Thuthak tomkim ~ The Tedim Post (31 Aug)

News In Brief: Thuthak tomkim ~ The Tedim Post (31 Aug)

Tonzang Township, Cikha khuapi, India gam pan hong ciah khempeuh aki koihna Quarantine Center ading Zomi Covid-19 Response Committe(ZCRC) in MMK 300,000 val man van leh nate August 30, 2020 ni-in piak khiatna nei uh hi, cih thu kiza hi.

2019-2020 hun sungin Political Partyte lak pan facebook ading sum tam a zang penpen nga om hi, ci-in Irrawaddy News in a kankhiatna uh pulak uh hi. USDP in US dollar 3,100, UBP in dollar 600, PPP in dollar 500, CNLD in dollar 200 leh NLD in dollar 100 cih bangin zang uh hi, cih pulak khia uh hi.

2020 kiteelpi ah Myanmar gambup a dem ding mimal vekpi gawm pen 6,800 val hi, cih thu kiza hi. Shan State pan a dem ding mimal 1,000 val tawh a tam penpen na mun hi in Yangon Division pan mimal 900 val tawh anih na ah om hi.

COVID-19 natna hun sung tengin kumpi lam pan kha khat meisap unit 150 ta hong maapna uh tungtawn in Myanmar gamah innkuan 3,400,000 bangin meisap noptuam pih uh hi, ci-in August 28, 2020 ni-in Union Minister U Win Khine in gen hi.

USA gam Lousiana State leh Texas State ah Hurricane huihpi nunna hangin mi 14 in sihlawh in inn tein 5 val ah mei kisia ci hi.

USA in Wechat Application zatloh ding khamna aneih leh China(Sen) mipite in zong Apple bawl iphone cihte ka zang kei ding uh hi, ci-in China thunei ten gen uh hi.

August 30, 2020 ni Leitung bupah Covid-19 natna ngah Tein 250 val(25,057,670), asi Tein 8 val (843,826) leh adam kik Tein 160 val (16,470,973) phata hi.

More: Opinion: A lunglut huai Zogam MP Candicate te ~ Pu Go Sawm Khup

August 29, 2020 ni-in Arsenal team in Liverpool team te zo in FA Community Shield ngah uh hi. Arsenal team te adingin Community Shield 16 vei a ngahna uh ahih banah Manchester United zomah Community Shield tamvei angah pen team zong ahi uh hi. Source : 7day news, , RFA, Eleven Media, The Myanmar Times, Irrawady News. Thukai khawm : Lia Lu Lun, Lia Shang Shang.