Thai gamsung leitawlam aom Thepa District, Songkhla kicihna ah Monday nitaklam in Bomb akizom in nihvei puaktam a, mi 1 si in adang mi 8 liam cih Bernama News pan kiza hi. Bomb puahkhapna munpen Restaurant leh Karaoke ki thuahkhawm in akihong sai khatpan ahihi.
Asi pen kum 28 aphapan Wipawadee Roypuang kici numei khat hi a, amahpen Na Chuak District pan kici hi.
Songkhla Police Chief Maj Gen Police Krisakorn Palitanyawong akicipa in genkhiatna ah Bomb puahkhap hunpen zankimlam 11:30pm hi ci in genkhia hi.
Anihna Bomb apuakkham pen lei ah akisiah namte hihtuak a, amasa Bomb apuahkhap khitzawh Minute 15 khitciang in puakkham cihi.
Hih vai hangin aki ummawh mi 2 zong ki mankhin cih kumpi thunei te’n Media te tungah genkhia hi.
Aliam mi 8 tezong Songkhla Hospital ah kipuakpah a, mi 4 pen gimngawh mahmah hi. Aliam tepen tua ansai Restaurant ah nasem te leh anne in hongpai Customers te ahi uhhi.
Asia gamsung muntuamtuam ah IS te hangin ki patau tek a, Security nasia tak in kikoih tek hi. ZD Sawltak #zomidaily
Comment piaknop aomleh...