Tedim ah ICU innpi Emergency lamzawh nading koidan in lampi omthei dinghiam?

Tedim ah ICU innpi Emergency lamzawh nading koidan in lampi omthei dinghiam?

Hih pen pawlkhat te in neihzawh baih ding hi kei a ci zong ki om hi. Ahi zongin Zomi mimal kim vaipuak in ngaih sun le’ng piangzo pha mahmah ahihna ki laknuam hi hang. Piangsak zo hi leng Mailam ah khangsawn ten a ciin theih ding thuhoih thu manpha mahmah zong hi ding a, tu khang a te mualsuang zong hong hipah ding hi.

Semkhawm pangkhawm leng apiang zolo om lo a, apiang nailo bek hi. Tutung ih tuah thu hang in Ih Sinlai Lingbang hongdo in Kahtam ki lolo nuam phial mawkhi. Ahi zong in Topa in hong nusia lo ding a EI Zomi Laizom teng pangkhawm peuh leng mite tungah ki kaisang to veve ding hihang.

Tedim ah ICU inn lam zawh na ding lampi Phualva Lungtuak Social Organization in lungsim mitkha a hongsuak khia te anuai bang in lai-a sim theih in kong at suk uhhi.
Hih pen hipah hen cihna hi lo a, hih theihna lampi om hi cih mikim muh saknop man hi zaw hi.

Gentehna in: Total/Target Budgets Kyats – 150,000,000 (Tengtul leh teng zanga) a kisam bang hi leh- Bang cih leng hi zah ngah zo ding?

1. Tedim Tonzang gam sung leh Kalaynyo kuam a Registered Company khempeuh kiang ah huhna ngen ding. Company khat ciang in 500,000 kyats. Lamet Company om zah – 50 bang hileh 50 × 500,000 = 25,000,000 kyats

2. MP (NLD, USDP, ZCD) teng khat ciang 500,000 – MP omzah 7× 500,000 = 3,500,000

• 3. Vuangi – 1,000,000 x 2 = 2,000,000
• 4. ZIS – 1,000,000 kyats
• 5. ZAM – 1,000,000 kyats
• 6.Norway – 1,000,000 kyats
• 7. Japan – 1,000,000 kyats
• 8. Autstralia – 10,000,000 kyats
• 9. UK – 1,000,000 kyats
• 10. Sweden – 1,000,000 kyats
• 11. S. Korea – 1,000,000
• 12. ZIUSA – 30,000,000 kyats
• 13. ZBCA – 20,000,000 kyats
• 14. ZBCM – 1,000,000 kyats
• 15. TBC – 1,000,000 kyats
• 16. GZA – 5,000,000 kyats
• 17. KVBC – 1,000,000 kyats
• 18. FGA – 1,000,000 kyata
• 19. ZYA – 1,000,000 kyats
• 20. PLSO – 1,000,000 kyats
• 21. TA – 1,500,000
• 22. TYF – 1,000,000
• 23. Zomi AG- 1,000,000
• 24. EBC – 1,000,000

Mimal in-

• 25. Pu Thomas Khanno (Thomas Gold Money Exchange) – 10,000,000
• 26. Pu En Kap (Taungzalat)- 5,000,000
• 27. Pu Kapno (First Private Bank-Tedim Director) -5,000,000
• 28. Chintaungtan Bus – 5,000,000 Kyats
• 29. Pu Thang Sing (Seinmittha) – 5,000,000
• 30. Pu Thang Khawm Cin – 2,000,000
• 31. SK Hotel – 2,000,000
• 32. LCEC – 2,000,000
• 33. Conerstone Academy – 2,000,000
• 34. Ciimnuai High School – 2,000,000
• 35. Youth High School – 2,000,000
• 36. Pu Suan Pau –
• 37. Mimal apia nuam te tung panin zong tampi tak kingah beh thei lai dingin kilamen hi.

A tunga i upmawh sehzah ta a kingah zo hi leh olno takin Teng tul leh teng za nga (150,000,000) bei-in inn hoih mahmah khat kilamzo kha thei ding hi.

Tua leh kuan vaipuak la ding hiam? Zomi kipawlna khat peuh ahih kei leh amun amual om kumpi lam makaite maw mipi lampan kipawlna te khat peuhin vaihawm thei ding hi.

Kuan lam ding?

Zomi te Construction Company ki tam lel a hih manin volunteer ahih kei leh a kiman pen a sem nuam peuh in sem thei ding a, nasep hun pen sun le zan in kisem hi leh hun tomno sungin kizo thei lua ding hi.

Theih ding:

1. Hih project pen Phualva Lungtuak in lungsim ngaihsutna mipite tungah sunkhiatna bek ahi hi.

2. Hih project aki patzawh leh a kipat nini in PLSO in teng sawm (1,000,000) Kyats sumbul piakkhiat ding in ompah hi.

3. Kipawlna le mimal muan mahmah te min a kigelh nai lo tampi tak om lai hi. Hih pen (Road Map) hong kawk muh bek hi phot cih mangngilh kei ni.

4. Comment ah ngaihsutna khat leh khat a ki bang lo te mimal messenger ah nong ki dawn kik na ding un kong thum uhhi. Lungdam, Phualva Lungtuak Media