Rideshare Apps ahih keileh Ride-hailing Apps tepen Taxi taktak te sangin ki limzat zawphialta hi. Uber pen adang gamtuamtuam ah kilimzak mahmah himahleh Southeast Asia gamsung Singapore, Malaysia, Indonesia, Thailand, Vietnam, Philippines te ah Grab zong kilimzat mahmah hi.
China ah pasal khatin Rideshare Apps khatpan in Taxi Booking abawlleh Truck mawtawpi khatin vadawn cih Mashable pan kiza hi. Tua Rideshare Apps pen UberX hilo hamtangding kici a, Grab zong hilo ngel khading hi.
Southwest China, Wushan County panin Chongqing City zuanding in pasal khatin Rideshare Apps panin mawtaw Booking abawl ahihi. Hih Booking bawlpa paisawmna khuanih kikal pen nai 5 pan nai 6 bang mawtaw akihawlding ahihi.
Tua Booking abawlpa minpen kigenkhialo a, ahi zongin Chinese Social Media akilimzat mahmah ahi Weibo tungah @QiGeNongDongQiang cih User ID tawh hihthu agelhkhiat ahihi.
Booking abawlkhit ciangin mawtawhawl Driver pa’n kongdawn nading mawtaw pen azai mahmahkhat ahimaw ci’n sms khakkik cihi. Booking bawlpa inzong azai mahmah acih ciangin Toyota Alphard khawng ahidiam ci’n mawtaw hoihnono, aliantheithei ahiding in lamen gige hi.
Ahi zongin Driver pa atun ciangin ama upmawhbang nahi hetlo in, Truck mawtawpi khat nahimawk hi.
Tua Booking bawlpa pen akhualzin nading gamla ahih manin, mawtaw tungah ihmuh hithiatding cih angaihsut ahihi. Truck mawtawpi nungah lupnading zaimahmah himahleh mawtaw pen hatsaklua sawnsawn ahih manin, lokgawp in ihmu theivetlo hi.
Mawtaw hawlpa in laukei in, mawtaw kahawl pen sawtmahmah khinta hi ci’n alauloh nadingin genphapha hi. “Don’t worry, bro, I’m a long-time driver! Long-time driver!”
Chongqing Evening Post te’nzong hihthu suahkhia uh a, hih mawtawhawl pa’n abeisa inzong hih Truck mawtawpi mahtawh Passenger kapua zelzel cisawnsawn hi.
Rideshare Apps pen amin ki pulak khialo a, ahi zongin Rideshare Company panin thunei te’n mawtaw bangcibang hiam cih sitcianna kinei khalo mahhi ci’n akhialhna uh genkhia hi.
Related: Grab Taxi hawl pasal khatin Passenger numeikhat buan, palik te’n mankhiapah
Hih thuthang pen ki thehzak gawppah in, Rideshare Company te nangawn in hihbangin Truck mawtawpi khatin Passenger apuak azak uhciang in lamdang samahmah uh cihi. Sawltak #zomidaily
Comment piaknop aomleh...