Thuthak tomkim ~ The Tedim Post (03 Aug)

News In Brief: Thuthak tomkim ~ The Tedim Post (03 Aug)

2020 Kiteelpi ah Hakha Township, Pyituh Hluttaw palai pan adem sawm Chin State, Hluttaw Speaker Pu Zo Bawi in dem nawnlo ding ci hi.

21 Century Panlong Khawmpi pen August 12-14, 2020 hun sungteng in akibawl sawm hi a, August 19-21 ni ah kisot to kik hi, ci-in kumpi lam thunei U Zaw Htay in gen hi.

Myanmar gam sung a State leh Region mun 4 ah July kha sung tuikhanna hangin mimal 25000 val in inn leh lo suplawh uh hi, ci-in UNOCHA in tangko khia hi.

Ayeyarwady Region, Myaungmya Township, Kanbelay Ohsuh Hausapa pa in Covid-19 natna hang tawh Kumpi in cimawh huhna innkuan khat ciang MMK 20000, innkuan 273 ading sum MMK 5,460,000 khempeuh ama mimal ading zang ahihman in thu kibawl ci hi.

Myanmar gambup ah High School sang 6000 val in Covid-19 natna ki dalna van leh nate kitangsapna hangin sang hon khuan ngah nailo uh hi, ci-in Ministry of Education pan Deputy Director General Dr. Tin Maung Win in gen hi.

Kum khat val sung bang internet line khaktanna a thuak Rakhine leh Chin State pan township 9 te in August 1, 2020 akipan internet kihon sak kik ta hi, ci-in Kumpi thunei ten gen uh hi.

NLD Party te in 2020 kiteelpi ah meekuanglui dingte tangko khiatna a neih lak uh pan mimal 12 khel kikna om hi, ci-in NLD party makai khat ahi Dr.Myo Nyunt in July 31,2020 in gen hi.

Brazil gam kumpipa zi ahi Michelle Bolsonaro in COVID-19 natna nei hi, ci-in Brazil kumpi thunei ten gen uh hi. Nung deuh in zong Brazil kumpipa pen COVID-19 natna pan a damkik khin ahi hi.

USA gamah China(Sen)thukan hi dingin aki ummawh Tik Tok Application zatloh dingin ka kham ding hi, ci-in Donald Trump in gen hi. Tik Tok Company in China(Sen) kumpi tawh thusim ka nei kei uh hi ci-in nial ci hi.

More: ZCRC pan Zogam sangpite vai tawh kisai thu pulakna

August 2, 2020 ni Leitung bupah Covid-19 natna ngah Tein 170 val(17,839,641), asi Tein 6 leh lang val (679,742) leh adam kik Tein 100 val (10,594,276) phata hi. Source : 7day news, , Eleven Media, Myanmar Times, VOA, Irrawaddy, The Hakha post.