Tattoo kigelhkhial ahih manin nupi khatin atapa amin laihsak

Tattoo tungah kigelhkhial ahih manin nupi khatin atapa amin laihsak

Sweden gampan nupi khatin atate minpen avun tungah amangtheilo dingin Tattoo gelhsak hi. Atate minpen Kevin leh Nova ahihi.

Ahi zongin Tattoo agelhsak khitciangin Kevin cihdingpen Kelvin ci’n kikhial khamawk hi. Atapa minpen Kelvin ci’n akigelhkhial amuh ciangin nupinu pen lungam in katukdek lianghi ci’n genkhia hi.

Ahi zongin nupinu inzong hihpen kei khialhna mahmahzong hi, Tattoo ka gelhsakma in laimalgawp Spelling hoihtak sitcianlo kahih manin, akikhial hi ci’n genkhia hi.

Amahzong avun tungah akigelhkhial atapa minpen phiatsak kikding, Laser Surgery bawlin gelhphading cih ngaihsun masa in, ahi zongin aphiatkikzong hunsawtpi beilawhding hizel hi.

Tuaciangin phiatsak in, gelhkikliang sangin atapa min laihsakding cih ngaihsutna hongnei uh a, atapa amintaktak ahi Kevin pen Kelvin cihtawh Official in kumpizum ah laihsakmai hi.

Amau nupa ii genna ah Kelvin cihtawh minmal akigawm pen tamkhollo, omkhollo ahih manin, ka tapa uh aminpen tuamdiakzaw, Unique zaw hi ci’n ki hehnem siamkik bilbel uhhi.

More: Numei khat a awmbo ah asuaih Tattoo aphiatleh meimapawn lianmahmah piang

Tuate nupa in tanu khat neihbeh uh a, tua atanu minpen Freya ahihi. Tuazong anu in ka vuntung ah amin Tattoo tawh kagelhsakding ci’n genkhia hi. Ahi zongin Passport leh Birth Cert cihte ah amin laihkik akul nawnloding in, Tattoo kagelhsakma in Spelling pen tulsawm veibang ka Check phapha masaphotding hi ci’n Sweden Newspaper ahi Blekinge Läns Tidning News te tungah genkhia hi. Sawltak #zomidaily