Theih Huai Gamdang pai dingte

I hih na ki tello pi-in ki gamta kha theizel hi. Hi mah hi. Ahi zongin
a ki puahpha thei mite khangto den hi. A hihna a ki telciante
miciim/mipil ki ci hi.

Gam dang na tun ma in na din mun, na pan mun:

~ Makai khat peuhpeuh hi thei niteh.

~ Pastor zong hi mai thei ni teh.

~ Sia nengneng zong hi mai thei ni teh

~ Pawlpi ma kai zong hi mai thei ni teh

~ Minam makai zong hi mai thei ni teh

….hih teng khempeuh gamdang na tunteh na tunna gam ah;

~ Makai in hong ki teel nai kei leh lungduai tak in ngak in. Langbawl
in thutuam sat kha ken.

~ Pasian in Makai ding, Sia ding…cih bangin hong teel ngiat ahihleh
kua tu, kua ta in hong khaktan zolo ding hi cih phawk in.

~ Panmun ngahlo in thutuam na sat khiatleh a beisa in na panmun
khempeuh Pasian theihpihna ki hello cih phawk in.

~ Pasian ki hello na sepna in buaina siatna dim tawntung hi. Buaina
siatna a piang sak mikhat a sungah Jesus teng nailo cihna hi.

~ Gilpi khapkhat bek a khual leitung mi tampi tak om hi. Tuate in
Satan lungdamsak kha ding aa, Zeisu kapkap sak kha ding hi.

Mipi deihteel makai khat peuh zahtaak bawl siam pahin thapia leng
tawldam huai zaw aa, thuman lampi zong hi gige hi. Ei Gilpi khapkhat
khualna tawh huaihamna pen milim biakna zahin sia hi( Efesa 5:5) cihi.