Tedim Sipin ninkhawm mawtaw vai theihhuai

Tedim Sipin ninkhawm mawtaw vai theihhuai

Ninga (Friday) nisim in Sipin ninkhawm mawtaw in khuasungah nin hong kaikhawm kawikawi hi. Kamhau lamzikpi leh Tedim lampi tengah hong ki pai zopan hi. Mailam-ah lampi mundang te ah zong hong pai zawh nading ki hanciam lai hi.

Ninga (Friday) nisim in na ninte uh tawh Kamhau lampi leh Tedim lampi tungah nangak le uh ci’n hong khawm kawikawi ding hi ungh. Anhuanbuk sungpan ninthem i cih mehbawlna alu hawng lothang hawng a tuamtuam etc–te sum hong kilalo aa a mawkna in hong ki buaksak hi.

Tualo a dang nin tuamtuam te ip khat ciang 50,100,200,300,500 cih bang in hong kila hi. Tua nangawn zong pia zolo leh a pianuamlo te kiang ki ngen tantan samlo hi.

Tua sum te mah tawh nin khaikhawm nasemte kicial kik ahi hi. Nasemte cialna zong khat veivei cing zolo lai thei mawk hi. Tua hi aa Tedim khuapi a siantho theih nading pen Tedim khuasung aa teng mipi khempeuh i vaipuak ahi hi.

Mipite kihelna omlo in Sipin tensun leh zan in nin hong khawm aa hong phiat siang hang zong tawm vei sung bek mah kimang ding hi. I tenna khuapi hong siangtho leh ei mipite a hampha i hi pah hi. I ci zong dam tuam ding hi.

Ngaihsutna picing sak in Dimtuivangkhua tualnuam a siantho theih na ding i hih theihna ciat pan mapang khawm ciat ni!

Hawklam Siansuah

Naupitau lampi dungteng aa hawklam tengah nin leh lei dim a hih man in tuuk hong tun kik ciang hawktui nuamtak a pai theih nading deihna tawh Sipin pan vaihawm in kisem hi. Tedim Municipal