Tanu-ciim in ama’ nawitui apa pia

Tanu-ciim in ama’ nawitui apa pia

“Zum-huai” naci khadeh.! “Kih-huai” ci-in cilphih pahkenn. Pate a it vive lakah, bang adeihna hi-a, bang hong theisaknuam ahi hiam, bangzaha hangsana citak hiam, theihsaw’m zawdih nii….

Hih, a lamdang mahmah limsuai siam BARTOLOME ESTEBAN MURILLO in kum zalom 17 hunlai-a a suaih ahi hi.

Limsuaih haksa leh a lamdangpen pawla a kigen, “Painting of Roman Charity” cihtawh a kithei, a tanu in a’Pa a’nawi a neeksak laitak, VALERUS MAXIMUS a, Greep pau-a ki-at, “FACTORUM ACDICTORUM MEMORABILIUM LIBRI IX” (Nine Books of Memorable Deeds And Sayings) cih laibu-a tuang, “CIMON and PERO” cih taangthu khat, bulphuha ki-at ahi hi. Limsuai siam mahmahten na suai khin uha, kum zalom 16 pan 18 kiim pawlin Italy leh Netherlands gamte-ah na minthang khin hi. Tua limsuaite lakah 17 century-a, Murillo in a’ lungsim khempeuh tawh asuaih pen minthangin mite’ thupisak leh ngaihsa’n lawh pen ahi hi.

Tua kinaina zongh eimau’ tehna zanga teh pongmawkding hilo hi. Pa leh tanu kikala kinaina pen, tel khinding hihang. Ahizongin, hite pata kinai kizopna in ahihleh: a ente a ngaihsunte’ lungsim nakpitakin sukha mahmah hi.

Papi-haam mahmah khin CIMON (Saimon) pen, Rom kumpi khat in Thong sungah gilkiala a sidingin khumcip hi. Amah aveh a phadingte bangmah puakding phallo ahihmanin a it mahmah a tanu neihsunn (nau nawi-pialai) PERO (Peraw) in, a’pa bangmah neekding a kiphallo gilkiala sihding ngaka a om pen, a veh/phaak simin, a’nawi pia-in, aPa’ sihna na daalin na nungta sak hi.

Nipi kalthum khitciangin zongh aPa si thei mahmahlo ahihmanin, Thongcingte’n ensim uh hi. Hih-thu a kitheih ciangin, Europe khuapi pen thanem/ lungneu mahmah hi. Mawhna lianpi abawl bangkeekin pawlkhatte a kingaihsut laitakun, mi a tamzawte in “PASIAN ITNA MIHINGA HONG KIHIL, MIHINGTE IN IH MIHING PIHTE NUNTAK NADINGA KIPIAKNA” ahihna a etteh taak mahmaha a ngaihsunpawl a om manin, a pata-un suahtakna na pia uhi.

Hih limsuaih, a minthan laitakin khangnote in amau’ gam leh nam aa ding amau ii SISAN PIAKHIA dinga to-na (challenge na) nasia takin na piaklawh uh hi.

PRADO MUSEUM, MADRID ah “PAINTING OF ROMAN CHARITY” a nasia mahmah pen, mipi muhtheih dingin limtakin kikem hi.

“PATE’ NI” nuamtaka a zangthei dingin deihsakna i kipuak hi. (by: vr ralte hindi samrat)

*(Tua-ni, June-kha 18-ni hihtuak tuanlo hi. 18.6.17 ni pen, Pate’ni a ciaptehna-ni hibek-a, Nisim, Nute Pate’ ni hisakzo zawlai leeng.!.!.!). Benjamin Thawn