uh cimawh a om Syria gammi gaaltaai te amasa peen mi 163 Canada gam December 11, 2015 ni in tungta uha, Canada gam thuneite leh mipi te itna ngaihna tak tawh namuak uhhi. VOA Khialna aom khaak aleh ngaihdam bawm ah maw, Thang Khawm Pauzomi (Bowling Green , Kentucky, USA)