Thu kikupna meeting ah i kihel ciang

Thu kikupna meeting ah i kihel ciang

Thu vaihawmna, kikupna, a hoihpen ding ngaihsutna kaihkhopna, ahoih pen lunggulhna tawh thu kikupna meeting sung ah i kihel leh …. ei’ ngaihsut theih tawp, hoih i sak pen gen ding hi a, ahi zong in ei’ a sang a hoihzaw leh a kizangthei zaw ngaihsutna tampi omthei hi cih phawk gige ding ahi hi.

Tuabang a a hoih ngaihsutna leh geelna a om ciang, ei’ cih pen nusia a a hoih leh a kizangthei, a muibun zaw pen a pomthei ding a zong kigingsa a omthrih ding hoih mahmah hi.

Khatveivei a hoih pen ideal hi a, practicable ziau lo, ahih kei leh condition tampi, sep masak ding tampi om in haksa thei hi. A hoihpen nihna bang practical zaw leh baihzaw in gahpha veve thei lel cihbang om thei mahmah hi. Tuabang mun ah a hoihpen nihna tawh i lungkim theih ding, i thupuk theih ding zong kisam thei hi.

Pawlkhatte meeting sung ah kihel napi, participate vetlo, paulo phunlo in om thei hi. Tuabang a Meeting sung a paulo phunlo peuhmah bel a khuanung ah bangbang ahi zong in..

• 1) Lungsim kawi, lehtat ding ngim gige
• 2) A gen ding theilo.

Khat zawzaw hipah lel hi. Meeting sung ah a pauloh bang in, a khuanung ah zong thusim luatloh ding hipah hi.

Meeting a lawhcin theihna ding in meeting kahte khempeuh ii lungsim sianthona leh kihelna ( participation or input ) thupi leh kisam mahmah a, thu khensatna ah zong meeting makai/chair in ama’ deihna lam bekbek ah akaih loh ding a picing makaihna kisam mahmah hi.

Meeting sung a thu kigen, ama’ deihdan hilo ahihman a bingkhak a dawng loklok makai i picin lohzia leh thu kigen a gente’n pan pan diakdiak a bing dawn lawklawk pawl bel a tehna ding zong a omlo, gendan ding nangawn a omlo, meeting kah kei leh ahoihzaw ding mite ahi hi. Pau Khat Suan