Thupulakna: Zomi Innkuan TN Lungdamna tawh kimuak hi

Zomi Innkuan USA
Executive Committee

THUPULAKNA
Zomi Innkuan TN Lungdamna tawh kimuak hi

Zomi Innkuan TN kipawlna in Zomi Innkuan USA kipawlna sung ah kipawlkhawm in Gam leh Minam, Khua leh Tui Mabante ah ma apangkhawm dingin hong ngen uh a, Board of Directors pawl thukimna tawh lungdam takin kisang hi.

Zomi Innkuan TN kipawlna Makaite, Siate, Upate, Khuanu Khuapate leh Pawlmi khempeuh, Executive Committee pawlin itna leh muanna tawh kimuak hi.

Zomi Innkuan TN kipawlna pen Tennessee Gamkee, Nashville khuapi leh akiim apaam a om Zomi taangpi taangta in minam khat hihna siksan in aphuh, khua leh tui kipawlna ahi hi. Abeisa kum tampi sung teng, kipawlna min tuamtuam zangin khua leh tui kipawlna kician takin a ding khinsa kipawlna ahih manin Zomi Innkuan USA kipawlna picing sak mahmah hi. US gam sung ah Zomi a tam pen nihna aten’na khuapi ah a kiphut Zomi Innkuan kipawlna ahih manin Zomi Innkuan USA kipawlna hong thahat sak mahmah hi.

Anungta Pasian in Zomi Innkuan TN kipawlna Makaite a kipan Pawlmi khempeuh, kipawlna Mabante ah lawhcing takin kalsuan zawhna leh nisim mabante ah cidam lungnuam takin vaidin zawhna thuphate hong guan tahen ci in thu ka ngen uhhi.

Executive Committee
Zomi Innkuan USA

Tulsa, OK
April 29, 2015