USA, Georgia pan Tg. Khai Sawm Lian (Kaptel, Hatlangh) in hongnusia

USA, Georgia pan Tg. Khai Sawm Lian (Kaptel, Hatlangh) in hongnusia

Mangpha Tg. Khai Sawm Lian @ Khai Sian (Kum 39) Hatlangh Beh – Kapteel khuami Savanah GA, USA pan in Tg. Khai Sawm Lian in abeisa December 26, 2021 in ihmusuak in hongnusia chih thu izak man in ZIUSA kipawlna mintawh dahpihna i pulak hi.

Tg. Khai Sawm Lian pen Zomi te kipawlkhopna Florida ah member khat leh ZIUSA Genvai member pom ni 3/7/2014 pan active member khat ahih manin thumeilet/policy zuiin (100%) Death Benefit $15000 kipiakhia dinga paakkual $150 man khat tawh zong mangpha khakna kinei ding hi.

Tg. Khai Sawm Lian luanghawm tawh anunungpen hunzatkhop ding hong tungding Friday December 31, 2021, in Zomi Laizom Christian Church makaihna tawh, Funeral Service bawl khit ciang, Rev. Thang Van Lian in han ah vuina nei ding hi.

Tg. Khai Sawm Lian hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)