Transavia vanleng sungah aki silngeilo a uihgawpkhat hangin Emergency Landing kibawl

Transavia vanleng sungah aki silngeilo a uihgawpkhat hangin Emergency Landing kibawl

Vandawn huihlak asangpi ah vanleng alen diaidiai laitak in setsiatna “technical difficulties” ahih keileh cidamlo agimgawp “medical emergencis” cihbang aom ciangbek in amanlangin Emergency Landing kibawl, aomna tawh akinai penpen vanlengtual ah kikum suksak hi.

Ahi zongin Netherlands gampan in Spain gam zuanin alengkhia Transavia Airlines pen Emergency Landing kibawlsak hi. Tua Emergency Landing akibawlsakna ahangpen vanleng sungah thuakzawh vetlohzahdong in apumpi agim a uih mahmah Passenger khat kihel ahih manin Emergency Landing akibawl ciliang hi.

Tua Emergency Landing akibawlsak vanleng pen Transavia Airlines Flight HV5666 ahihi. British News outlet minthang mahmahkhat ahi Mirror te’n Friday ni in apulakkhiatna ah vanleng sungah aki pumsillo pasal “unwashed man” khat tuangkha in, vanleng sungteng uihlua mahmah, namsia gawp in Passenger te’n thuakzolo in aluakhia ziahziah tawh, agimnam thuaklah in asibup tawh omgawp cimawk hi.

Tua vanleng pen Boeing 737 namte hi a, tuapa pen uihlua, namsialua mahmah ahih manin, Airline Crew te’nzong acihnading theilo in, ekbuk Toilet sungah tuamkoihcip uh ciliang hi.

Tuabangin Toilet sungah atuamkoihzong vanleng sungteng uihlai veve ahih manin, vanlenghawl Pilot inzong acihnading theinawnlo in, akinai penpen ahi Portugal gamsung Fargo City aom Airport ah amanlang in Emergency Landing bawlpih hi.

Vanlengtual atun ciangin tua a uihgawppa pen Medical Personnel te’n Bus khattawh puakhia uhhi. Vanleng sungah atuangkhawmkha Mr Piet van Haut in agenkhiatna ah tuapa pen uihlua mahmah, thuakzawhding hivetlo hi “unbearable” ciliang hi. Tuapa gimnam pen uihlua mahmah in, akisilloh sawtmahmah khading hi, Passenger tampitak in thuaklah in cinatlawh in luakhia ziahziah uhhi ci’n genkhia hi. Uih mawkmawkzong hilo in, uihcik mahmah, uih ngekngak “Stench” ciliang hi.

Transavia Airlines te ii vanlengsung ah a uihvai “smelly incident” tawh buaina pen hih amasapen hilo hi. Abeisa February khasung inzong Transavia Airlines te vanleng sungah Passenger khatin aveih pekpek in, agei ah atu Passenger tawh kitawng ahih manin, Emergency Landing bawlkul ngeikhin hi.

More: Mehhuan gim namsialua ahih manin vengta kitotlawh in mikhat in sihlawh, 3 liam

A uih pen kuamah in ki dikdiknuam khollo hi. Mehhuan gim namsialua ahih manin vengta kitotlawh in akithatzong omngei hi. Veihpekna hanginzong vanleng sungah Passenger te kitawngin buaina piangngei hi. Australia ah Durian singgah gimnam pen uihpianmawk ahih manin, Gas bung akehkhia kisa in kipatauman mahmah hi. Midangte adingin anamtui vauvau ihhih keiphial lehzong a uihgawp mikhat ihhihkhakloh nadingin pumpi cidamna kikepsiamding thupi hi. Sawltak #zomidaily