Thuthak Tomkimcing 27 Nov 2014

Thuthak Tomkimcing 27 Nov 2014

A. Myanmar in online bawl theilo’ Ahih hang viber khakcip nuam

Internet online tuamtuam te sung pan gamsung gampua thukizakna ah khangno te lengzatzat kahto in khang mahmah ahihi Tua sung ah face zah in athu, ala Maan tampipi leh Video te koih khinzo lo ahih hang in thuthak tomnono athu ,aliim, video manlang mah mah Viber khak nuam uh ahihi. Pau lap ah fake acc kitamzat cih uh hi. Ahizong in Viber azang te in Fake Acc bangcih kithei ahihiam? Dotna khat leh khat kinei ki uh hi. Viber tawh thuthak kihawmsawn te Ulian ten thei nailo tam mahmah lai cih kiza hi.

B. Khasum khan ding na ut uh leh Siah tampipi pia.

A (11) veina Pyiduangshu Lotdaw khawmpi ni 34 ni in Taapawng pan Palai U Win Than Tin in khansum khan ding vai thu khauh tak in asun leh Gambup sum zeek thusa Union Minister U Win Sein telgenna nei ki hi. Adiktel gen na ah Khasum abei sa in nasem te kikhan khin zo hi. Sun Khan nazui in van bawl khiat aom kei leh vanman tampi kah thei hi. Mailam ah bang ci ding cih ( Sustainable) ngaihsut zong kul hi.

Ngaihsut ding ah atawntung kumpi nasem kiom a, Nitha lawh nasem ki om hi, Khanglo, Kiamlo kha sum tawh nasem mi leh nitha tawh nasem mi ki om hi. Tuaban ah gamading in nasem te pahtawina ah izang sum om in, tua te Myonee ciang, Pyinee ciang leh Gambup level ciang cih bang in amunmun ah om tek ahihi.

Tulaitak din mun ah Kawlgam sum in manneilo in dausuah a,gamdang sum in man nei hi. Kawl sum dausuah na hang in nasem te sum khan ding hilo hi. Khansum khan ding ideih leh gambup sumpi sumbul lutna siahpiak ei mau tek inzong behlap in khansak kul ahihi. Tua pan in sum ngahna leh Zat khiatna (Balance Budget) avaangkim tak ciang in akul leh akisam namun (Deficit Budget) ki endik tel kik napan in sep tuak te sep ding hi pan ahihi.

Tu a hansum khan ding nagen natung tawh in gambup mimal 50 Million val te sung ah akizang ding ahi Cidamna lam, Siamsin pilna lam, Kiven hut nalam, Dongtuak huihpi guahpi, meimual, Zinling lam leh atuamtuam nasem te dong huam ahih man in sumkhek hang khasum zong khan ding hi cih thu maw sun ding hilo ahihi. cih diktel hilh kikna nei hi.

C. Kawl te in Minam lai asiam te pahtawi na piading.

Kawl te in Amyotaa Sxapyi suh’ cih kum sim in aneih uh pen 2013 kum ai ding minam lai siam te ahi (Stately) Kawl minam lai thupitak leh zahtak bang tak in azang agelh te, Minam lai akhangsak te 2013 sung ading mipil misiam te, Yangon Minam lamlah hall Amyotaa Yatyung ah 7 Dec 2014 zinglam daak 9:00am pan kipan in bawl ding uh hi. Minam lai neite in amau kumpi thu vaihawm na zumte ah minam kee nam neuno te tawh thupitak in thu vaihawm na aom namunte ah zang thei kim tek uh hi.

D. NCCT leh MPC te Thailand Chingmai kimuh khopna nei.

26 Nov 2014 ni in Zingsanglam pan kipan sun hun dong NCCT leh MPC te Thailand gam Chingmai huapi ah kihel kik na kizawl tuah bawl kik uhhi. Bangci kalsuan ding cih gen khiatna thuko diktak thuthang ah theihsak nei nailo uh cih kiza hi.

E. Tuipi nuai ah khuapi thak kibawl ding.

Japan Innlam company lian khat ahi Shimizu Corp te in tuipi sung ah mi 5000 om in nasep theih nading Tuipi nuai innpi Ocean Spiral khat lam ding uh hi. Hih Ocean Spiral lamna ding in akisam thukan theihna , Vannam kim ngah theihn ading Technology lam tawh kipawl kum 15 sung hun la kan khia zongkhia ding uh a, US dollar 25 Billion sang tawmzaw lo sum zee khia ding uh hi. Tua khit ciang in Tuinuai innpi lam kipan ding uh a Company zum nasem te, Hotel te, Ansai minthang te kikoih ding cihi. Adung 15km sau in toktol liimdan in lam ding uh hi. Akizawh teh tuikhul neunono a, Company nasem gam 52 te pan nuamtak zang thei ding uh a, tuihual leh huihpi Meimual cihte tawh lungpautau nawnlo in nuamtak nasem thei ding uh ahihi.

Hau Thang